Gɔrobun Kookoosu 7:42 - Bibeli Gusunɔn Gari

⁴² Adɑmɑ Gusunɔ u tii ɡɑwɑ ben min di, mɑ u derɑ bɑ sɔ̃ɔ kɑ suru kɑ kperi sɑ̃wɑ, nɡe mɛ u ɡeruɑ win sɔmɔbun tireru sɔɔ u nɛɛ, “Bɛɛ Isirelibɑ i kɑ kuɑ wɔ̃ɔ weeru ɡbɑburu sɔɔ i mɑn yɑ̃kunu kɑ kɛ̃nu kuɑre?

Gɔrobun Kookoosu 7:42 ပူးပေါင်းရင်းမြစ်များ

Sinɑmbu II 17:16

Bɑ Yinni Gusunɔn woodɑ ɑtɑfiiru kuɑ bɑ tii kɛtɛn bwɑ̃ɑrokunu kuɑ kɑ sii ɡɑndu kɑ bũu wi bɑ mɔ̀ Asitɑɑten bwɑ̃ɑrokunu. Mɑ bɑ sɔ̃ɔ kɑ suru kɑ kperi sɑ̃ɑmɔ kɑ sere mɑɑ bũu wi bɑ mɔ̀ Bɑɑli.

Sinɑmbu II 21:3

Mɑ u wure u kpɑm ɡunɡuu ni bɑnɑ, mi bɑ rɑ bũu yɑ̃kuru ko, ni win tundo Esekiɑsi u kɔsukɑ. Mɑ u mɑɑ bũu wi bɑ mɔ̀ Bɑɑli yɑ̃ku yenu kuɑ. Mɛyɑ u kpɑm wure u bũu wi bɑ mɔ̀ Asitɑɑten bwɑ̃ɑroku kuɑ bɑ sɑ̃ɑmɔ nɡe mɛ Akɑbu Isirelibɑn sinɑ boko u rɑɑ kuɑ. Sɑɑ yerɑ u mɑɑ sɔ̃ɔ kɑ suru kɑ kperi kpuro mɛnnɑ u sɑ̃ɑmɔ.

Womusu 95:10

Wɔ̃ɔ weeruwɑ nɑ bwese te bwɛ̃rɑ yɑrɑ, mɑ nɑ nɛɛ, tɔn ben ɡɔ̃rusu kɑ mɑn tondɑ. Bɑ yinɑ bu nɛn woodɑbɑ swĩi.

Esɑi 43:23

N ǹ nɛ i yɑ̃ku dɔ̃ɔ mwɑɑrɑruɡinu kuɑmmɛ kɑ bɛɛn yɑ̃ɑnu. Yɑ̃ku ni i rɑ mɑɑ ko mi, nu ǹ mɑn bɛɛrɛ wɛ̃ɛmɔ. N ǹ nɛn sɔ̃ i ɡobi bɛkɛ di i kɑ turɑre dɔ̃ɔ doke. N ǹ mɑɑ nɛ i kɑ yɑɑ ɡum nɑɑwɑmmɛ ì n yɑ̃kuru mɔ̀ mu sere mɑn tusi. N ǹ nɛ nɑ bɛɛ tilɑsi kuɑ i n dɑ kɑ mɑn kɛ̃nu nɑɑwɛ. Mɛyɑ nɑ ǹ mɑɑ bɛɛ tɔ̃yɑ kue i kɑ mɑn turɑre dɔ̃ɔ dokeɑ. Adɑmɑ i mɑn wɑhɑlɑ kpɛ̃ɛwɑ bɛɛn durum sɔ̃, mɑ nɑ wɑsirɑ bɛɛn torɑnun sɔ̃.

Esɑi 63:10

Adɑmɑ sɑ nùn seesi sɑ win Hunde nuki sɑnkɑ. Yen sɔ̃nɑ u kuɑ bɛsɛn yibɛrɛ mɑ u kɑ sun tɑbu kuɑ.

Esɑi 66:4

Yen sɔ̃nɑ nɛn tii, kon de bu nɔni swɑ̃ɑru wɑ ben kookoo sin sɔ̃. Kpɑ wɑhɑlɑ yu bu deemɑ ye yɑ koo bu nɑndɑsiɑ. Domi nɑ bu sokɑ ɑdɑmɑ bɑ ǹ mɑn wurɑri. Nɑ kɑ bu ɡɑri kuɑ, mɑ bɑ ǹ mɑn swɑɑ dɑki. Kɔ̃sɑ bɑ mɔ̀. Mɑ bɑ swĩi ye nɛn ɡɔ̃ru ɡɑ ǹ kĩ.

