Gɔrobun Kookoosu 2:14 - Bibeli Gusunɔn Gari

¹⁴ Yerɑ Piɛɛ u seewɑ kɑ ɡɔrobu wɔkurɑ tiɑ ye sɑnnu u ɡbɑ̃rɑ tɔn wɔru ɡe sɔɔ u nɛɛ, bɛɛ Yudeɑɡibu kɑ bɛɛ kpuro, bɛɛ be i wɑ̃ɑ Yerusɑlɛmuɔ i mɑn swɑɑ dɑkio, kpɑ i n yɛ̃ mɑ

Gɔrobun Kookoosu 2:14 ပူးပေါင်းရင်းမြစ်များ

Mɔnnu 8:32

Ǹ n mɛn nɑ, nɛn bii durɔminu, i mɑn swɑɑ dɑkio. Doo nɔɔruɡibɑ be bɑ nɛn swɑɑ swĩi.

Esɑi 40:9

Yerusɑlɛmuɡibu, i yɔɔwo ɡuu te tɑ ɡunun wɔllɔ, i nɔɔɡiru suɑ kɑ dɑm i lɑbɑɑri ɡeɑ kpɑrɑ. I ku bɛrum ko. I Yudɑbɑn wusun tɔmbu sɔ̃ɔwɔ i nɛɛ, Gusunɔ ben Yinni u wee.

Esɑi 51:1

I mɑn swɑɑ dɑkio bɛɛ be i ɡem nɑɑ ɡire, mɑ i nɛ, Yinni Gusunɔ kɑsu. I kpee te mɛɛrio tèn min di bɑ bɛɛ dɑ̃kɑ. I wɔru ɡe yɑɑyo mìn di bɑ bɛɛ yɑrɑ.

Esɑi 51:4

Bɛɛ nɛn tɔmbu, i lɑɑkɑri koowo, kpɑ i swɑɑ tem kpĩ i mɑn swɑɑ dɑki. Domi nɛn min diyɑ woodɑ yɑ koo yɑri, kpɑ yɑ n sɑ̃ɑ bwesenu kpuron yɑm bururɑm.

Esɑi 51:7

I mɑn swɑɑ dɑkio bɛɛ bwese te i ɡem yɛ̃, mɑ i nɛn woodɑbɑ nɛni bɛɛn ɡɔ̃ruɔ. I ku nɑndɑ tɔmbu bɑ̀ n bɛɛ funɛ wunɑmɔ. I ku mɑɑ diiri bɛrum sɔ̃ bɑ̀ n bɛɛ wɔmmɔ.

Esɑi 52:8

Wee, be bɑ rɑ ɡbɑ̃rɑru kɔ̃su bɑ nɔɔɡiru sue, bɑ kuuki mɔ̀ kɑ nuku dobu. Domi bɑ wɑ kɑ nɔni mɑ Yinni Gusunɔ u Siɔni yɑkiɑm wee.

Esɑi 55:2

Mbɑn sɔ̃nɑ i bɛɛn ɡobi dimɔ ye yɑ ǹ ɑrufɑɑni mɔ sɔɔ. Mbɑn sɔ̃nɑ i bɛɛn sɔmburun ɑre dimɔ ye yɑ ǹ bɛɛ debumɔ sɔɔ. I mɑn swɑɑ dɑkio kpɑ i wɑ i di ye yɑ ɡeɑ sɑ̃ɑ, kpɑ bɛɛn bwɛ̃rɑ yu yɛmiɑ dĩɑ duronun sɔ̃.

Esɑi 58:1

Yinni Gusunɔ u nɛɛ, ɑ nɔɔɡiru suo kɑ dɑm nɡe mɛ kɑɑ kpĩ, kpɑ wunɛn nɔɔ ɡu nɔɔrɑ nɡe kɔbɑ. A nɛn tɔmbu Yɑkɔbun bweseru sɔ̃ɔwɔ mɑ bɑ durum kuɑ.

