तितस 3:3 - बान्‍तावा राई

³ देकिनालो आन्‍कान आप्‍पिछाङ अ़क्‍दु खामान्‍सिन, लोमावा मान्‍च़कादा खोन्‍कि लाम मान्‍तुम्‍केसुम्‌युङ्‌सुम। आन्‍कान झाराकापाराओ राका खोन्‍कि ताकावा च़माओ अ़हारुक्‌चि मुन्‌येन। आन्‍ह़ङ्‌म़ङ अ़त्‍लो मित्‍मा खोन्‍कि छुन्‌दा खाइसुम्‌योम, चिप्‍माकात्‍लो मुन्‌येन, खोन्‍कि अ़क्‍छा निआ चिप्‍मा कात्‍काकात मुन्‌येन।

तितस 3:3 ပူးပေါင်းရင်းမြစ်များ

मत्‍ति 21:29

मोसाआ लासुलो, ‘अ़ङ्‌का अ़खात्‍ऩङ।’ मेन आदेङ अ़मिन्‍मा फान्‍तुकि खारा।

लुका 21:8

खोक्‍कोसाआ मोचि म़लासुलोचि, “चाप्‍चेत्‍तानिन्‍चिन, साङ्‌आछाङ खानानिन ऩथेम्‍सिमिन्‍ने। देकिनालो ब़द्‍धे म़नाचि अ़ङ्‌ऩङ्‌दा ‘अ़ङ्‌का ख्रिस्‍त ओ!’नि य़ङ्‌सा म़ता। खोन्‍कि ‘ग़रि ताचिआयुङ्‌सा!’नि म़य़ङ। मेन मोचि मान्‍त़ङ्‌दानुम्‍च़म।

युहन्‍ना 8:34

येसुआ मोचि म़लासुलोचि, “अ़नुछ्‍याङा अ़ङ्‌का खानानिन लोनानिन, हेवा कामु झारा हेवाओ अ़हारुक ओ।

रोमि 11:30

खानानिन निरावाचिछाङ अ़क्‍दु निनाम्‍हाङ्‌ओ अ़चुलोमाय़ङ मान्‍काङ्‌कादा त़मुन्‌येन, मेन ओग़रि इस्राएलिचि लोमावा मान्‍च़चिओसा खानानिन्‌आ निनाम्‍हाङ्‌ओ अ़चुसोम्‍तुक्‍मा त़तोक्‍तुम्‌युङ्‌सुम।

रोमि 6:12

खोन्‌ओसा पोक मित्‍मावात्‍नि तुङ्‌मा अ़दोत्‍निन्‍ने निकिना आम्‍नुओ स़दाओ पोक्‌दा हेवा हाङ मुमा मान्‍प़दानुम।

रोमि 6:17

मेन निनाम्‍हाङ आलाङ्‌ने, देकिनालो खानानिन अ़क्‍दु हेवाओ अ़हारुक त़मुन्‌येन, हान खाक्‍को अ़छ़ङ चिन्‍माय़ङ खानानिन्‌आ त़तोक्‍तुम, मो झारा साकोङ्‌वाआ त़लोउम्‌युङ्‌सुम।

रोमि 6:22

मेन हान आम्‍नुओ हेवादाङ्‌का त़फोङ्‌सिन्‌किना निनाम्‍हाङ्‌ओ अ़चुहारुक त़लिसिन्‌युङ्‌सिन। खोन्‍कि खानानिन्‌आ त़तोक्‍तुम्‌ओ काचि सिवाआ सेङ्‌माय़ङ्‌दा त़तित्‍तिन। ओसोओ अ़सिवा अ़लुक्‍निन्‌ओ ह़ङ्‌म़ङ ओ।

रोमि 6:6

आन्‍कान सिन्‍तुम्‌योम बुयाओ हेवामि आन्‍ह़ङ्‌म़ङ क्रुस्‌दा ख्रिस्‍तएनान ख़न्‍तायुङ्‌सा। खोन्‌ओसा आन्‍ह़ङ्‌म़ङ्‌चिदा हेवाओ अ़सावाआ अ़क़म्‍तुन्‍ने। हान्‌दाङ्‌का ह्‍यात्‍नि आन्‍कान हेवाओ अ़हारुक माआङ।

२ कोरिन्‍थि 12:20

देकिनालो अ़ङ्‌का ताङाहिदा अ़ङ्‌का मिन्‍ङावात्‍नि खानानिन अ़धित्‍नान्‍निमिन हे, खोन्‍कि खानानिन्‌आछाङ त़मिनिन्‌येन्‌वा अ़ङ्‌का त़धित्‍नाङ्‌ऩम़ङ हे निकिना अ़ङ्‌का क़ङाङा। आम्‍नुओ रादा खिमा, ऩङ्‌च़, माइसुङ, फेक्‍मान्‍चिन, सुङ्‌मा, दुम्‍लुमा, ऱक्‍भाक खोन्‍कि ङेन लि हे निकिना अ़ङ्‌क़मा कात्‌याङ।

