Gɔrobun Kookoosu 1:9 - Bibeli Gusunɔn Gari

⁹ Ye Yesu u ɡɑri yi ɡeruɑ u kpɑ, bɑ nùn mɛɛrɑ u suɑrɑ wɔllɔ, mɑ ɡuru wirɑ nùn beruɑ ben wuswɑɑɔ.

Gɔrobun Kookoosu 1:9 ပူးပေါင်းရင်းမြစ်များ

Womusu 68:18

Yinni Gusunɔ, ɑ tɑbu kɛkɛ dɑbinu mɔ, mɑ ɑ sĩimɔ yen nɔrɔm nɔrɔm kɑ yen nɔrɔm nɔrɔm subɑ yɛndun suunu sɔɔ. Wunɛn yiiko ye yɑ sɔ̃ɔsirɑ Sinɑiɔ yɑ wurɑ wunɛn sɑ̃ɑ yerɔ.

Yɑribu 19:9

Mɑ Yinni Gusunɔ u Mɔwisi sɔ̃ɔwɑ u nɛɛ, wee, kon nɑ wunɛn mi ɡuru wii wuro te tɑ sinum mɔ sɔɔ, kpɑ tɔn be, bu nɔ sɑnɑm mɛ nɑ kɑ nun ɡɑri mɔ̀, kpɑ bɑ n dɑ n nun nɑɑnɛ sɑ̃ɑ. Sɑɑ ye sɔɔrɑ Mɔwisi u den Yinni Gusunɔ tɔn ben ɡɑri yi tusiɑ.

Yɑribu 34:5

Yerɑ Yinni Gusunɔ u sɑrɑmɑ ɡuru wii wuroru sɔɔ u yɔ̃rɑ win bɔkuɔ. Mɑ u win tiin yĩsiru ɡeruɑ u nɛɛ, nɛnɑ nɑ Yinni Gusunɔ.

Esɑi 19:1

Gɑri yiniwɑ bɑ ɡeruɑ Eɡibitin sɔ̃. Bɑ nɛɛ, wee Yinni Gusunɔ u sisi fuuku Eɡibitiɔ, u ɡuru wiru sɔni nɡe dumɑ. Mɑ Eɡibitiɡibun bũnu nu diirumɔ win wuswɑɑɔ, mɑ ben wɔruɡɔru tɑ kpɑ.

Dɑniɛli 7:13

Wɔ̃ku te, kɑ̃si te sɔɔ, ye nɑ mɑɑ wɑ wee. Nɑ ɡoo wɑ u sɑrɑmɑ wɔllun di ɡuru wii wuroru sɔɔ. Mɑ u dɑ durɔ tɔkɔ win mi ɡiɑ. Mɑ bɑ nùn susisiɑ win wuswɑɑɔ.

Mɑɑku 16:19

Ye Yinni Yesu kɑ bu ɡɑri yi kuɑ u kpɑ, u suɑrɑ wɔllɔ u dɑ u sinɑ Gusunɔn nɔm ɡeuɔ.

Luku 21:27

Sɑɑ yerɑ bɑ koo Tɔnun Bii wɑ u kurɑmɑ ɡuru wiru sɔɔ, kɑ dɑm bɑkɑm kɑ yiiko.

Yohɑnu 6:62

Bɛɛ ì n mɑɑ wɑ Tɔnun Bii u yɔɔmɔ u wurɔ mi u rɑɑ wɑ̃ɑ mɑɑ ni?

Gɔrobun Kookoosu 1:11

Bɑ nɛɛ, bɛɛ Gɑlileɡibu mbɑn sɔ̃nɑ i yɔ̃ i wɔllu mɛɛrɑ. Yesu wi, wi u suɑrɑ wɔllɔ bɛɛn min di, u koo kpɑm wurɑmɑ nɡe mɛ i wɑ u dɔɔ wɔllɔ.

Gɔrobun Kookoosu 1:2

sere u kɑ wurɑ Gusunɔ wɔllɔ, ye u win ɡɔro be u ɡɔsɑ woodɑ wɛ̃ u kpɑ kɑ Hunde Dɛɛron dɑm.

Tɛsɑlonikɑ I 4:17

Yen biru bɛsɛ be sɑ tie sɑ wɑsi, bɑ koo sun suɑ kɑ be sɑnnu ɡuru winu sɔɔ, kpɑ su kɑ nùn yinnɑ wom dirum sɔɔ. Mɛyɑ sɑ ko n wɑ̃ɑ kɑ wi sɑnnu kɑ bɑɑdommɑ.

Timɔte I 3:16

Kɑ ɡem, ɡoo sɑri wi u koo kpĩ u bɛsɛn sɑ̃ɑrun ɑsiri yen kpɑ̃ɑru siki. Gusunɔ u sɔ̃ɔsirɑ tɔnun wɑsi sɔɔ. Hunde Dɛɛro nùn ɡem wɛ̃. Wɔllun ɡɔrɑdobɑ bɑ mɑɑ nùn wɑ. Bɑ win ɡɑri bweseru bɑɑtere wɑɑsu kuɑ. Mɑ bɑ yi nɑɑnɛ doke hɑnduniɑ sɔɔ. Mɑ bɑ kpɑm nùn suɑ wɔllɔ u wurɑ win yiiko sɔɔ.

Kɑ̃siru 1:7

Wee, u sisi ɡuru winu sɔɔ. Bɑɑwure u koo nùn wɑ, bɑɑ be bɑ nùn sɔkɑn tii. Hɑnduniɑn bwesenu kpuro nu koo ɡɔɔ wuri ko win sɔ̃. Mɛyɑ n ko n sɑ̃ɑ. Ami.

Kɑ̃siru 11:12

Yerɑ Gusunɔn sɔmɔbu yiru ye, bɑ nɔɔɡiru nuɑ wɔllun di bɑ nɛɛ, i yɔɔmɑ ɡee. Bɑ yɔɔwɑ wɔllɔ ɡuru wiru sɔɔ sɑnɑm mɛ ben yibɛrɛbɑ bɑ bu mɛɛrɑ.

Kɑ̃siru 14:4

Tɔn be, bɑ sɑ̃ɑ be bɑ tii nɛnuɑ dɛɛrɑru sɔɔ, bɑ ǹ kurɔ dɑmɑru koore. Bɑ Yɑ̃ɑ kinɛ kpɛm te swĩiwɑ bɑɑmɑ kpuro mi tɑ dɔɔ. Bɑ bu yɑkiɑwɑ sɑɑ tɔmbun suunu sɔɔn di bɑ n kɑ sɑ̃ɑ nɡe yɑ̃ku ɡbiikii te bɑ Gusunɔ kɑ Yɑ̃ɑ kinɛ kpɛm te kuɑ.