Osee 8:1

Yinni Gusunɔ u nɛɛ, i kɔbɑ soowo. Wee yibɛrɛbɑ bɑ nɛn sɑ̃ɑ yeru wuusimɑ nɡe kɑsi. Domi Isirelibɑ bɑ nɛn ɑrukɑwɑni kusiɑ. Mɑ bɑ nɛn sɔ̃ɔsiru yinɑ.

Mɑteu 2:1

Bɑ Yesu mɑrɑwɑ Bɛtelehɛmuɔ Yudeɑn temɔ, sinɑ boko Herodun wɑɑti. Sɑnɑm mɛ sɔɔ, kperin sɑriɑ yɛ̃robu ɡɑbu bɑ nɑ Yerusɑlɛmuɔ sɑɑ sɔ̃ɔ yɑri yerun di,

Gɔrobun Kookoosu 1:26

Mɑ bɑ tɛtɛ tobɑ mɑ Mɑtiɑsi u tɛtɛ di mɑ bɑ nùn doke ɡɔrobu wɔkurɑ tiɑ yen wuuru sɔɔ.

Gɔrobun Kookoosu 13:16

Pɔlu u seewɑ u yɔ̃rɑ u kɑ bu nɔmu mɑrisiɑ. U nɛɛ, bɛɛ Isirelibɑ, kɑ bɛɛ be i Gusunɔ nɑsie, i swɑɑ dɑkio.

Gɔrobun Kookoosu 2:22

I ɡɑri yi swɑɑ dɑkio, bɛɛ Isirelibɑ. Yesu Nɑsɑrɛtiɡiin ɡɑriyɑ nɑ bɛɛ sɔ̃ɔmɔ, wi Gusunɔ u bɛɛ ɡiɑsiɑ sɔm dɑmɡinu sɔɔ, kɑ sɔm mɑɑmɑɑkiɡiɑ ye u kuɑ bɛɛn suunu sɔɔ, sɑɑ win min di nɡe mɛ bɛɛn tii i yɛ̃.

Gɔrobun Kookoosu 21:28

Bɑ ɡbɑ̃sukumɔ bɑ mɔ̀, bɛɛ Isirelibɑ, fɑɑbɑ woo! Durɔ wiyɑ u rɑ de bɑɑmɑ kpuro u n Isirelibɑn kɔ̃sɑ ɡerumɔ, kɑ ye n sɑ̃ɑ Mɔwisin woodɑ kɑ mɑɑ sɑ̃ɑ yee teni. Wee, u mɑm kɑ tɔn tukobu ɡɑbu nɑ sɑ̃ɑ yee dɛɛrɑ tenin mi mɑ u tu disi doke.

Gɔrobun Kookoosu 5:35

Mɑ u bu sɔ̃ɔwɑ u nɛɛ, bɛɛ Isirelibɑ, i lɑɑkɑri koowo ye i kĩ i durɔ beni kuɑ.

Gɔrobun Kookoosu 7:2

Etiɛni u wisɑ u nɛɛ, nɛn bisibu kɑ nɛn bɑɑbɑbɑ i mɑn swɑɑ dɑkio. Gusunɔ yiikoɡii u bɛsɛn bɑɑbɑ Aburɑhɑmu kure sɑnɑm mɛ u wɑ̃ɑ Mɛsopotɑmin tem sɔɔ u sere sinɑ Hɑrɑniɔ,

Sɔ̃ɔsiru 27:9

Mɑ Mɔwisi kɑ yɑ̃ku kowobu Lefibɑ bɑ Isirelibɑ kpuro sɔ̃ɔwɑ bɑ nɛɛ, i mɑrio i nɔ, ɡisɔrɑ i kuɑ Gusunɔ bɛsɛn Yinnin tɔmbu.

Yɑkɔbu 2:5

Nɛn kĩnɑsibu, i swɑɑ dɑkio. Gusunɔ u bu ɡɔsɑ be bɑ sɑ̃ɑ sɑ̃ɑrobu hɑnduniɑn nɔni sɔɔ bu kɑ ko dukiɑɡibu ben nɑɑnɛ dokebun sɔ̃, kpɑ bu bɑndu di te u be bɑ nùn kĩ nɔɔ mwɛɛru kuɑ.