Gɔrobun Kookoosu 26:22 - Bibeli Gusunɔn Gari

²² Adɑmɑ sere kɑ ɡisɔn ɡisɔ Gusunɔ u mɑn kɔ̃su, nɑ kɑ wɑ̃ɑ nɑ seedɑ dimɔ tɔmbu kpuron wuswɑɑɔ, bɑkɑ kɑ buu. Nɑ ǹ ɡɑ̃ɑnu ɡerumɔ, mɑ n kun mɔ ye Gusunɔn sɔmɔbu kɑ Mɔwisi bɑ ɡeruɑ ben tireru sɔɔ bɑ nɛɛ yɑ koo koorɑ.

Gɔrobun Kookoosu 26:22 ပူးပေါင်းရင်းမြစ်များ

Ɛsidɑrɑsi 8:31

Wɔ̃ɔ ɡen suru ɡbiikoon sɔ̃ɔ wɔkurɑ yiruse sɔɔrɑ sɑ seewɑ sɑ Yerusɑlɛmun swɑɑ wɔri, Gusunɔ bɛsɛn Yinni u kɑ sun wɑ̃ɑ. Mɑ u sun ɡbɑrɑ bɛsɛn yibɛrɛbɑn yinɑ kɑ ben sɑnnɔsun di ɡbɑburɔ.

Womusu 124:8

Yinni Gusunɔwɑ u sɑ̃ɑ bɛsɛn fɑɑbɑ kowo. Wiyɑ u wɔllu kɑ tem tɑkɑ kuɑ.

Womusu 18:47

Yinni Gusunɔ u wɑ̃ɑ. I nùn siɑro. Wiyɑ u sɑ̃ɑ nɡe kperu mi nɑ rɑ kuke. I nùn bɛɛrɛ wɛ̃ɛyɔ. Wiyɑ u mɑn fɑɑbɑ kuɑ.

Womusu 66:12

A derɑ bɛsɛn yibɛrɛbɑ bɑ sun sɔni, mɑ sɑ dɔ̃ɔ kɑ nim sɑrɑ. Adɑmɑ ɑ sun yɑrɑ min di sɑ n kɑ bɔri yɛndu mɔ.

Mɑteu 26:24

Tɔnun Bii u koo ɡbi nɡe mɛ Gusunɔn ɡɑri yi win ɡɑri mɔ̀, ɑdɑmɑ nɔni swɑ̃ɑruɡiiwɑ wi u koo nùn dɔmɛ. N burɑm bo bɑ kun dɑɑ yɛ̃ro mɑrɑ.

Luku 16:28

domi nɑ wɔnɔbu nɔɔbu mɔ mi, kpɑ u bu yenin seedɑ diiyɑ bu ku rɑɑ kɑ nɛ ɑye tɔ̃yɑɡii te sɔɔ.

Luku 24:27

Mɑ u toruɑ Mɔwisin min di kɑ Gusunɔn sɔmɔbu kpuro, u bu win ɡɑri tubusiɑ yi yi wɑ̃ɑ Gusunɔn ɡɑri kpuro sɔɔ.

Luku 24:44

Mɑ u bu sɔ̃ɔwɑ u nɛɛ, yeyɑ nɑ rɑɑ bɛɛ sɔ̃ɔwɑ sɑnɑm mɛ nɑ wɑ̃ɑ kɑ bɛɛ nɑ nɛɛ, kpuro ye bɑ yoruɑ nɛn sɔ̃ Mɔwisin woodɑn tireru sɔɔ kɑ Gusunɔn sɔmɔbuɡinu kɑ yerukobun womusu sɔɔ, yɑ ǹ koo ko yɑ kun koore.

Luku 24:46

Mɑ u bu sɔ̃ɔwɑ u nɛɛ, nɡe mɛyɑ bɑ yoruɑ, Kirisi u koo nɔni swɑ̃ɑru wɑ, kpɑ u se ɡɔrin di sɔ̃ɔ itɑse.

Yohɑnu 1:17

Gusunɔ u sun woodɑ wɛ̃ sɑɑ Mɔwisin min di, ɑdɑmɑ durom kɑ ɡem mu nɑwɑ sɑɑ Yesu Kirisin min di.

Yohɑnu 1:45

Filipu u dɑ u Nɑtɑniɛli kɑsumɑ mɑ u nùn sɔ̃ɔwɑ u nɛɛ, sɑ yɛ̃ro wi wɑ wìn ɡɑri bɑ yoruɑ Mɔwisi, kɑ Gusunɔn sɔmɔbun tirenɔ. Yɛ̃ro wiyɑ, Yesu Nɑsɑrɛtiɡii, Yosɛfun bii.

Yohɑnu 5:39

Bɛɛ i rɑ n mɛɛrimɔ Gusunɔn ɡɑri sɔɔ yèn sɔ̃ i tɑmɑɑ i ko wɑ̃ɑru te tɑ ku rɑ kpe wɑ mi sɔɔ. N deemɑ ɡɑri yiyɑ yi mɑn ɑreru diiyɑmmɛ.

Yohɑnu 5:46

Bɛɛ ì n dɑɑ Mɔwisi nɑɑnɛ doke kɑ ɡem, i ko rɑɑ mɑɑ nɛn tii nɑɑnɛ doke, domi nɛn ɡɑriyɑ Mɔwisi u yoruɑ.

Gɔrobun Kookoosu 10:43

Gusunɔn sɔmɔbu kpuron ɡɑri yi win seedɑ dimɔ mɑ bɑɑwure wi u nùn nɑɑnɛ doke u koo win torɑnun suuru wɑ win yĩsirun sɔ̃.

