Gɔrobun Kookoosu 26:6 - Bibeli Gusunɔn Gari

⁶ Mɑ tɛ̃, bɑ mɑn siri mini yèn sɔ̃ nɑ nɔɔ mwɛɛ te yĩiyɔ te Gusunɔ u bɛsɛn sikɑdobɑ kuɑ.

Gɔrobun Kookoosu 26:6 ပူးပေါင်းရင်းမြစ်များ

Torubu 12:3

Bɑɑwure wi u nun domɑru kuɑ, kon mɑɑ yɛ̃ro domɑru kuɑ. Wi u mɑɑ nun bɔ̃rusi, kon yɛ̃ro bɔ̃rusi. Wunɛn min diyɑ hɑnduniɑn tɔmbu kpuro bɑ koo domɑru wɑ.

Torubu 22:18

Bwesenu kpuro hɑnduniɑ sɔɔ nu koo domɑru wɑ sɑɑ wunɛn bweserun min di, yèn sɔ̃ ɑ nɛn ɡɑri mɛm nɔɔwɑ.

Torubu 26:4

Kon de wunɛn bibun bweseru tu dɑbiɑ nɡe wɔllun kperi. Beyɑ kon mɑɑ tem mɛ kpuro wɛ̃. Ben min diyɑ hɑnduniɑn bwesenu nu koo domɑru wɑ.

Torubu 3:15

Nɑ kon mɑɑ yibɛrɛ tɛɛru doke wunɛ kɑ kurɔ win bɑɑ sɔɔ, kɑ mɑɑ wunɛn bweseru kɑ win bweserun bɑɑ sɔɔ. Win bweserun ɡoo u koo nun wiru kɔrɑ, kɑɑ mɑɑ win nɑɑ tokuru mɛɛrɑ ko.

Torubu 49:10

Bɑndɑ kun doonɔ wunɛn bweserun di. Sinɑ bɔrɑ kun kisirɑmɔ wunɛn nɔmun di, sere Silo ù n tunumɑ, kpɑ bwesenu kpuro nu nùn mɛm nɔɔwɑ.

Womusu 132:11

Yinni Gusunɔ u Dɑfidi ɡem sɔ̃ɔwɑ kɑ bɔ̃ri u nɛɛ, u koo win nɔɔ mwɛɛru yibiɑwɑ kɑm kɑm te u nɛɛ, Dɑfidin bibun turowɑ u koo nùn kɔsire ko win bɑndu sɔɔ.

Womusu 132:17

Miyɑ u koo Dɑfidi wi u ɡɔsɑn dɑm sosi, kpɑ u win bweserun ɡoo swĩi, u n sɑ̃ɑ nɡe fitilɑ.

Womusu 98:2

Yinni Gusunɔ u tɔmbu win fɑɑbɑn ɡɑri tubusiɑ. U sɔ̃ɔsi mɑ u sɑ̃ɑ ɡemɡii.

Esɑi 4:2

Ye Yinni Gusunɔ u koo kpiisiɑ sɑɑ ye sɔɔ, yɑ ko n sɑ̃ɑwɑ bɛɛrɛ kɑ ɡirimɑ Isireli be bɑ tien sɔ̃. Kpɑ tem mɛ, mu dĩɑ ɡeenu mɑ nu n sɑ̃ɑ ben nuku dobu.

Esɑi 7:14

Wee tɛ̃ win tii u koo bɛɛ yĩreru wɛ̃. Wɔndiɑ ɡoo u koo ɡurɑ suɑ kpɑ u bii tɔn durɔ mɑ, kpɑ u nùn yĩsiru kɛ̃ Emɑnuɛli.

Esekiɛli 21:27

Mɑ bikiɑ te, tɑ Yerusɑlɛmu sɔ̃ɔsi win nɔm ɡeu sɔɔ. Tɛ̃, u koo woodɑ wɛ̃ bu Yerusɑlɛmu wɔri bɑ n tɑbun kuuki mɔ̀. U koo tɑbu yɑ̃nu yi yi Yerusɑlɛmun kɔnnɔsɔ. Kpɑ bu ɡunɡunu kɑ kuku yenu ko mi, bu kɑ ye wɔri.

