Timɔte II 1:5 - Bibeli Gusunɔn Gari

⁵ Nɑ wunɛn nɑɑnɛ dokebu yɑɑye bi bu ǹ murɑfitiru mɔ. Bin bweserɑ wunɛn nikurɔ Loisi kɑ wunɛn mɛro Enisi bɑ rɑɑ mɔ. Nɑ yɛ̃ kɑm kɑm mɑ ɑ mɑɑ bu mɔ.

Timɔte II 1:5 ပူးပေါင်းရင်းမြစ်များ

Womusu 116:16

Yinni Gusunɔ, ɑ nɛ, wunɛn sɔm kowo swɑɑ dɑkio. Nɑ sɑ̃ɑwɑ wunɛn sɔm kowo tɔn kurɔn bii. Wunɑ ɑ nɛn yorun wɛ̃ɛ burɑ.

Womusu 17:1

Dɑfidin kɑnɑru. Yinni Gusunɔ, ɑ nɛn weeweenu nɔɔwɔ, nɑ kĩwɑ ɑ mɑn ɡem wɛ̃. Yinni Gusunɔ, ɑ swɑɑ tem kpĩiyɔ ɑ nɔ, wunɛn somirɑ nɑ kĩ. A nɛn kɑnɑru nɔɔwɔ, nɛn ɡɔ̃run diyɑ tɑ wee.

Womusu 18:44

Yinni Gusunɔ, wunɑ ɑ mɑn wɔrɑ be bɑ mɑn seesin nɔmɑn di. Wunɑ ɑ mɑn kuɑ bwese tukunun wiruɡii. Wunɑ ɑ derɑ bɑ mɑn yoru diiyɑmmɛ.

Womusu 22:10

Adɑmɑ Yinni Gusunɔ, wunɑ ɑ mɑn yɑrɑ nɛn mɛron nukurun di. Wunɑ ɑ mɑn bwɛ̃ɛ dorɑ wɛ̃ ye nɑ nɛn mɛron bom nɔrumɔ.

Womusu 66:3

kpɑ i nùn sɔ̃ mɑ win sɔmɑ yɑ nɑnum mɔ, domi win dɑm mu kpɑ̃. Yen sɔ̃nɑ win yibɛrɛbɑ bɑ nùn wiru kpĩiyɑmmɛ.

Womusu 77:6

Nɑ rɑ yellu yɑɑyewɑ kpɑ nɑ n ɡɑsɔn ɡɑri bwisikumɔ.

Womusu 81:15

kon dɑɑ bɛɛn yibɛrɛbɑ sekuru doke, kpɑ n bu nɑɑ swĩi n ɡo ɡo.

Womusu 86:16

A mɑn mɛɛrimɑ kpɑ ɑ nɛn wɔnwɔndu wɑ. A nɛ, wunɛn sɔm kowo dɑm kɛ̃ɛyɔ, kpɑ ɑ mɑn fɑɑbɑ ko nɛ, wunɛn sɔm kowon bii.

Yohɑnu 1:47

Ye Yesu u Nɑtɑniɛli wɑ u sisi win mi, u wi tusiɑ bɑtumɑ sɔɔ u nɛɛ, i mɛɛrio, Isirelin biin tii tiiwɑ u wee mini, wìn nukurɔ tɑki sɑri.

Gɔrobun Kookoosu 16:1

Pɔlu u dɑ Dɛɛbeɔ kɑ Lisitiɔ. Nɑɑnɛ dokeo ɡoo wɑ̃ɑ Lisiti mi, wi bɑ mɔ̀ Timɔte. Win mɛro sɑ̃ɑwɑ Yuu nɑɑnɛ dokeo, mɑ win tundo sɑ̃ɑ Gɛrɛki.

Gɔrobun Kookoosu 26:26

Domi sinɑ boko Aɡiripɑ u ɡɑri yin ɑsɑnsi yɛ̃. Nɑ mɑɑ kɑ nùn ɡɑri mɔ̀ kɑ toro sindu yèn sɔ̃ nɑ yɛ̃ mɑ yen ɡɛɛ kun nùn berue, domi ɡɑri yi, yi ǹ koore ɡbɛnum.

Romu 14:14

Nɑ yɛ̃ kɑm kɑm sɑɑ Yinni Yesun min di mɑ ɡɑ̃ɑnu sɑri ni nu kun dɛɛre nin tii, ɑdɑmɑ ɡoo ù n ɡɑ̃ɑnu ɡɑrisi nɡe ni nu kun dɛɛre, yɛ̃ro sɔɔrɑ nu ǹ dɛɛre.

