31 मेन इस्राएल्आ, य़ङ्हुप्दाओ साम्योक्मि त़ङ्तुनुछाङ, मो मान्तोक्दो।
खोन्किना, यसैया राक्एनान य़ङ, “अ़ङ्का मान्लाम्कादाचिआ अ़ङ्का ऩधिराङ्युङ्साङ, साङ्चिआ अ़ङ्का मान्लाम्ऩदाङ, मोचिएदा अ़ङ्का आप्पि खाङ्मुसाङ्युङ्साङ्च़ङ।”
खोन्नालो दि? इस्राएल्आ दि नुलोक लामुङुओ, मो मान्तोक्दो। मेन छेन्माय़ङ्ओचिआ मो अ़तोक्ता, नि झारा ऱक्भाक म़लिसा।
खोन्ओसा य़ङ्हुप्ओ काचिआ खाक्को म़नाछाङ खोक्कोसोओ अ़चुबुदा साम्योक्मि अ़कान्निन, देकिनालो य़ङ्हुप्आङा आन्कान देम हेवामि मुन्येन्ओ खाङ्म़मु।
खोन्नालो दिसोओ अ़तुक्वादा ऱक्भाक मुमा? ऱक्भाक मुमायु दित्छाङ मात्द़ङ! दि आन्कान य़ङ्हुप्वा च़न्ओसा ओ? माआङ! मेन ओ ना साकोङ्छ़ङ्ओ अ़तुक्वाआ ओ।
खोन्नालो दि य़ङ्हुप निनाम्हाङ्ओ अ़चुहिप्माय़ङ्चिओ अ़देङ्सालाप्पा मुयाङ कि? देम्खाछाङ अ़मुनिनिन! अ़ह़ङ मुमा काऱ य़ङ्हुप म़पुवाओदे, साम्योक्मि अ़नुछ्याङा य़ङ्हुप्लाम्पा ताओ।
राक्ओ अ़तुक्वादाओनालो साम्भुङ दुखाकाप, साम्योक्मिओ अ़तुक्वादाओनालो य़ङ्हुप्वात्नि लाहि मात्द़ङ्ओ अ़ङ्का मुवाङ्याङ।