Esekiɛli 37:24

Dɑfidi nɛn sɔm kowon bibun bweseru sɔɔrɑ bɑ koo sunɔ wɑ. Kpɑro turowɑ bɑ ko n mɔ. Bɑ koo nɛn woodɑbɑ mɛm nɔɔwɑ kpɑ bu kɑ ye sɔmburu ko.

Osee 3:5

Yenibɑn biru, bɑ koo wurɑmɑ bu Gusunɔ ben Yinni kɑsu kɑ mɑɑ ben sikɑdo Dɑfidin bɑndu wi u rɑɑ sɑ̃ɑ ben sinɑ boko. Bɑ koo nuku dobu ko bɑ̀ n Yinni Gusunɔ wɑ kɑ win kĩi te u koo bu sɔ̃ɔsi sɑɑ ye sɔɔ.

Abudiɑsi 1:21

Kɑ nɑsɑrɑwɑ bɑ koo Siɔnin ɡuuru yɔ. Min diyɑ bɑ ko n Edɔmubɑ kpɑre. Kpɑ Yinni Gusunɔ u n bɑndu dii!

Misee 5:2

Adɑmɑ ko nɑ n ɡinɑ nɛn tɔn be deriwɑ ben yibɛrɛbɑn nɔmɑ sɔɔ sere kurɔ wì u koo kpɑro wi mɑ, u kɑ mɑ. Be bɑ kpikiru dɑ, bɑ koo ɡɔsirɑmɑ bu Isireli be bɑ tie deemɑ.

Misee 7:20

Kɑɑ bɛsɛ be sɑ sɑ̃ɑ Aburɑhɑmu kɑ Yɑkɔbun sikɑdominu kĩru kɑ bɔrɔkiniru sɔ̃ɔsi nɡe mɛ ɑ bɛsɛn sikɑdobɑ nɔɔ mwɛɛru kuɑ sɑɑ yellun di.

Sɑkɑri 13:1

Yen tɔ̃ɔ te, bwiɑ ɡɑɑ yɑ koo yɑri yu kɑ Dɑfidin yɛnuɡibu kɑ Yerusɑlɛmuɡibun torɑnu wɔkɑ.

Sɑkɑri 13:7

Gusunɔ, wɔllu kɑ tem Yinni u nɛɛ, tɑkobi, ɑ nɛn kpɑro wi nɑ kuɑ nɛn bɔ̃ɔ wɔrio. A nùn ɡoowo kpɑ yɑ̃ɑnu nu yɑrinɑ, kpɑ n ni nu kun dɑm mɔ wɔri.

Sɑkɑri 6:12

Kpɑ ɑ nùn sɔ̃ ɑ nɛɛ, ɑmɛniwɑ nɛ, Gusunɔ wɔllu kɑ tem Yinni nɑ ɡeruɑ. Nɑ nɛɛ, ɡoo wɑ̃ɑ wi bɑ mɔ̀ kpii pɔturɑ. Sɑɑ win min diyɑ wɑ̃ɑrɑ koo yɑri kpɑ u nɛn sɑ̃ɑ yee te bɑni.

Sɑkɑri 9:9

Bɛɛ Siɔniɡibu, i nuku dobun kuuki koowo. Bɛɛ Yerusɑlɛmuɡibu, i yɛ̃ɛrio nuku dobun sɔ̃. Wee bɛɛn sinɑ boko u sisi bɛɛn mi. U sɑ̃ɑwɑ ɡemɡii kɑ fɑɑbɑ kowo. U ǹ tii sue. Kɛtɛku buuwɑ u sɔni.

