Gɔrobun Kookoosu 2:25 - Bibeli Gusunɔn Gari

²⁵ Win ɡɑri wee yi Dɑfidi u yoruɑ. U nɛɛ, “Nɑ Yinni Gusunɔ wɑɑmɔ bɑɑdommɑ. U wɑ̃ɑ nɛn nɔm ɡeuɔ kpɑ n ku kɑ wururɑ.

Gɔrobun Kookoosu 2:25 ပူးပေါင်းရင်းမြစ်များ

Womusu 109:31

Domi u rɑ n wɑ̃ɑ bwɛ̃ɛbwɛ̃ɛbun bɔkuɔ u kɑ bu fɑɑbɑ ko be bɑ bu tɑɑrɛ wɛ̃ɛmɔn nɔmɑn di.

Womusu 110:5

Gusunɔ u wɑ̃ɑ wunɛn nɔm ɡeuɔ. U koo sinɑmbu kɑm koosiɑ dɔmɑ te win mɔru seewɑ.

Womusu 21:7

Wunɛn domɑrɑ ko n wɑ̃ɑ kɑ wi sere kɑ bɑɑdommɑɔ. A rɑ n wɑ̃ɑ kɑ wi bɑɑdommɑ, kpɑ u n nuku dobu mɔ.

Womusu 30:6

Domi win mɔru ku rɑ tɛ. Adɑmɑ u rɑ tɔnu durom kuewɑ win wɑ̃ɑru kpuro sɔɔ. Nuku sɑnkirɑnu nù n nùn deemɑ yokɑ, sisiru bururu, u rɑ deemɛ nuku doo bɑkɑbɑ.

Womusu 62:2

Kɑ ɡeemɑ, Gusunɔ wunɛ sɔɔrɑ nɛn nɑɑnɛ wɑ̃ɑ. Wunɑ ɑ rɑ mɑn fɑɑbɑ ko.

Womusu 62:6

Gusunɔ, wunɛ sɔɔrɑ nɛn nɑɑnɛ wɑ̃ɑ. Wunɛ sɔɔrɑ nɛn yĩiyɔbu wɑ̃ɑ.

Womusu 73:23

Adɑmɑ kɑ mɛ, nɑ wɑ̃ɑ kɑ wunɛ. Mɑ ɑ mɑn mwɑ kɑ wunɛn nɔm ɡeu.

Esɑi 41:13

Domi nɛnɑ nɑ Gusunɔ bɛɛn Yinni wi u bɛɛ dɑm wɛ̃ɛmɔ. I ku bɛrum ko, nɑ bɛɛ somiru wee.

Luku 1:6

Be yiru kpuro ɡeeɡibɑ Gusunɔn wuswɑɑɔ. Bɑ sĩimɔ Yinni Gusunɔn woodɑ kɑ win sɔ̃ɔsibu kpuro sɔɔ dee dee.

Yohɑnu 16:32

I lɑɑkɑri koowo, sɑɑ yɑ sisi yɑ mɑm tunumɑ kɔ ye bɑ koo kɑ bɛɛ kpuro yɑrinɑsiɑ, bɑɑwure u kɑ dɑ win yɛnuɔ. I ko mɑn deri nɛ turo, ɑdɑmɑ nɑ ǹ wɑ̃ɑ nɛ turo yèn sɔ̃ Bɑɑbɑ u wɑ̃ɑ kɑ nɛ.

Gɔrobun Kookoosu 2:26

Yen sɔ̃nɑ nɛn ɡɔ̃ru ɡɑ do. Mɑ nɑ ɡɑri ɡerumɔ kɑ nuku dobu. Mɛyɑ mɑɑ nɛn wɑsi koo wɛ̃rɑ bɔri yɛndu sɔɔ.