रोमि 9:24 - बान्‍तावा राई

²⁴ खोक्‍कोसाआ आन्‍कान्‌छाङ मो रुहुप्‌दा म़पाआ। खोक्‍कोसाआ यहुदिचि ओन्‍ङा माआङ, मेन निरावाचिछाङ म़बुत्‍तुयुङ्‌सुचि।

रोमि 9:24 ပူးပေါင်းရင်းမြစ်များ

छाम्‍माय़ङ 15:14

निनाम्‍हाङ्‌आ बुयाओदु निरावाचि सोमाम़तुक्‍तुचिकि देत्‍नि मोचिएदाओचि खोसोओ निम्‍पाङ म़नाचि म़छेन्‍तुचि, मोसोओ अ़तुक्‌वादा सिमोन्‌आ आन्‍कान खाम़एत्‍तायुङ्‌सा।

रोमि 10:12

यहुदि खोन्‍कि ग्रिक अ़क्‌तात्‌ओसा, खोक्‍को झारासोओ अ़क्‌तात अ़चुहाङ्‌पा म़युङ्‌याङ। खोन्‍कि खोक्‍को काबुक झारा च़लोक आसिखा म़प़चि।

१ कोरिन्‍थि 1:9

निनाम्‍हाङ साकोङ्‌छ़ङ मुमा खान्‍तुओ म़मुयाङ। खोक्‍कोसोओ अ़चुछा आन्‍हाङ्‌पा येसु ख्रिस्‍तएनान यावायोक मुसि खोक्‍कोसाआ खानानिन ऩबुत्‍तिन।

गलाति 3:28

खोन्‌ओसा हान ना यहुदि ना ग्रिक, ना हारुक ना लेत्‌वा, ना दुवाछा ना मेत्‍छाछा निकिना अ़फेक्‍निन, देकिनालो ख्रिस्‍त येसुएदा खानानिन झारा अ़क्‌तात्‌ङा ओ।

कलस्‍सि 3:11

ओक्‍को य़ङ्‌दा ग्रिक माङ्‌लो यहुदि, सिप्‍मायाम्‍बुन पाक्‍माय़ङ माङ्‌लो सिप्‍मायाम्‍बुन मान्‍पाक्‍कादा, मान्‍लेकादा माङ्‌लो खोक्‍लिदा कायुङ्‌चि, हारुक माङ्‌लो लेत्‌वा हान्‌दाङ्‌का ऩफेक्‍निन। मेन ख्रिस्‍तङा झारादाङ्‌का तोक्‍पो म़मुयाङ खोन्‍कि खोक्‍को खानानिन झारादा म़युङ।

हिब्रु 3:1

खोन्‌ओसा निनाम्‍हाङ्‌आ ऩबुत्‍तिन्‌ओ त़सेङियेन्‌ओ अ़ङ्‍ब़ब़, नाना, खोन्‍कि निछाचि ओ, निनाम्‍हाङ्‌आ अ़छाम्‍साओ खोन्‍कि मुलो काब़क्‍पानि आन्‍कान य़ङिन्‌ओ येसु मित्‍तानुम।

१ पत्रुस 5:10

झारा सोमाकातुक निनाम्‍हाङ्‌आ ख्रिस्‍तदा अ़धुन अ़चुऩङ्‌चोन्‍माओ निम्‍पाङ खानानिन ऩबुत्‍तिन्‌युङ्‌सिन। खानानिन्‌आ अ़क्‍चित्‌तारि दुखा त़आङ्‌तुम्‍चिउम्‌कि खोक्‍कोसाआ खानानिन अ़ऩङ्‌वा ऩलासिन्‍मुन, ऩतोङ्‌सिन, सावापोरिओ ऩमुन, खोन्‍कि ऩतुङ्‌निन्‌ओ छ़ङ्‌दा खानानिन ऩयुङ्‌सिन।

खाङ्‌मुमा 19:9

खोन्‍किना मो निनाम्‍हाङ काफाआ अ़ङ्‌का अ़लोवाङ, “ओ छाप्‍तु, थुबाछाओ अ़चुसायाकाम्‍खाओ खाबाचादा बुत्‍माय़ङ्‌चि निनाम्‍हाङ्‌आ झारा आसिखा म़प़चि।” निनाम्‍हाङ काफाआ अ़लासाङ्‌लोवाङ, “निनाम्‍हाङ म़य़ङाओ ओ य़ङ्‌चि अ़छ़ङ ओ।”