Mɑlɑsi 3:1

Mɑ Gusunɔ wɔllu kɑ tem Yinni u wisɑ u nɛɛ, wee kon nɛn sɔmɔ ɡɔrimɑ. U koo nɛn swɑɑ sɔmɛ. Kpɑ Yinni wi i kɑsu mi, u du win sɑ̃ɑ yerɔ subɑru sɔɔ. Wee sɔmɔ wi i kĩ mi, u sisi u kɑ nɛn ɑrukɑwɑnin ɡɑri kpɑrɑ.

Gɔrobun Kookoosu 23:6

Ye Pɔlu u tubɑ mɛnnɔ ɡe sɔɔ, mɑ ɡɑbɑ sɑ̃ɑwɑ Sɑdusibɑ, ɡɑbu mɑɑ Fɑlisibɑ, yerɑ u nɔɔɡiru suɑ mɛnnɔ ɡe sɔɔ u nɛɛ, mɛro bisibu, nɛ Fɑlisiwɑ wi Fɑlisibɑ bɑ mɑrɑ. I mɑn sirimɔwɑ yèn sɔ̃ nɑ yĩiyɔ mɑ ɡɔribɑ koo se ɡɔrin di.

Gɔrobun Kookoosu 24:15

Nɑ yĩiyɔ bini mɔ Gusunɔ sɔɔ bi durɔ beni bɑ mɑɑ mɔ mɑ tɔmbu kpuro, tɔn ɡeeɡibu kɑ tɔn kɔ̃sobu, bɑ koo se ɡɔrin di.

Gɔrobun Kookoosu 24:21

Mɑ n kun mɔ ɡɑ̃ɑ tee nì sɔɔ nɑ ɡbɑ̃rɑ ye nɑ yɔ̃ ben suunu sɔɔ nɑ nɛɛ, bɛɛ i mɑn sirimɔwɑ ɡisɔ yèn sɔ̃ nɑ nɑɑnɛ doke mɑ ɡɔribɑ koo se.

Gɔrobun Kookoosu 26:8

Mbɑn sɔ̃nɑ bɛɛ Yuubɑ i ǹ kpɛ̃ i nɑɑnɛ doke mɑ Gusunɔ u ɡɔribu seeyɑmɔ.

Gɔrobun Kookoosu 28:20

Yenin sɔ̃nɑ nɑ bɛɛ bikiɑ i kɑ nɑ ɡisɔ n kɑ bɛɛ ɡɑri ko. Domi bɑ mɑn yɔni yi dokewɑ wi Isirelibɑ bɑ mɑrɑ u nɑn sɔ̃.

Gɔrobun Kookoosu 3:24

Mɛyɑ mɑɑ Sɑmuɛli kɑ Gusunɔn sɔmɔ be bɑ nɑ win biruɔ, be kpurowɑ bɑ sɑɑ yenin ɡɑri ɡeruɑ.

Romu 15:8

Nɑ bɛɛ sɔ̃ɔmɔ mɑ Kirisi u kuɑ Yuubɑn sɔm kowo u kɑ nɔɔ mwɛɛnu yibiɑ ni bɑ bɑɑbɑbɑ kuɑ, kpɑ u sɔ̃ɔsi mɑ Gusunɔ u sɑ̃ɑ ɡemɡii.

Gɑlɑti 4:4

Adɑmɑ sɑnɑm mɛ sɑɑ yɑ turɑ, Gusunɔ u win bii ɡɔrimɑ. Tɔn kurɔwɑ nùn mɑrɑ, u mɑɑ nùn mɑrɑwɑ woodɑn nɔmɑ sɔɔ,

Sɔ̃ɔsiru 18:15

U koo bɛɛ win sɔmɔ ɡoo seeyɑ bɛɛn bweseru sɔɔn di nɡe nɛ, Mɔwisi. Wiyɑ i ko i swɑɑ dɑki.

Titu 2:13

kpɑ sɑ n tɔ̃ɔ doo nɔɔruɡii te swɑɑ dɑki kɑ yĩiyɔbu, tè sɔɔ Gusunɔ bɛsɛn Yinni boko kɑ bɛsɛn Fɑɑbɑ kowo Yesu Kirisin yiiko yɑ koo sɔ̃ɔsirɑ.