Gɔrobun Kookoosu 14:16 - Bibeli Gusunɔn Gari

¹⁶ Yellu u derɑ tɔmbu kpuro bɑ ben ɡɔ̃ru kĩru kuɑ.

Gɔrobun Kookoosu 14:16 ပူးပေါင်းရင်းမြစ်များ

Womusu 147:20

U ǹ bweseru ɡɑru kue mɛ. Ten ɡɑru tɑ ǹ mɑɑ win woodɑbɑ yɛ̃. Yen sɔ̃, i Yinni Gusunɔ siɑro.

Womusu 81:12

Adɑmɑ bɛɛ nɛn tɔmbu, i ǹ mɑn swɑɑ dɑki, i ǹ mɑɑ mɑn mɛm nɔɔwɛ.

Osee 4:17

Isirelibɑ bɑ bũnu sɑ̃ɑmɔ. A bu derio mi.

Misee 4:5

Bweseru bɑɑtere tɑ rɑ kɑ̃wɑ tu ten bũu mɛm nɔɔwɑ. Adɑmɑ bɛsɛ, Gusunɔ bɛsɛn Yinniwɑ sɑ ko mɛm nɔɔwɑ sere kɑ bɑɑdommɑɔ.

Gɔrobun Kookoosu 17:30

Gusunɔ u ǹ tɔmbun yellun yɛ̃ru sɑriru ɡɑrisi, ɑdɑmɑ tɛ̃ u bɑɑmɑ kpuron tɔmbu woodɑ wɛ̃ɛmɔ bu kɑ ɡɔsirɑ ben kom kɔ̃sum di.

Romu 1:28

Gusunɔ u bu deri ben bwisiku kɔ̃sunu sɔɔ bu kɑ ko ye n kun weenɛ yèn sɔ̃ bɑ ǹ wure bu nùn ɡiɑ.

Romu 3:25

Gusunɔ u nùn kuɑ ɑbɔru bɑtumɑ sɔɔ u kɑ tɔmbu torɑnun suuru wɑɑwɑ kɑ win yɛm be bɑ nùn nɑɑnɛ doke. Gusunɔ u kuɑ mɛ, u kɑ sɔ̃ɔsi mɑ u sɑ̃ɑ ɡemɡii. Yellu win suurun sɑɑ sɔɔ u rɑɑ tɛmɑnɑ kɑ tɔmbun torɑnu.

Efesu 2:12

I yɑɑyo mɑ sɑnɑm mɛ, i kɑ Kirisi tomɑ, i sɑ̃ɑ tɔn tukobu Isirelibɑn mi, i ǹ bɔnu mɔ nɔɔ mwɛɛnu sɔɔ, ni Gusunɔ u win tɔmbu kuɑ. I wɑ̃ɑ hɑnduniɑ yeni sɔɔ n ǹ kɑ yĩiyɔbu, n ǹ mɑɑ kɑ Gusunɔ.

Piɛɛ I 4:3

Geemɑ, ɡɑsɔn sɑɑ ye i rɑɑ di i kɑ kuɑ ye tɔn tukobɑ rɑ kɑ̃, yɑ turɑ. I rɑɑ wɑ̃ɑ dɑɑ bɛrɛtɛkɛ sɔɔ kɑ binɛ kɑ ɑkɑ tɑm nɔrubu kɑ tɑm nɔrubun wɔrusu kɑ bũu sɑ̃ɑru te Gusunɔ u yinɑ.