तितस 1:8 - बान्‍तावा राई

⁸ खोक्‍को तावाङ्‌चि साऩङ्‌वा कामेत खोन्‍कि अ़नुवाक य़ङ ऩङाकानु खोन्‍किना अ़खारु च़ङ्‌तुकि काचि कामु, अ़नुवाक काचि कामु, निनाम्‍हाङ कामित खोन्‍कि आप्‍पि क़म्‍मान्‍चिन काऱ लिमादोत।

तितस 1:8 ပူးပေါင်းရင်းမြစ်များ

लुका 2:25

मोन्‍ग़रि यरुसलेम्‌दा अ़क्‍छा सिमियोन अ़ऩङ मुवाङाओ म़ना युङाङा। खो साम्‌योक्‍मि खोन्‍कि निनाम्‍हाङ कामित म़ना युङाङा। खोसाआ इस्राएलिचिओ कालेन्‍पा म़ना तामा ग़रि हुङुयुङ्‌सुङु, खोन्‍कि सेङ्‌लावा खोएदा याआङा।

छाम्‍माय़ङ 24:25

मेन पावल्‌आ साम्‌योक्‍मिओ अ़तुक्‌वादा, क़म्‍मान्‍चिन्‌ओ अ़तुक्‌वादा खोन्‍कि तायाङ्‍ओ निनाम्‍हाङ्‌ओ अ़चुछ़ङ्‌छेन्‍मा लेन्‌ओ अ़तुक्‌वादा खाएत्‍तुहिदा फेलिक्‍स्‌ओ अ़क़माकारा। खोन्‍कि खोसाआ लो, “ओन्‍ग़रि खात्‍मा त़ऱ, अ़ङ्‌का काङाओ ग़रि खाना बुत्‍नाने।”

१ थेसलोनिकि 2:10

खानानिन साकोङ्‌छ़ङ कामुचिएदा देत्‍नि आन्‍काओ च़माथाङ्‌मा सेङाङा, साम्‌योक्‍मि खोन्‍कि लाहि मात्‍द़ङ मुवाङा, मो य़ङदा खानानिन खोन्‍कि निनाम्‍हाङ्‌छाङ आन्‍काओ सालुम्‍स़ङ ओ।

१ तिमोथि 3:2

खोन्‌ओसा धिकाखाङ्‌पा साङ्‌आछाङ लाहि पाक्‍मा ऩऱन्‌ओ, अ़क्‍छा खिम्‍हाङ्‌माओ ओन्‍ङा अ़खिम्‍हाङ्‌पा, काक़म्‍नान्‍चिन, खारु कातोक, सायाकातोक, तावाङ साऩङ्‌वा कामेत, खोन्‍कि चिन्‍मा काऱ मुमादोत।

१ तिमोथि 4:12

सावाछा त़मुयाङ्‌ओसा साङ्‌आछाङ खाना आम्‍साया ऩपेप्‍नान्‍ने। मेन साकोङ्‌छ़ङ कामुचिएदा आम्‍हान्‍मा, च़माथाङ्‌मा खोन्‍कि सोमातुक्‍मा, साकोङ्‌छ़ङ खोन्‍कि सेङ्‌मादा खाना अ़क्‍छा अ़मात्‍ऩङ लिसा।

१ तिमोथि 6:11

मेन खाना निनाम्‍हाङ्‌ओ अ़चुम़ना, ओ झारादाङ्‌का अ़थाया युङा, खोन्‍कि साम्‌योक, निनाम्‍हाङ ब़क्‍मा, साकोङ्‌छ़ङ, सोमातुक्‍मा, हुङ्‌मा, खोन्‍कि सिम्‍मान्‍चिन्‌ओ मित्‍चिऩङ मुवा।

२ तिमोथि 2:22

खोन्‌ओसा सावाछादाओ अ़अ़त्‍पा मिन्‍माचि छिरुचि, खोन्‍कि सेङ्‌याङ्‌ओ साकोङ्‌वाआ हाङ्‌पाओ अ़चुऩङ काब़क्‌चिएनान अ़क्‍नि साम्‌योक्‍मि, साकोङ्‌छ़ङ, सोमातुक्‍मा खोन्‍कि सेवाङ्‌निओ मित्‍चिऩङ्‌दा वाङा।

२ तिमोथि 3:3

मोचि सोमामान्‍तुक्‍कादा, मान्‍लेत्‍कादा, नि कासुङ, मान्‍क़म्‍कादान्‍चिन, ऱक्‍ऱक्‍ऱक्‌वा काच़, अ़नुवाक य़ङ ऩङाकाछित,

तितस 2:7

खानाङा झारा य़ङ्‌दा अ़नुवाक काचिओ अ़मात्‍ऩङ लिसाकि मोचि खाङ्‌मेत्‍तुचि खोन्‍कि सोत्‍सोत्‌वाकि ताङ्‌च़क्‍तान्‍चिन्‌ओ लिसाकि ताया प़चि।

१ युहन्‍ना 3:14

आन्‍कान सिन्‍तुम्‌योम, आन्‍कान स़मादाङ्‌का ह़ङ्‌म़ङ्‌दा सोत्‍तिन्‌युङ्‌सिन्‍चिन, देकिनालो आन्‍कान ख्रिस्‍तियान यावाचि सोमातुक्‍तुम्‌योम्‍च़म। साङ खासोमाअ़तुक्‍निन, मो स़मादा याक।

१ युहन्‍ना 5:1

येसुङा ख्रिस्‍त म़युङ्‌याङ निकिना साकोङ्‌छ़ङ कामु झारा निनाम्‍हाङ्‌ओ अ़चुछा ओ। साङ्‌आ निनाम्‍हाङ पापा सोमातुक्‍तु, मोसाआ अ़चुछाछाङ सोमातुक्‍तु।