Gɔrobun Kookoosu 1:12 - Bibeli Gusunɔn Gari

¹² Sɑnɑm mɛyɑ ɡɔro be, bɑ ɡɔsirɑmɑ Yerusɑlɛmuɔ sɑɑ ɡuu ten wɔllun di te bɑ rɑ soku Olifi, te tɑ wɑ̃ɑ kilo tiɑn sɑkɑ wuu bɔkɔ ɡen min di.

Gɔrobun Kookoosu 1:12 ပူးပေါင်းရင်းမြစ်များ

Sɑkɑri 14:4

Yen tɔ̃ɔ te, u koo win nɑɑsu sɔndi Olifin ɡuurɔ te tɑ wɑ̃ɑ Yerusɑlɛmun dee deeru, sɔ̃ɔ yɑri yeru ɡiɑ. Olifin ɡuu te, tɑ koo bɛsirɑ suunuɔ sɑɑ sɔ̃ɔ yɑri yerun di sere sɔ̃ɔ duu yerɔ. Wɔwi bɑkɑ yɑ koo yɑri ten suunu sɔɔ. Guu ten bee tiɑ yɑ koo dɑ sɔ̃ɔ yɛ̃sɑn nɔm ɡeu ɡiɑ kpɑ bee tiɑ yu mɑɑ dɑ sɔ̃ɔ yɛ̃sɑn mɔm dwɑru ɡiɑ.

Mɑteu 21:1

Ye bɑ Yerusɑlɛmu bɔku kuɑ bɑ turɑ wuu ɡe bɑ rɑ soku Bɛtefɑɡiɔ, Olifin ɡuurɔ mɑ Yesu u win bwɑ̃ɑbu yiru ɡɔrɑ.

Mɑteu 24:20

I Gusunɔ kɑnɔ kpɑ bɛɛn kpikirun sɑnɑm mu kun sɑ̃ɑ woorun sɑɑ ǹ kun mɛ tɔ̃ɔ wɛ̃rɑruɡiru sɔɔ.

Mɑteu 24:3

Yesu u sɔ̃ ɡuu te bɑ mɔ̀ Olifin wɔllɔ. Yerɑ win bwɑ̃ɑbɑ dɑ win mi be tɔnɑ bɑ nùn bikiɑ bɑ nɛɛ, ɑ sun sɔ̃ɔwɔ ǹ n dommɑn nɑ yɑbu ye, yɑ koo koorɑ kɑ yĩre te tɑ koo wunɛn nɑɑru kɑ hɑnduniɑn kpeeru sɔ̃ɔsi.

Mɑteu 26:30

Yen biru bɑ womusu kuɑ mɑ bɑ yɑrɑ bɑ dɑ Olifin ɡuuru wɔllɔ.

Luku 19:29

Sɑnɑm mɛ u Bɛtefɑɡi kɑ Betɑni turuku kuɑ, ɡuurun berɑ ɡiɑ te bɑ rɑ soku Olifin ɡuuru, u tɔmbu yiru ɡɔrɑ win bwɑ̃ɑbu sɔɔ

Luku 21:37

Bururu bɑɑtere Yesu rɑ Gusunɔn ɡɑrin keu sɔ̃ɔsiwɑ sɑ̃ɑ yerɔ, yokɑ kpɑ u dɑ u kpunɑ Olifin ɡuuru wɔllɔ.

Luku 24:50

U kɑ bu dɑ sere Betɑni ɡiɑ, mɑ u win nɔmɑ suɑ wɔllɔ u bu domɑru kuɑ.

Luku 24:52

Bɑ nùn sɑ̃wɑ mɑ bɑ ɡɔsirɑ Yerusɑlɛmuɔ kɑ nuku doo bɑkɑbu.

Yohɑnu 11:18

Betɑni kɑ Yerusɑlɛmun tondɑm kun kere kilo itɑ.