Gɔrobun Kookoosu 13:29

Ye bɑ kpuro kuɑ bɑ kpɑ ye bɑ yoruɑ win sɔ̃, bɑ nùn sɑrɑsiɑ dɑ̃ɑ bunɑnɑru wɔllun di, bɑ kpɛ̃ɛ sikiru sɔɔ.

Gɔrobun Kookoosu 24:14

Adɑmɑ ɡɑ̃ɑ teenɑ nɑ wurɑ wunɛn wuswɑɑɔ, nɑ Gusunɔ bɛsɛn sikɑdobɑn Yinni sɑ̃ɑmɔ kɑ swɑɑ ye beni bɑ sokumɔ weesuɡiɑ. Nɑ mɑɑ Mɔwisin woodɑ kpuro nɑɑnɛ doke kɑ mɑɑ Gusunɔn sɔmɔbun tirenu.

Gɔrobun Kookoosu 26:17

Kon nun yɑkiɑ sɑɑ Isirelibɑn nɔmun di, kɑ mɑɑ tɔn tukobun min di bèn mi kon nun ɡɔri,

Gɔrobun Kookoosu 26:6

Mɑ tɛ̃, bɑ mɑn siri mini yèn sɔ̃ nɑ nɔɔ mwɛɛ te yĩiyɔ te Gusunɔ u bɛsɛn sikɑdobɑ kuɑ.

Gɔrobun Kookoosu 28:23

Yen sɔ̃nɑ bɑ tɔ̃ru yi te bɑ koo nɑ win mi, mɑ tɔn dɑbinu nɑ tɔ̃ɔ te, diru mi u wɑ̃ɑ. U bu ɡɑri yi kpuro tubusiɑbu wɔri, u bu bɑn te Gusunɔ u swĩin ɡɑri seedɑ diiyɑ. U bu Yesun ɡɑri sɔ̃ɔsimɔ sɑɑ Mɔwisin woodɑ kɑ Gusunɔn sɔmɔbun tirenun di. U bu yen keu sɔ̃ɔsi sɑɑ bururun di sere sɔ̃ɔ kɑ kpɑ.

Romu 3:21

Adɑmɑ tɛ̃ Gusunɔ u sɔ̃ɔsi nɡe mɛ u rɑ tɔnu ɡem wɛ̃, n ǹ mɔ kɑ woodɑn ɡɑri. Mɔwisin woodɑ kɑ Gusunɔn sɔmɔbu bɑ yen seedɑ di.

Korinti I 15:3

Domi ɡɑri yi yi kpuro kere yiyɑ nɑ bɛɛ nɔmu sɔndiɑ yi nɛn tii nɑ mwɑ. Yiyɑ mini. Kirisi u ɡu bɛsɛn torɑnun sɔ̃ nɡe mɛ Gusunɔn ɡɑri ɡerumɔ.

Korinti I 15:4

Bɑ nùn sikɑ mɑ u seewɑ ɡɔrin di sɔ̃ɔ itɑse nɡe mɛ Gusunɔn ɡɑri ɡerumɔ.

Timɔte II 3:11

kɑ bɔnɛ ye bɑ mɑn dɔre kɑ nɛn nɔni swɑ̃ɑ te tɑ mɑn deemɑ Antiɔsiɔ kɑ Ikonimuɔ kɑ Lisitiɔ. Bɔnɛ ɡɑɑ sɑri ye nɑ kun wɑ mi. Adɑmɑ Yinni u mɑn yɑkiɑ sɑɑ ye kpuron di.

Kɑ̃siru 11:18

Hɑnduniɑɡibu bɑ mɔru bɛsirɑ. Mɑ wunɛn mɔru yɑ tunumɑ. Sɑɑ yɑ turɑ bu kɑ ɡɔribu siri. Sɑɑ mɑɑ turɑ bu kɑ wunɛn sɔmɔbu ɑre wɛ̃, kɑ be bɑ nun nɑɑnɛ doke kɑ be bɑ wunɛn yĩsiru nɑsie, bɑkɑ kɑ buu. Sɑɑ mɑɑ turɑ bu kɑ bu kɑm koosiɑ be bɑ hɑnduniɑ kɑm mɔ̀.

Kɑ̃siru 15:3

Bɑ Mɔwisi Gusunɔn sɔm kowon womu mɔ̀ kɑ mɑɑ Yɑ̃ɑ kinɛ kpɛnduɡuu bɑ mɔ̀, “Yinni Gusunɔ dɑm kpuroɡii, wunɛn sɔmɑ kpɑ̃, yɑ mɑɑ sɑ̃ɑ mɑɑmɑɑki. Wunɑ ɑ tem kpuron sinɑ boko. Wunɛn swɛɛ yi sɑ̃ɑ ɡem, yi dɛnde.

Kɑ̃siru 20:12

Yen biru nɑ ɡɔribu wɑ, bɑkɑ kɑ buu, bɑ yɔ̃ sinɑ kitɑ ten wuswɑɑɔ. Mɑ bɑ tirenu wukiɑ kɑ mɑɑ tireru ɡɑru te bɑ mɔ̀ wɑ̃ɑrun tireru. Bɑ ɡɔribu siri nɡe mɛ ben kookoosu nɛ si bɑ yorusi tire ni sɔɔ.

Sɑmuɛli I 7:12

Mɑ Sɑmuɛli u nɛɛ, Gusunɔ u sun somimɔwɑ sere kɑ ɡisɔ. Mɑ u kperu ɡɑru suɑ u tu ɡirɑ Misipɑ kɑ Sɛnin bɑɑ sɔɔ, u tu sokɑ Ebɛni Esɛɛ. Yen tubusiɑnɑ, somirun kperu.