Yeremi 19:13

Yerusɑlɛmuɡibun yɛnusu kɑ Yudɑbɑn sinɑmbun yɛnusu, yɛnusu kpuro ɡesi mi bɑ rɑ bũnu turɑre dɔ̃ɔ dokeye kɑ mi bɑ rɑ suru kɑ kperi kɑ sɔ̃ɔ sɑ̃, kɑ sere mi bɑ rɑ mɑɑ bũnu ɡɑnu sɑ̃, si kpuro su koo disi duurɑwɑ nɡe Tofɛti.

Yeremi 8:2

Sɔ̃ɔ sɔɔ, nu ko n sɔ̃ɔ soore. Wɔ̃kuru kpɑ nu n wɑ̃ɑ suru kɑ kperin tɑrum sɔɔ. Bɑ ǹ mɑɑ nu ɡurɑmɔ bu sike. Nu koo kowɑ tɑɑki tem sɔɔ. Domi sɔ̃ɔ kɑ suru kɑ kperi yiyɑ bɑ rɑɑ kĩɑ mɑ bɑ yiirɑ bɑ yi sɑ̃wɑ.

Esekiɛli 20:25

Nɛnɑ nɑ mɑɑ bu woodɑ wɛ̃ ye yɑ ǹ bu ɡeɑ mɑruɑmmɛ kɑ ye yɑ ǹ bu wɑ̃ɑru wɛ̃ɛmɔ.

Esekiɛli 20:39

Tɛ̃, wee ye nɛ, Yinni Gusunɔ nɑ mɑɑ ɡeruɑ ben sɔ̃. Nɑ nɛɛ, bu doo bu ben bũnu sɑ̃. Adɑmɑ ɑmɛn biru, bɑ koo mɑn mɛm nɔɔwɑ. Bɑ ǹ mɑɑ nɛn yĩsiru sɑnkumɔ kɑ ben bũu sɑ̃ɑru.

Esekiɛli 8:16

Mɑ u nùn suɑ u kɑ dɑ sɑ̃ɑ yerun yɑɑrɑɔ yɑ̃ku yeru kɑ dii dɛɛrɑrun kɔnnɔn bɑɑ sɔɔ. Miyɑ u tɔmbu yɛndɑ nɔɔbu wɑ bɑ sɑ̃ɑ yeru biru kisi bɑ yiire sɔ̃ɔ yɑri yeru ɡiɑ bɑ sɔ̃ɔ sɑ̃ɑmɔ.

Osee 4:17

Isirelibɑ bɑ bũnu sɑ̃ɑmɔ. A bu derio mi.

Yohɑnu 6:45

Gusunɔn sɔmɔbu bɑ yoruɑ bɑ nɛɛ, “Gusunɔn tii u koo bɑɑwure keu sɔ̃ɔsi.” Ǹ n mɛn nɑ, bɑɑwure wi u Bɑɑbɑn nɔɔ nuɑ, mɑ u win sɔ̃ɔsiru mwɑ, yɛ̃ro u koo nɑ nɛn mi.

Gɔrobun Kookoosu 13:40

Yen sɔ̃, i tii lɑɑkɑri koowo, kpɑ ye Gusunɔn sɔmɔbɑ ɡeruɑ n ku bɛɛ deemɑ, ye bɑ nɛɛ,

Gɔrobun Kookoosu 7:36

Durɔ wiyɑ u bu yɑrɑ sɑɑ Eɡibitin di. U mɑɑmɑɑki kɑ sɔm dɑmɡinu kuɑ Eɡibitiɔ kɑ nim wɔ̃ku sɔɔ ɡe bɑ mɔ̀ Nɑɑ yɑri kɑ mɑɑ ɡbɑburu sɔɔ mi bɑ kuɑ wɔ̃ɔ weeru.

Sɔ̃ɔsiru 4:19

Ì n nɔni seeyɑ wɔllɔ i kɑ sɔ̃ɔ kɑ suru kɑ kperi mɛɛri kɑ kpuro ye yɑ wɑ̃ɑ mi, i ku de yu bɛɛ ɡɑwɑ i kɑ yiirɑ i ye sɑ̃. Yebɑ kpurowɑ Gusunɔ bɛsɛn Yinni u hɑnduniɑn bwesenu kpuro deriɑ nu n mɔ.

Heberu 3:9

Miyɑ bɑ mɑn wɛ̃ɛrɑ kɑ lɑɑkɑri mɛɛribu. Bɑ mɑɑ wɑ ye nɑ kuɑ sere wɔ̃ɔ weeru.