तितस 3:6 - बान्‍तावा राई

⁶ आन्‍कालेन्‍पा येसु ख्रिस्‍तओ अ़चुतुक्‌वाआ निनाम्‍हाङ्‌आ खोक्‍कोसोओ अ़चुलावा आन्‍कान्‌एदा च़लोक म़पाक्‍तापुवा।

तितस 3:6 ပူးပေါင်းရင်းမြစ်များ

युहन्‍ना 1:16

खोक्‍को अ़चुसोम्‍तुक्‍माआ खोन्‍कि अ़चुओ अ़छ़ङ्‌आ भेप्‍तुओसा आन्‍कान झारा अ़क्‌तात सोम्‍तुक्‍मादाङ्‌का नि सोम्‍तुक्‍मा तोक्‍तुम्‌युङ्‌सुम।

युहन्‍ना 16:7

खोन्‍नुछाङ अ़ङ्‌का खानानिन अ़नुछ्‍या लोनानिन, अ़ङ्‌का खात्‍ङाकिना खानानिन नुलोक त़लिसिन। देकिनालो अ़ङ्‌का अ़खात्‍ऩङ्‌नालो यायोक काप़ खानानिन्‌एदा ऩय़निन। मेन अ़ङ्‌का खात्‍ङानालो अ़ङ्‌का खोक्‍को खानानिन्‌एदा छुत्‍तुङ।

युहन्‍ना 4:10

येसुआ मो लासुलो, “खाना निनाम्‍हाङ्‌ओ अ़चुआसिखा खोन्‍कि खानाएदा चाक्‌वा कादोत म़ना साङ्‍ओ निकिना त़सिन्‍तुओदे खाना खोक्‍को त़दोत्‍तुओ खोन्‍कि खोक्‍कोसाआ खाना ह़ङ्‌म़ङ्‌ओ चाक्‌वा त़पुवाओ।”

युहन्‍ना 7:37

खोन्‍किना चानुचाओ आदेङ्‌ओ लेन माङ्‌लो चानुचाओ मुलो लेन्‌दा म़एवाकि येसुआ अ़धिवो य़ङ्‌आ म़य़ङा, “साङ वामित्‍मा स़नालो मो अ़ङ्‌काएदा ताने खोन्‍कि दुङुने।

छाम्‍माय़ङ 10:45

खोन्‍कि सेङ्‌लावाओ आसिखा निरावाचिछाङ निनाम्‍हाङ्‌आ म़प़चिओ अ़खाकि पत्रुस्‌एनान अ़क्‍नि काबान यहुदि साकोङ्‌छ़ङ कामुचि दोम्‍तुदोचि,

छाम्‍माय़ङ 2:33

खोन्‌ओसा निनाम्‍हाङ्‌आ येसु अ़झोइसाकि तोक्‍पो अ़मुवा, खोन्‍कि निनाम्‍हाङ्‌आ अ़हिप्‍ताओ सेङ्‌लावा येसु अ़पुवा, खोन्‍किना येसुआ आन्‍कान सेङ्‌लावा च़लोक म़पुवायुङ्‌सा। मो खानानिन ओन्‍ग़रि त़खाम्‌योम खोन्‍कि त़एनुम्‌योम।

रोमि 2:4

माङ्‌लो निनाम्‍हाङ्‌ओ अ़चुसोम्‍तुक्‍माआ खाना खोक्‍कोएदा लामान्‍चिन ऩतित्‌नि त़सिन्‍तुन कि, दि खोक्‍कोसोओ तोक्‍पो अ़चुसोम्‍तुक्‍मा, अ़चुआङ्‌मा खोन्‍कि अ़चुहुङ्‌मा त़सुङ्‌तुङु?

रोमि 5:5

खोन्‍कि सोम्‍कुवाआ आन्‍कान लेजोदा म़पाक्‍निन, देकिनालो आन्‍कान म़पुवाओ सेङ्‌लावालाम्‍पा निनाम्‍हाङ्‌ओ अ़चुसोमातुक्‍मा आन्‍साकोङ्‌वाचिदा म़पाक्‍तापुवायुङ्‌सा।

रोमि 8:2

देकिनालो ख्रिस्‍त येसुदाङ्‌का ताओ ह़ङ्‌म़ङ काप़ सेङ्‌लावाओ अ़य़ङ्‌हुप्‌आ हेवा खोन्‍कि स़माओ अ़सावादाङ्‌का खानानिन ऩफोङ्‌सिन।

एफिसि 3:8

झारा निनाम्‍हाङ्‌ओ अ़चुम़नाचिएदा अ़ङ्‌का अ़न्‍नुनु अ़चुप्‍पा लिसाङ्‌नुछाङ ख्रिस्‍तओ तुप्‍माङा अ़ऱन्‍मिन्‌ओ अ़चुआसिखाओ नुय़ङ्‌खान निरावाचि खाएत्‍मा निम्‍पाङ अ़ङ्‌का ओ अ़वाखाम ऩपुवाङ्‌ओ।

एफिसि 4:2

अ़धुन सिम्‍नान्‍चिन्‍सा, सोत्‍सोत्‌वालिसा खोन्‍कि हुङ्‌याङ्‌सा अ़क्‍छाआ नि सोमातुक्‍मादा आङ्‌याङ्‌सा,

१ तिमोथि 6:17

ओ हेन्‍खामादाओ कातोक्‌चि ऱक्‍भाक मान्‍लिदानिन्‌नि लोचि। अ़छ़ङ मात्‍द़ङ्‌ओ चासुम्‍छेन्‍बिदा माआङ, मेन आन्‍कान ऩङानुमान्‍चिन्‌ओ निम्‍पाङ झारा सामा ब़द्‍धे याङ्‌मा काप़ निनाम्‍हाङ्‌एदा मोचि सोम्‍कुवा म़मुने।

तितस 1:4

अ़ङ्‌काएनान अ़क्‍निवाओ साकोङ्‌छ़ङ कामु अ़ङ्‌को अ़नुछ्‍याओ अ़ङ्‌छावाको तितस ओ छाप्‍लावा छाप्‍तुङ्‌योङ। आन्‍पापा निनाम्‍हाङ खोन्‍कि आन्‍कान कालेन्‍पा ख्रिस्‍त येसुआ खाना सोमातुक्‍मा खोन्‍कि सेवाङ्‌नि ऩप़ने।