Timɔte I 4:15 - Bibeli Gusunɔn Gari

¹⁵ A ɡɑri yini nɔni dokeo, ɑ mɑɑ yi tii wɛ̃ɛyɔ mɑm mɑm, kpɑ tɔmbu kpuro bu wunɛn wuswɑɑ dɑɑbu wɑ.

Timɔte I 4:15 ပူးပေါင်းရင်းမြစ်များ

Womusu 1:2

Wiyɑ u rɑ n nuku dobu mɔ̀ Gusunɔn ɡɑri sɔɔ sɔ̃ɔ sɔɔ. Wiyɑ u rɑ n Gusunɔn ɡɑri bwisikumɔ wɔ̃kuru. Wiyɑ u rɑ n Gusunɔn ɡɑri kĩ sɑɑ kpuro.

Womusu 104:34

Yinni Gusunɔ, ɑ de nɛn ɡɑri yi nun dore. Nɑ kĩ n nuku dobu ko wunɛ sɔɔ.

Womusu 105:5

Bɛɛ Aburɑhɑmu Gusunɔn sɔm kowon bweseru, bɛɛ Yɑkɔbun bweseru, bɛɛ be u ɡɔsɑ, i win sɔm mɑɑmɑɑkiɡii ni yɑɑyo. I siribu yɑɑyo bi u bɛɛ kuɑ.

Womusu 119:148

Yɑm mu sere sɑ̃rɑ nɑ rɑ sewɑ n kɑ wunɛn ɡɑri mɛɛri.

Womusu 119:15

Kon wunɛn sɔ̃ɔsiru bwisiku, kpɑ n wunɛn yiirebu nɔni doke.

Womusu 119:23

Bɑɑ mɛ sinɑ bibu bɑ rɑ sinɛ bu mɑn wĩi, kɑ mɛ, nɛ, wunɛn sɔm kowo nɑ rɑ n wunɛn sɔ̃ɔsiru bwisikumɔ.

Womusu 119:48

Nɑ rɑ nɛn nɔmɑ yiiye wɔllɔ n kɑ kɑnɑru ko wunɛn ɡɑri yi nɑ kĩn sɔ̃. Domi nɑ kĩ nɑ n yi bwisikumɔ nɛn ɡɔ̃ruɔ.

Womusu 119:97

Nɑ wunɛn woodɑbɑ kĩ too. Bɑ rɑ n wɑ̃ɑwɑ nɛn bwisikunu sɔɔ tɔ̃ɔ ɡiriru bɑɑdommɑ.

Womusu 119:99

Nɑ nɛn yinnibu kpuro yɛ̃ru kerɑ. Domi wunɛn woodɑbɑ bɑ rɑ n wɑ̃ɑwɑ nɛn bwisikunu sɔɔ.

Womusu 143:5

Nɑ ɡɑsɔn wɑ̃ɑru yɑɑye. Nɑ wunɛn sɔmɑ kpuro lɑsɑbu mɔ̀, mɑ nɑ wunɛn nɔmɑn sɔmburu bwisikumɔ.

Womusu 19:14

A ku mɑɑ de n durum ko kɑ deɡɑnɡɑm. A ku de yu mɑn dɔɔrɛ ko, kpɑ nɑ n durum bɑkɑn tɑɑrɛ mɔ. Adɑmɑ ɑ de nɑ n dɛɛre.

Womusu 49:3

Dɑmɡibu kɑ bwɛ̃ɛbwɛ̃ɛbu, i swɑɑ dɑkio i nɔ. Sɑ̃ɑrobu kɑ ɡobiɡibu, i swɑɑ tem kpĩiyɔ i nɔ.

Womusu 63:6

Nɛn hunde koo debu nɡe wi u dĩɑ duronu kɑ yɑɑ ɡumɡiɑ di. Kon nun siɑrɑ kɑ nuku dobun kuuki.

Womusu 77:12

Yinni Gusunɔ, kon wunɛn sɔmɑ yɑɑyɑ. Domi nɑ yɑɑyɑ sɔm mɑɑmɑɑkiɡii ni ɑ kuɑ.

