तितस 1:10 - बान्‍तावा राई

¹⁰ देकिनालो ब़द्‍धे म़नाचि कोङ्‌क़त्‌वा, सोज्‍जेओ दुम कालु, म़ना काधान्‌चि ओ। ओवाकोचिएदा ना अ़नुछ्‍या सिप्‍मायाम्‍बुन पाक्‍मादोत नि कायुङ्‌चि ओचिङा ओ।

तितस 1:10 ပူးပေါင်းရင်းမြစ်များ

मत्‍ति 23:14

[अ़चाअ़त्‍मादा त़छुक्‍तिन साय्‌योक काचिन खोन्‍कि फरिसिचि ओ! खानानिन कोङ्‌क़त्‌वाचि ओ! देकिनालो मेन्‍मित्‍माचिओ अ़चुखिम्‌चि त़ङाप्‍तुम्‍च़म, खोन्‍किना म़नाचिआ साम्‌योक्‍मिनि ऩमित्‍तिन्‍काने निकिना खानानिन ब़द्‍धे मेत्‍लोदा यात़मारिन। खोन्‌ओसा निचिदाङ्‌का च़लोक खानानिन दन्‍दा त़तोक्‍तुम।]

छाम्‍माय़ङ 11:2

खोन्‍किना पत्रुस यरुसलेम्‌दा तालाकि सिप्‍मायाम्‍बुन कापाक यहुदि साकोङ्‌छ़ङ कामुचिआ खो याअ़सान्‍ता।

छाम्‍माय़ङ 15:1

खा-खाक्‍को म़नाचि यहुदियादाङ्‌का एन्‍तिओखियादा म़ताकि काखेङ्‌चि “निनाम्‍हाङ्‌य़ङ खाकालु मोसाओ अ़य़ङ्‌हुप्‌वा सिप्‍मायाम्‍बुन त़मुन्‍मिन्‌नालो ना खानानिन त़लेरिमिन”नि साकोङ्‌छ़ङ कामुचि म़चिन्‍तुचि।

छाम्‍माय़ङ 15:24

आन्‍कान्‍का एनुम्‌युङ्‌सुम्‍का, आन्‍कान्‍काएदाओ खा-खाक्‍कोचि खानानिन्‌एदा म़बानाकि दुखा अ़चुचिन्‍माय़ङ्‍आ आम्‍नुओ मिन्‍मा चाअ़त्‍सालो ऩमेत्‍तिन्‍प़न्‌नि। मेन मोचि आन्‍कान्‍का मोवात्‍नि लोमेत्‍तुम्‍च़म्‍काओ माआङ।

छाम्‍माय़ङ 20:29

देकिनालो अ़ङ्‌का सिन्‍तुङ्‌योङ, अ़ङ्‌का खात्‍ङालोन्‍ङाकिना खोक्‍लि कुतिवाचिवाको क़माकात्‍तुओ म़नाचि आम्‍नुओ रादा म़ता, खोन्‍कि मोचिआ निनाम्‍हाङ्‌ओ अ़साम्‍भुङ दित्‍छाङ मान्‌युङ्‌माङ लुक्‍मा म़लाप।

गलाति 2:4

देम्‌कापाङ सोज्‍जेओ साकोङ्‌छ़ङ कामुचिएदाङ्‌का सिप्‍मायाम्‍बुन्‌ओ अ़तुक्‌वादा खा-खाक्‍कोचिआ ओ य़ङ अ़लोइसा। मोचि आन्‍रुहुप्‌दा मान्‍सिन्‍माङ म़वाङाकि आन्‍कान हारुक मुमा निम्‍पाङ ख्रिस्‍तएदाओ आन्‍फोङ्‌माय़ङ्‌दा म़सुक्‍ताखा।

गलाति 3:1

खामान्‍सिन गलातिचि ओ! साङ्‌आ खानानिन ऩधान्‍तिन? आम्‍नुओ म़क्‌ओ अ़बुदाङा येसु ख्रिस्‍त क्रुस्‌दा म़ख़न्‍ताओ छेङ्‌छेङ्‌छेङ्‌वा खालुसाओ।

एफिसि 4:14

खोन्‌ओसा आन्‍कान लोङ्‌वात्‌आ देङ्‌सा बुसा तोन्‍माय़ङ, मोचिओ झारा सोज्‍जेओ चिन्‍माय़ङ्‌ओ अ़ह़क्‌आ खोन्‍कि म़नाचिओ अ़चुथालिआ, अ़चुचाप्‍चाआ खोन्‍कि अ़चुनामान्‍ल़क्‌आ ओह्‍यात्‍नि-मोह्‍यात्‍नि मुत्‍माखात्‍माय़ङ छाचिवात्‍नि अ़लिसिमिन्‍ने।

१ तिमोथि 1:4

खाना मोचि सोज्‍जेओ दोय़ङ्‌ला खोन्‍कि अ़चुसुन्‍तुम्‌चिओ अ़लुक्‍निन्‌ओ अ़चुसुन्‍तुम य़ङ्‌चिदा वान्‍मान्‍चिन मान्‍प़दोचि। ओसाआ निनाम्‍हाङ्‌ओ अ़चुकाचि माआङ दुम्‍तुमा य़ङ्‌चि ओन्‍ङा लोइसुचि, मोसाआ म़नाचि साकोङ्‌छ़ङ्‌दा निनाम्‍हाङ्‌ओ अ़चुमित्‍चिऩङ्‌वाको ह़ङ्‌म़ङ ह़ङ्‌मा अ़प़न्‍चिन।