गलाति 6:3

मेन दित्‍छाङ माआङ्‌ओ अ़ङ्‌का अ़च़वाङ्‌ओनि मित्‍नान्‍चिन्‌नालो मो आप्‍पि धान्‍नान्‍चिन।

कलस्‍सि 1:21

खाराओ ग़रिदा खानानिन निनाम्‍हाङ्‌एदाङ्‌का अ़थाया त़मुन्‌येन। खानानिन अ़त्‍लो त़मिनिन, खोन्‍कि अ़त्‍लो काचि त़मुन्‌ओसा खोक्‍कोसोओ अ़चुङेङ त़लिसिन।

कलस्‍सि 3:7

खानानिन आप्‍पिछाङ बुया अ़क्‍दु अ़अ़त्‍पा लावाचिओ तायाओ अ़क़म्‍मादा त़युङिन्‌येन्‌हिदा ओवाको लाम्‌चिदा त़कोलिन्‌येन।

२ तिमोथि 3:13

मेन अ़अ़त्‍पा म़नाचि खोन्‍कि काधान्‍चिआ निचि म़धान्‍तुचि खोन्‍कि मोचि आप्‍पि म़धान्‍नान्‍चिन्‌कि च़लोक अ़अ़त्‍पा लियाङ्‌सा म़खात।

२ तिमोथि 3:6

देकिनालो मोचिदाओ खा-खाक्‍को खिम-खिम्‌दा म़वाङ्‌कि हेवाआ तिमुङुचिओ खोन्‍कि झाराकापाराओ मिन्‍माचिआ लाउचिओ मान्‍ऱकादा मेत्‍छामाचि म़क़म्‍तुचि।

तितस 1:16

मोचि “निनाम्‍हाङ सिन्‍तुङ्‌योङ”नि ना म़य़ङ, मेन मोचिओ अ़चुकाचिआ ओन निनाम्‍हाङ ऩङाअ़छित निकिना खाङ्‌मुसु। मोचि ना चिप्‍माकात्‍तुचिओ, लोमान्‍तेत खोन्‍कि खाक्‍कोछाङ अ़नुवाक काचि मुमा खान्‍तुओचि मात्‍द़ङ्‌चि।

तितस 2:12

ओ सोम्‍तुक्‍माआ आन्‍कान खान्‌अ़त्‌ओ ह़ङ्‌म़ङ खोन्‍कि हेन्‍खामादाओ च़क्‍ख़य़ छित्‍म़मेत, खोन्‍कि ओ सोम्‍तुक्‍माआ आन्‍कान आप्‍पि क़म्‍तिन्‍चिन्‌कि ओ हेन्‍खामादा निनाम्‍हाङ्‌ओ अ़चुमिन्‍मावा च़मा खोन्‍कि निनाम्‍हाङ्‌एनान तोङ्‌ओ ह़ङ्‌म़ङ क़प्‍मा ऱम।

याकुब 1:26

साङ साम्‌योक्‍मिनि मित्‍नान्‍चिन्‌कि अ़लेम अ़क़म्‍तुन्‌नालो खोङा धान्‍नान्‍चिन, खोन्‍कि खोसोओ अ़साम्‌योक सोज्‍जेओ लि।

१ पत्रुस 1:14

खानानिन लोमावा काच़ छाचिओसा बुया मान्‍सिन्‍त़दोम्‌योम्‌हिदाओ अ़अ़त्‍पा मिन्‍माचिदा मान्‌वाङ्‌दानिन।

खाङ्‌मुमा 12:9

मिखाएल खोन्‍कि अ़काफाचिआ मो अ़धिवा प़ निनाम्‍मादुङ्‌का ह्‍युना अ़वेइसाधान्‍ता। मो बुयाओ अ़धिवा प़ ओ, मो झारा हेन्‍खामा काथेम्‍खान सैतानानिछाङ लो। मो हेन्‍खामादा वेइसाधान्‍ता खोन्‍कि मोसोओ झारा अ़काफाचिछाङ मोएनान अ़क्‍नि म़वेइसुधान्‍तुचि।

खाङ्‌मुमा 18:2

खो अ़धिवा य़ङ्‌आ पारा, लुक्‍ताखारा! “तोक्‍पो सहरा बेबिलोन लुक्‍ताखारा! मो हान चाकावालावाचि युङ्‌खा, झारा म़पोप्‍ताओ लावाचि खोन्‍कि झाराकाखालाओ चिप्‍माकात्‌ओ खोन्‍कि ऩङाछित्‍मायु छोङ्‌वाचि मोदा म़याक।