Timɔte I 6:21 - Bibeli Gusunɔn Gari

²¹ Ben yɛ̃ɛ te, tɑ derɑ ben ɡɑbɑ kɔ̃ɔrɑ nɑɑnɛ dokebun swɑɑn di. Gusunɔn durom mu n kɑ bɛɛ wɑ̃ɑ.

Timɔte I 6:21 ပူးပေါင်းရင်းမြစ်များ

Mɑteu 6:13

A ku kɑ sun dɑ kɔkiribun berɑ ɡiɑ. Adɑmɑ ɑ sun wunɑ sɑɑ tɔn kɔ̃son nɔmun di. [Domi wunɑ ɑ bɑndu kɑ dɑm kɑ yiiko mɔ sere kɑ bɑɑdommɑɔ. Ami.]

Romu 1:7

Nɑ bɛɛ kpuro tire teni yoruɑmmɛ bɛɛ be i wɑ̃ɑ Romuɔ, bɛɛ be Gusunɔ u kĩ mɑ u bɛɛ sokɑ i kɑ ko wiɡibu. Gusunɔ, bɛsɛn Bɑɑbɑ kɑ Yinni Yesu Kirisi bu bɛɛ durom kɑ ɑlɑfiɑ kɛ̃.

Romu 16:20

Gusunɔ wi u ɑlɑfiɑ wɛ̃ɛmɔ, u koo bɛɛ Setɑm dɑm kɔrɑ ǹ n sosi bɛɛn nɑɑsun temɔ. Bɛsɛn Yinni Yesun durom mu n wɑ̃ɑ kɑ bɛɛ.

Romu 16:23

Gɑyusi nɛn kpɑɑ yɛ̃ro kɑ yiɡbɛru kpuron kpɑɑ yɛ̃ro, u bɛɛ tɔburɑ. Erɑsutu wi u rɑ wuun ɡobi bere, u bɛɛ tɔburɑ, kɑ mɑɑ bɛsɛɡii Kɑɑtusi. [

Kolose 4:18

Wee nɑ yorumɔ kɑ nɛn tiin nɔmɑ, nɛ Pɔlu nɑ bɛɛ tɔburɑ. I ku duɑri mɑ nɑ wɑ̃ɑ pirisɔm sɔɔ. Kpɑ Gusunɔn durom mu n kɑ bɛɛ wɑ̃ɑ.

Timɔte I 1:19

ɑ n nɑɑnɛ doke kpɑ wunɛn ɡɔ̃ru ɡɑ kun nun tɑɑrɛ wɛ̃ɛmɔ. Adɑmɑ sibu ɡɑbu bɑ ǹ ɡɔ̃ru ɡen bweseru swɑɑ sue, mɑ bɑ ben nɑɑnɛ dokebu kɑm koosiɑ nɡe ɡoo nimkuu ɡe ɡɑ nim diirɑ.

Timɔte I 1:6

Wee, ɡɑbɑ ɡɛrɑ sɑɑ ɡɑri yin min di mɑ bɑ kɔ̃ɔrɑ sikirinɔ kɑmɡisu sɔɔ.

Timɔte I 6:10

Domi ɡobin kĩrɑ sɑ̃ɑwɑ kom kɔ̃sum kpuron nuu teeru. Sibu ɡɑbɑ tu nɑɑ ɡirɑ sere bɑ nɑɑnɛ dokebu ɡɛɛrɑri bɑ tii kpɛ̃ɛ nuku sɑnkirɑ dɑbinu sɔɔ.

Timɔte II 2:18

Bɑ ɡem swɑɑ deri mɑ bɑ ɡɑbun nɑɑnɛ dokebu surɑmɔ, domi bɑ nɛɛ, ɡɔribun seebu sɑrɑ kɔ.

Timɔte II 4:22

Yinni u n kɑ nun wɑ̃ɑ. Kpɑ Gusunɔn durom mu n kɑ bɛɛ kpuro wɑ̃ɑ.

Titu 3:15

Be bɑ wɑ̃ɑ nɛn mini bɑ nun tɔburɑ be kpuro. A bu tɔbirio be bɑ bɛsɛn kĩru mɔ nɑɑnɛ dokebu sɔɔ. Kpɑ Gusunɔn durom mu n kɑ bɛɛ kpuro wɑ̃ɑ.

Heberu 13:25

Gusunɔn durom mu n kɑ bɛɛ kpuro wɑ̃ɑ.