Gɔrobun Kookoosu 4:28 - Bibeli Gusunɔn Gari

²⁸ Mɛyɑ bɑ yɑbu bɑɑyere kuɑ ye ɑ rɑɑ yi wunɛn dɑm kɑ wunɛn himbɑ sɔɔ.

Gɔrobun Kookoosu 4:28 ပူးပေါင်းရင်းမြစ်များ

Torubu 50:20

Kɔ̃sɑ i rɑɑ bwisikɑ i mɑn kuɑ, ɑdɑmɑ Gusunɔ u kɔ̃sɑ ye ɡɔsiɑ ɡeɑ u kɑ tɔn dɑbinu fɑɑbɑ kuɑ nɡe mɛ sɑ wɑɑmɔ ɡisɔ.

Yoobu 12:13

Adɑmɑ Yinni Gusunɔwɑ u bwisi kɑ lɑɑkɑri kɑ dɑm kpuro mɔ.

Mɔnnu 21:30

Tɔnun bwisi kɑ win lɑɑkɑri kɑ win bwisikunu, yen ɡɑɑ kun kpɛ̃ yu Gusunɔn himbɑ sĩiyɑ.

Esɑi 14:24

Nɛ, Yinni Gusunɔ Dɑm kpuroɡii nɑ bɔ̃ruɑ nɑ nɛɛ, ye nɑ yi, yɑ koo mɑɑ nɑ. Ye nɑ mɑɑ ɡɔ̃ru doke yɑ koo koorɑ.

Esɑi 28:29

Yenin tii yɑ weewɑ Gusunɔ, wɔllu kɑ tem Yinnin min di. Win bwisi kɛ̃ru tɑ sɑ̃ɑwɑ mɑɑmɑɑki. Win lɑɑkɑri yɑ mɑɑ kpɑ̃.

Esɑi 37:26

Adɑmɑ Sɑnkeribu u ǹ yɛ̃ mɑ wi, Yinni Gusunɔn tiiwɑ u yenibɑn himbɑ yi sɑɑ yellun di? Wee tɛ̃ himbɑ ye, yɑ koorɑ, mɑ wi, Asirin sinɑ boko u wuu si su dɑm mɔ bɑnsu koosiɑ.

Esɑi 40:13

Wɑrɑ u Gusunɔn bwisikunu yɛ̃. Wɑrɑ u nùn bwisi kɛ̃ɛre.

Esɑi 46:10

Nɑ ɡeruɑ yellun di ye yɑ koo koorɑ. Nɑ nɛɛ, nɛn himbɑ ye nɑ yi, yɑ koo koorɑ. Kon mɑɑ nɛn kĩru kpuro yibiɑ.

Esɑi 5:19

bɑ n ɡerumɔ bɑ n mɔ̀, Yinni Gusunɔ u wɑsi suo u win sɔmburu ko fuuku, kpɑ su tu wɑ. Isirelibɑn Yinni Dɛɛro u win himbɑ sɔ̃ɔsio ye u yi, kpɑ su ye ɡiɑ.

Esɑi 53:10

Adɑmɑ Gusunɔn kĩrɑ wɑhɑlɑ ye, yɑ kɑ nùn wɔri. Mɑ u duɑ nuku sɑnkirɑru sɔɔ. U tii kuɑ yɑ̃kuru tɔmbun durum sɔ̃. Yen sɔ̃, u koo bii dɑbinu wɑ, kpɑ win wɑ̃ɑrun tɔ̃ru tu dɛnyɑ. Kpɑ Yinni Gusunɔn himbɑ yu koorɑ sɑɑ win min di.

Mɑteu 26:24

Tɔnun Bii u koo ɡbi nɡe mɛ Gusunɔn ɡɑri yi win ɡɑri mɔ̀, ɑdɑmɑ nɔni swɑ̃ɑruɡiiwɑ wi u koo nùn dɔmɛ. N burɑm bo bɑ kun dɑɑ yɛ̃ro mɑrɑ.

Mɑteu 26:54

Adɑmɑ nɑ̀ n kuɑ mɛ, ɑmɔnɑ Gusunɔn ɡɑri yi koo kɑ yibiɑrɑ yi yi ɡerumɔ mɑ mɛyɑ kon kɑ ɡbi.

Luku 22:22

Tɔnun Bii u doonɔ nɡe mɛ Gusunɔ u yi, ɑdɑmɑ nɔni swɑ̃ɑruɡiiwɑ wi u koo nùn dɔmɛ.

Gɔrobun Kookoosu 2:23

Durɔ wi, wi bɑ bɛɛ nɔmu sɔndiɑ, nɡe mɛ Gusunɔ u bwisikɑ u himbɑ kuɑ, i derɑ tɔn kɔ̃sobɑ nùn dɑ̃ɑ bunɑnɑru kpɑre bɑ ɡo.

Gɔrobun Kookoosu 3:18

Nɡe mɛyɑ ɡɑri yi, yi koorɑ yi Gusunɔ u kpɑrɑ yellun di win sɔmɔbu kpuron nɔɔ sɔɔn di u nɛɛ, mɑ win wi u ɡɔsɑ u ǹ koo ko u kun nɔni sɔ̃ɔre.

Efesu 1:11

Domi ɡɑ̃ɑnu kpuro nu koorɑmɔwɑ nɡe mɛ Gusunɔn himbɑ kɑ win kĩru. Mɑ bɛsɛ kɑ Kirisin ɡbinnɑɑn sɔ̃ sɑ kuɑ tubi diobu Gusunɔn mi kɑ win tiin himbɑ ye u ɡɔ̃ru doke yellun di.

Heberu 6:17

Nɡe mɛyɑ Gusunɔ u kĩɑ u be bɑ koo kɛ̃ru mwɑ te u bu nɔɔ mwɛɛru kuɑ sɔ̃ɔsi kpɑsɑsɑ mɑ win ɡɑri kun kɔbiɑrɔ. Yen sɔ̃nɑ u nɔɔ mwɛɛru kuɑ u sire kɑ bɔ̃ri.