१ तिमोथि 1:6

मेन खा-खाक्‍को म़नाचि ओ झारा य़ङ्‌चिदाङ्‌का म़थेमायुङ्‌सा खोन्‍कि अ़काचिमाद़ङ्‌ओ दुम्‍छ़न्‍मादा म़लासायुङ्‌सा।

१ तिमोथि 1:9

आन्‍कान ओछाङ सिन्‍तुम्‌योम, य़ङ्‌हुप साम्‌योक्‍मिचिओ निम्‍पाङ मुवाओ माआङ, मेन य़ङ्‌हुप काकाक्‌चि, लोमावा मान्‍च़कादाचिओ निम्‍पाङ, निनाम्‍हाङ साया मान्‍मेत्‍कादा खोन्‍कि हेवामि, ऩसेङ्‌निनिन्‌ओ, मान्‍साम्‌योक्‍मि खोन्‍कि अ़चुपाचि माङ्‌लो अ़चुमाचि कासेत्‌चि, म़नाकासेत्‌चिओ निम्‍पाङ,

२ तिमोथि 3:13

मेन अ़अ़त्‍पा म़नाचि खोन्‍कि काधान्‍चिआ निचि म़धान्‍तुचि खोन्‍कि मोचि आप्‍पि म़धान्‍नान्‍चिन्‌कि च़लोक अ़अ़त्‍पा लियाङ्‌सा म़खात।

२ तिमोथि 4:4

मोचि अ़छ़ङ य़ङ एन्‍मा ऩङाअ़छित, खोन्‍कि दोय़ङ्‌लादात्‍नि म़लाखात।

तितस 1:6

साम्‍भुङ्‌दाओ ताङ्‌पा साङ्‌आछाङ ह़त्‍मा ऩऱन्‍लो लिमादोत, अ़क्‍छासो ओन्‍ङा ओ अ़खिम्‍हाङ्‌पा लिमादोत, खोसोओ अ़छाचि साकोङ्‌छ़ङ कामु खोन्‍कि अ़अ़त्‍पा च़माथाङ्‌मा मात्‍दङ्‍ओ, खोन्‍कि लोमाय़ङ काकाङ लिमादोत।

याकुब 1:26

साङ साम्‌योक्‍मिनि मित्‍नान्‍चिन्‌कि अ़लेम अ़क़म्‍तुन्‌नालो खोङा धान्‍नान्‍चिन, खोन्‍कि खोसोओ अ़साम्‌योक सोज्‍जेओ लि।

१ युहन्‍ना 2:18

सोमातुक्‍नाङ्‌नानिन्‌ओ छाचि ओ, आदेङ्‌ओ ग़रि ओङा ओ। ख्रिस्‍तओ अ़चुङेङ तायाङ निकिना खानानिन्‌आ त़एनुम्‌युङ्‌सुम। ओन्‍ग़रिछाङ ख्रिस्‍तओ अ़चुङेङ्‌चि ब़द्‍धे म़ताचिआयुङ्‌सा। खोन्‌ओसा ओ आदेङ्‌ओ ग़रिओ निम्‍पाङ आन्‍कान सिन्‍तुम्‌योम।

१ युहन्‍ना 2:4

साङ्‌आ “खोक्‍को अ़ङ्‌का सिन्‍तुङ्‌योङ”नि य़ङ, मेन खोक्‍कोसोओ अ़चुलोमाय़ङ अ़लोउन्‌नालो मो सोज्‍जे ओ, खोन्‍किना मोएदा अ़छ़ङ मात्‍द़ङ।

१ युहन्‍ना 4:1

सोमातुक्‍नाङ्‌नानिन्‌ओ यावाचि ओ, झारा लावाचि साकोङ्‌छ़ङ मान्‍मुदानुम्‍च़म, मेन लावाचि निनाम्‍हाङ्‌दाङ्‌का म़ताओ हे माआङ, मोचि सिन्‍मा निम्‍पाङ चिन्‍ताखानुम्‍च़म, देकिनालो सोज्‍जेओ निनाम्‍हाङ्‌य़ङ खाकालुचि ओ हेन्‍खामादा झारादात्‍नि म़खारायुङ्‌सा।

खाङ्‌मुमा 2:14

मेन आम्‍नुओ देङ्‌सालाप्‍पादा अ़ङ्‌काएदा दि-दि य़ङ्‌चि म़युङ्‌याङ। देकिनालो आम्‍नुओ रादा खा-खाक्‍कोचि म़युङ्‌याङ, मोचिआ बालाम्‌ओ अ़चिन्‍माय़ङ अ़त़ङ। इस्राएलिचि धुङ्‌खाओ अ़तुक्‌वा लिने निकिना सेम्‍पोक्‌चि प़माय़ङ चामायुचि चामा खोन्‍कि ताङ्‌लान मुमा बालाम्‌आ बालाक चिन्‍तु।

खाङ्‌मुमा 2:6

मेन खानानिन्‌आ अ़क्‌तात य़ङ तोङ्‌लो त़मुम्‌योम, अ़ङ्‌का ऩङाछिरुङ्‌वात्‍निङा खानानिन्‌आ निकोलाइतस्‌चिओ अ़चुकाचिचि ऩङात़छिरुम्‍च़म।