तितस 2:4 - बान्‍तावा राई

^4-5 मोवात्‍निनालो मो खोक्‍माचिआ कामेत्‍छा खिम्‍हाङ्‌माचि अ़चुखिम्‍हाङ्‌पाचिकि अ़चुओ छाचि सोम्‍तुक्‍मा, मोचि आप्‍पि क़म्‍मान्‍चिन, सेङ्‌लो मिन्‍मा याक्‌याङ्‌ओ लिमा, सोम्‍तुक्‍मा, नुलोक खिम्‍लुम्‍पा तोङ्‌मा, खोन्‍कि अ़खिम्‍हाङ्‌पाओ अ़क़म्‍मादा युङ्‌मा चिन्‍मा म़ऱचि। मोवात्‍नि लिनालो निनाम्‍हाङ्‌ओ अ़चुय़ङ अ़त्‍लो लिमा अ़तोक्‍तुन।

तितस 2:4 ပူးပေါင်းရင်းမြစ်များ

१ तिमोथि 5:11

मेन साथिकादोङ्‌दाङ्‌का अ़खुक्‌दाओ मेन्‍मित्‍माचि मो रुहुप्‌दा मान्‌युङ्‌दानुम्‍च़म, देकिनालो मोचिओ अ़चुपोक मित्‍माआ मोचि ख्रिस्‍तदाङ्‌का अ़थाया म़लि, खोन्‍कि मोचि साया लामाकाम्‍मा म़स़।

१ तिमोथि 5:14

खोन्‌ओसा साथिकादोङ्‌दाङ्‌का अ़खुक्‌दाओ मेन्‍मित्‍माचि साया म़लाकाम्‍ने, छा म़तोक्‍ने, खोन्‍कि अ़चुखिम्‌चि म़खाचिनेनि अ़ङ्‌का यायोक प़ङ्‌च़ङ। मोवात्‍नि आन्‍ङेङ्‌चिआ आन्‍कान सुङ्‌मा अ़वाखाम ऩतोक्‍तुन।

१ तिमोथि 5:2

नाना मेत्‍छामाचि आम्‍मामाचिवात्‍नि खोन्‍कि निछा मेत्‍छामाचि झारा सेङ्‌याङ्‌ओ मिन्‍माआ आम्‍निछाचिवात्‍नि मुचि।

तितस 2:3

मोवात्‍निङा खोक्‍मा मेत्‍छामाचि सायाकातोक लिमा चिन्‍तुचि। म़नाचिओ अ़त्‍लो दुम लुमा अ़नुनिन्‌नि मोचि चिन्‍तुचि। मोचि हेङ्‌मावाओ अ़क़म्‍मादा मान्‍छुक्‍कादा लिमादोत, खोन्‍कि अ़नुवाक य़ङ्‌चि काचिन लिमादोत।