Gbɑburu 8:26

Bɑ ko n dɑ ben Lefisibu somi bɑ̀ n sɔmburu mɔ̀. Adɑmɑ ben tii bɑǹ ko n mɑɑ sɔmburu mɔ mi. Nɡe mɛyɑ kɑɑ Lefibɑ kuɑ ben sɔmburun swɑɑ sɔɔ.

Mɑteu 5:16

Nɡe mɛyɑ i de bɛɛn yɑm bururɑm mu bururɑ tɔmbun wuswɑɑɔ kpɑ bɑ n kɑ bɛɛn sɔm ɡeenu wɑɑmɔ, kpɑ bu wɑ bu bɛɛn Bɑɑbɑ wɔrukoo bɛɛrɛ wɛ̃.

Gɔrobun Kookoosu 6:4

Kpɑ bɛsɛn tii sɑ n kɑnɑru kɑ Gusunɔn ɡɑrin wɑɑsu mɔ̀ sɑ n dɔɔ.

Korinti I 16:15

I Setefɑni yɛ̃ kɑ win yɛnuɡibu, mɑ beyɑ bɑ sɑ̃ɑ tɔn ɡbiikobu Gɛrɛsi sɔɔ be bɑ nɑɑnɛ doke, bɑ mɑɑ tii wɛ̃ bu kɑ nɑɑnɛ dokeobu nɔɔri. Nɛɡibu nɑ bɛɛ kɑnɑmɔ,

Korinti II 4:14

Sɑ yɛ̃ kɑ ɡem mɑ wi u Yinni Yesu seeyɑ ɡɔrin di, u koo mɑɑ sun seeyɑ kɑ Yesu sɑnnu kpɑ u de bɛsɛ kɑ bɛɛ su yinnɑ win wuswɑɑɔ.

Korinti II 8:5

N koorɑ n kere ye sɑ rɑɑ yĩiyɔ. Bɑ ɡinɑ ben tii Yinni wɛ̃, bɑ sun wiru kpĩiyɑ kɑ Gusunɔn kĩru.

Timɔte I 4:14

A ku hunden kɛ̃ru ɑtɑfiiru ko te tɑ wɑ̃ɑ wunɛ sɔɔ, te bɑ nun nɔmu bɛriɑ Gusunɔn sɔmɔbun ɡɑri sɔɔ sɑnɑm mɛ yiɡbɛ ɡuro ɡurobɑ nun nɔmɑ sɔndi wirɔ.

Timɔte I 4:16

A n tii sɛ, ɑ mɑɑ wunɛn sɔ̃ɔsiru lɑɑkɑri dokeo kpɑ ɑ n tɛmɑnɛ ɡɑ̃ɑ nini sɔɔ. Domi ɑ̀ n mɔ̀ mɛ, kɑɑ tii fɑɑbɑ ko kɑ mɑɑ be bɑ nun swɑɑ dɑki.

Timɔte I 4:6

Wee, ɑ̀ n nɑɑnɛ dokeobu bwisi yini kɛ̃mɔ kɑɑ n sɑ̃ɑwɑ Yesu Kirisin sɔm kowo ɡeo, kɑɑ n mɑɑ wunɛn tiin hunde diisiɑmɔ kɑ nɑɑnɛ dokebu kɑ sɔ̃ɔsi ɡeerun ɡɑri yi ɑ swĩi.

Titu 2:14

Yesu Kirisi wi, u win tii wɛ̃ bɛsɛn sɔ̃ u kɑ sun yɑkiɑ sɑɑ kom kɔ̃sum kpuron di, kpɑ u kɑ sun ko tɔn dɛɛrobu be bɑ sɑ̃ɑ wi tɔnɑɡibu be bɑ mɑɑ hɑniɑ mɔ bu kɑ sɔm ɡeenu ko.

Yosue 1:8

A de woodɑn tire ten ɡɑri yi n dɑ n wɑ̃ɑ wunɛn nɔɔ sɔɔ, kpɑ ɑ n yi bwisikumɔ sɑɑ bɑɑyere, sɔ̃ɔ sɔɔ kɑ wɔ̃kuru. Kpɑ ɑ lɑɑkɑri doke ɑ kɑ ye kpuro mɛm nɔɔwɑ mɑm mɑm ye bɑ yoruɑ mi. Domi ɑ̀ n kuɑ mɛ, ye ɑ mɔ̀ kpuro yɑ koo ɑrufɑɑni ko.