Abudiɑsi 1:3 - Bibeli Gusunɔn Gari

³ Wee bɛɛn tii suɑbu bɛɛ nɔni wɔ̃kuɑ, mɑ i sɔ̃ kpee bɑɑbɑ sɔɔ mì ɡoo kun kpɛ̃ u bɛɛ nɑɑ turi. Mɑ i tii sɔ̃ɔmɔ i mɔ̀, wɑrɑ u koo sun surɑ minin di.

Abudiɑsi 1:3 ပူးပေါင်းရင်းမြစ်များ

Torubu 36:8

Mɑ Esɑu u dɑ u wɑ̃ɑ Seirin ɡuunun berɑ ɡiɑ. Esɑu wiyɑ bɑ rɑ mɑɑ soku Edɔmu.

Sinɑmbu II 14:7

Amɑsiɑ wiyɑ, u mɑɑ Edɔmubɑn tɑbu kowobu nɔrɔbun subɑ wɔkuru (10.000) ɡo wɔwɑ sɔɔ ye bɑ sokumɔ Bɔru. Tɑɑ bi sɔɔrɑ u wuu ɡe bɑ sokumɔ Silɑ mwɑ, mɑ u ɡen yĩsiru ɡɔsiɑ Yokutɛɛli. Yĩsi terɑ bɑ kɑ ɡu sokumɔ sere kɑ ɡisɔ.

Bɑndun Gɑri II 25:11

Mɑ Amɑsiɑ u wɔruɡɔru seewɑ u win tɔmbu kpɑrɑ mɑ u dɑ u wɑ̃ɑ wɔwɑɔ ye bɑ mɔ̀ Bɔru. Miyɑ u tɔmbu nɔrɔbun subɑ wɔkuru (10.000) ɡo Seirin bibun bweseru sɔɔ.

Bɑndun Gɑri II 25:12

Mɑ bɑ mɑɑ tɔn ben nɔrɔbun subɑ wɔkuru (10.000) mwɛɛrɑ wɑsiru bɑ kɑ dɑ ɡuuru wɔllɔ. Min diyɑ bɑ bu kɑsi koomɑ bɑ kɑsikirɑ.

Yoobu 20:6

Bɑɑ ù n kpɑ̃ u wɔllu bɑbɑmɔ, ǹ kun mɛ u ɡuru winu dɛkɑmɔ,

Mɔnnu 16:18

Fɑɑri yɑ rɑ tɔmbu surewɑ. Tii suɑbu bu rɑ kɑ kɑm kobu nɛwɑ.

Mɔnnu 18:12

Tii suɑbu bu rɑ kɑ tɔnu kɑm kobu nɑɑwɛwɑ, ɑdɑmɑ tii kɑwɑbu bu rɑ dewɑ bu tɔnu bɛɛrɛ wɛ̃.

Mɔnnu 29:23

Tii suɑbu bu rɑ tɔnu kɑwewɑ, ɑdɑmɑ wi u tii kɑwe, u rɑ bɛɛrɛ wɑwɑ.

Esɑi 16:6

Yudɑbɑ bɑ nɛɛ, sɑ Mɔɑbubɑn yɛ̃kɔ kɑ ben tii suɑbun lɑbɑɑri nɔɔmɔ, kɑ ben woo bɔbunu kɑ ben ɡɑri kɑm ɡerubu.

Yeremi 21:13

Kon Yerusɑlɛmuɡibu wɔri. Be, be bɑ wɑ̃ɑ wɔwɑ sɔɔ kperun wɔllɔ, bɑɑ bɑ̀ n ɡerumɔ bɑ mɔ̀, wɑrɑ u koo kpĩ u du ben wɑ̃ɑ yerɔ, u ben kuku yeru turi.

Yeremi 37:9

Yen sɔ̃, ɑmɛniwɑ nɛ, Yinni Gusunɔ nɑ ɡeruɑ. Nɑ nɛɛ, bu ku tii nɔni wɔ̃ke bu nɛɛ, Bɑbiloniɡii be, bɑ tondɑ. Adɑmɑ bɑ n yɛ̃ mɑ bɑ ǹ ɡɑm de.

Yeremi 48:28

Tɛ̃, i yɑrio bɛɛn wusun di kpɑ i dɑ i n wɑ̃ɑ kpee bɑɑbɑ sɔɔ, kpɑ i kpee ɡoominu sɑɑri, i bɛɛn wɑ̃ɑ yenu ko kpee bɑɑbɑ sɔɔ.

Yeremi 49:16

Ben tii suɑbu kɑ ben nɔniɡiru tɑ derɑ bɑ kɔ̃ɔrɑ. Be bɑ wɑ̃ɑ kpee bɑɑbɑ sɔɔ, kɑ sere ɡunɡunun wii kpiinɔ, bɑɑ bɑ̀ n wɑ̃ɑ yenu kuɑ sere wɔllun sɔɔ sɔɔwɔ, nɡe ɡunɔ bɑkeru, kon bu surɑmɑ min di. Nɛ, Yinni Gusunɔwɑ nɑ yeni ɡeruɑ.

Yeremi 49:4

Bɛɛ Rɑbɑɡibu, bɛɛ be i ku rɑ mɛm nɔ, wee i tii sue bɛɛn wɔwɑ ye yɑ tem ɡem mɔn sɔ̃. Mɑ i bɛɛn dukiɑ nɑɑnɛ sɑ̃ɑ. Mɑ i mɔ̀, wɑrɑ u koo kpĩ u bɛɛ wɔrimɑ.

Esekiɛli 28:16

Win tenkurun kpɑ̃ɑru tɑ derɑ u bɔbunu kɑ keetɑ wɔri. Yen sɔ̃, kon nùn surɑ sɑɑ nɛn ɡuu dɛɛrɑ ten min di, wi, wi u sɑ̃ɑ nɡe wɔllun kɔ̃so mi. Kon de u doonɑ sɑɑ kpee ni nu bɑllimɔ min suunu sɔɔn di.

Mɑlɑsi 1:4

Esɑun bibun bweseru tɑ̀ n nɛɛ, bɑ ten wusu kɔsukɑ, ɑdɑmɑ tɑ koo sin bɑnsu seeyɑ, nɛ, Gusunɔ wɔllu kɑ tem Yinni, kon nɛɛ, bɑɑ tɑ̀ n su bɑnɑ, kon wure n su surɑ. Kpɑ bu ten tem soku nuku kɔ̃suruɡibun tem, ben tii mɑɑ bwese te nɛ, Yinni Gusunɔ nɑ kɑ mɔru sɑ̃ɑ bɑɑdommɑ.