Romu 14:5

Wini u tɔ̃ɔ teeru ɡɑrisi n kere ni nu tie, wiɔnɔ u ni kpuro ɡɑrisi nu nɛ. I de bɑɑwure u n yɛ̃ kɑm kɑm ye u mɔ̀.

Romu 15:14

Nɛɡibu, ǹ n bɛɛn sɔ̃n nɑ, nɑ yɛ̃ kɑm kɑm nɛn tii mɑ i tɔn ɡeeru kɑ yɛ̃ru mɔ tɑ kpɑ̃, i ko mɑɑ kpĩ i bwisi kɛ̃ɛnɑ.

Romu 4:21

Domi u yɛ̃ kɑm kɑm mɑ Gusunɔ u dɑm mɔ u kɑ ko yèn nɔɔ mwɛɛru u kuɑ.

Romu 8:38

Domi nɑ yɛ̃ kɑm kɑm mɑ ɡɔɔ kɑ wɑ̃ɑru kɑ wɔllun ɡɔrɑdobɑ kɑ wɛrɛkunu kɑ sɑɑ yeni, kɑ sɑɑ ye yɑ sisi, kɑ wɔllun yiikoɡibu,

Korinti II 6:6

Sɑ sɔ̃ɔsimɔ mɑ sɑ sɑ̃ɑ Gusunɔn sɔm kowobu kɑ bɛsɛn wɑ̃ɑ dɛɛrɑru kɑ bɛsɛn yɛ̃ru kɑ bɛsɛn suuru kɑ bɛsɛn tɔn ɡeeru kɑ Hunde Dɛɛro, kɑ kĩru te tɑ ǹ murɑfitiru mɔ,

Timɔte I 1:5

Adɑmɑ nɑ yiire bi mɔ̀wɑ n kɑ bɛɛn kĩru seeyɑ te tɑ wee sɑɑ ɡɔ̃ru ɡe ɡɑ dɛɛren di kɑ lɑɑkɑri tɑɑrɛ sɑriruɡiɑn di kɑ mɑɑ nɑɑnɛ doke kpikibun di.

Timɔte I 4:6

Wee, ɑ̀ n nɑɑnɛ dokeobu bwisi yini kɛ̃mɔ kɑɑ n sɑ̃ɑwɑ Yesu Kirisin sɔm kowo ɡeo, kɑɑ n mɑɑ wunɛn tiin hunde diisiɑmɔ kɑ nɑɑnɛ dokebu kɑ sɔ̃ɔsi ɡeerun ɡɑri yi ɑ swĩi.

Timɔte II 1:12

Yen sɑɑbun sɔ̃nɑ nɑ nɔni swɑ̃ɑ teni wɑɑmɔ. Adɑmɑ sekurɑ kun mɑn mɔ̀, domi nɑ yɛ̃ wi nɑ nɑɑnɛ doke, nɑ mɑɑ yɛ̃ kɑm kɑm u koo kpĩ u ye u mɑn kereɑ kɔ̃su sere tɔ̃ɔ te, tu kɑ turi.

Timɔte II 3:15

Sɑɑ wunɛn birun diyɑ ɑ Gusunɔn ɡɑri yɛ̃ yi yi koo kpĩ yi nun bwisi kɛ̃ ɑ kɑ Yesu Kirisi nɑɑnɛ doke kpɑ ɑ fɑɑbɑ wɑ.

Heberu 11:13

Nɑɑnɛ dokebu sɔɔrɑ tɔn be kpuro bɑ ɡu. Bɑ ǹ ɡɑ̃ɑ ɡee ni wɑ bɑ mwɛ nìn nɔɔ mwɛɛru Gusunɔ u kuɑ, ɑdɑmɑ bɑ nu wɑwɑ sɑrun di bɑ dɑm koosiɑ mɑ bɑ wurɑ mɑ bɑ sɑ̃ɑ sɔbu kɑ tem yɑrobu hɑnduniɑ sɔɔ.

Heberu 6:9

Adɑmɑ kĩnɑsibu, bɑɑ sɑ̀ n ɡɑri yin bweseru ɡerumɔ, sɑ bɛɛ nɑɑnɛ sɑ̃ɑ sɑ yĩiyɔ mɑ i ko n wɑ̃ɑ fɑɑbɑn swɑɑ sɔɔ.

Piɛɛ I 1:22

Tɛ̃ ye i tii sɑ̃rɑsiɑ sɑnɑm mɛ i ɡem mɛm nɔɔwɑ, mɑ i bɛɛn nɑɑnɛ dokeosibu kĩ murɑfitiru sɑriru sɔɔ, ǹ n mɛn nɑ, i n kĩɑnɛ ɡem ɡem kɑ bɛɛn ɡɔ̃ru kpuro.