रोमि 9:23 - बान्‍तावा राई

²³ उवा, साम्‌ओ निम्‍पाङ बुया म़चुम्‍सुचिओ, खोन्‍कि खोक्‍कोसाआ सोमा म़तुक्‍तुचिओचि, ब़द्‍धे अ़चुऩङ्‌लोङ्‌मा खाङ्‌मेत्‍माचि निकिना खोक्‍कोसाआ ओवात्‍नि अ़मुवा।

रोमि 9:23 ပူးပေါင်းရင်းမြစ်များ

लुका 1:17

खोसोओ अ़लावा निनाम्‍हाङ्‌य़ङ खाकालु एलियाओवात्‍नि लिकि हाङ्‌पा ख्रिस्‍तओ अ़बुदा ताकि खोक्‍कोसोओ अ़चुलाम चुम्‍सु। खोसाआ म़नाचिओ अ़चुपाचिओ अ़चुसाकोङ्‌वा अ़चुछाचिह्‍यात्‍नि म़लासुप़चि खोन्‍कि लोमान्‍तेत्‌चि साम्‌योक्‍मिचिओ अ़चुतायादात्‍नि तित्‍तुचि। ओवात्‍नि खोसाआ हाङ्‌पाओ अ़चुम़नाचि हाङ्‌पा लोक्‍माओ निम्‍पाङ चुम्‍सुचि।”

छाम्‍माय़ङ 9:15

मेन हाङ्‌पाआ हननिया अ़लोवा, “खारा! देकिनालो निरावाचि, हाङ्‌चि खोन्‍कि इस्राएलि म़नाचिओ अ़चुबुदा अ़ङ्‌ऩङ खालुमा निकि खो अ़ङ्‌का छेन्‍तुङ्‌युङ्‌सुङ।

रोमि 2:4

माङ्‌लो निनाम्‍हाङ्‌ओ अ़चुसोम्‍तुक्‍माआ खाना खोक्‍कोएदा लामान्‍चिन ऩतित्‌नि त़सिन्‍तुन कि, दि खोक्‍कोसोओ तोक्‍पो अ़चुसोम्‍तुक्‍मा, अ़चुआङ्‌मा खोन्‍कि अ़चुहुङ्‌मा त़सुङ्‌तुङु?

रोमि 8:29

साङ-साङ खोक्‍कोसाआ बुयाङा म़सिन्‍तुयुङ्‌सुचि, निनाम्‍हाङ्‌आ मोचि आप्‍पिओ अ़चुछा ख्रिस्‍तवात्‍नि मुमा निम्‍पाङ म़छेन्‍तुचि। खोक्‍कोसाआ ओ अ़मुवा, खोन्‌ओसा ब़द्‍धे ब़ब़, नाना खोन्‍कि निछाचिएदा ख्रिस्‍त झारादाङ्‌का ब़ब़ म़लिने।

रोमि 8:30

साङ-साङ खोक्‍कोसाआ बुयाङा म़छेन्‍तुचि, मोचि खोक्‍कोसाआ म़बुत्‍तुचिछाङ। खोन्‍कि साङ्‌चि खोक्‍कोसाआ म़बुत्‍तुचि, मोचि खोक्‍कोसाआ साम्‌योक्‍मिछाङ म़काइसुचि, खोन्‍कि साङ-साङ साम्‌योक्‍मि म़काइसुचि, मोचि खोक्‍कोसाआ साम्‍स़रिओछाङ म़मुचि।

एफिसि 1:18

अ़ङ्‌का ओसोओ निम्‍पाङ्‌छाङ यामात्‍ङा, आम्‍नुओ साकोङ्‌वादाओ म़क छेङ्‌छेङ्‌छेङ्‌वा लिने, खोन्‍कि दिसु सोम्‍कुवाओ निम्‍पाङ खोक्‍कोसाआ खानानिन ऩबुत्‍तिन्‌युङ्‌सिन, खोन्‍कि निनाम्‍हाङ्‌ओ अ़चुम़नाचिएदा खोक्‍कोसोओ साम्‍स़रिओ पाङ्‌यि तोक्‍माओ चासुम्‍छेन्‍बि दि ओ, मो खानानिन्‌आ सिन्‍मा त़ऱम।

एफिसि 2:10

देकिनालो आन्‍कान अ़नुवाक काचिचिओ निम्‍पाङ ख्रिस्‍त येसुदा मुन्‍माय़ङ खोक्‍कोसोओ अ़चुसिकि ओ। आन्‍कान अ़नुवाक काचि मुन्‍ने निम्‍पाङ निनाम्‍हाङ्‌आ बुयाङा अ़चुम्‍सायुङ्‌सा ओ।

एफिसि 2:7

येसु ख्रिस्‍तआ ओ आन्‍कान्‌एदाओ खोक्‍कोसोओ अ़चुसोम्‍तुक्‍मादा अ़न्‍नुनु तोक्‍पो अ़चुसोमातुक्‍मा तायाङ्‍ओ जुगादा खाङ्‌मुमा निम्‍पाङ ओ।

एफिसि 3:16

अ़ङ्‌का यामात्‍ङा, निनाम्‍हाङ्‌ओ अ़न्‍नुनु तोक्‍पो सायाआ अ़चुलावाओ सावालाम्‍पा आम्‍नुओ कोङ्‌हुत्‌दा त़छोसिन्‍लो ऩमुन्‍ने।

एफिसि 3:8

झारा निनाम्‍हाङ्‌ओ अ़चुम़नाचिएदा अ़ङ्‌का अ़न्‍नुनु अ़चुप्‍पा लिसाङ्‌नुछाङ ख्रिस्‍तओ तुप्‍माङा अ़ऱन्‍मिन्‌ओ अ़चुआसिखाओ नुय़ङ्‌खान निरावाचि खाएत्‍मा निम्‍पाङ अ़ङ्‌का ओ अ़वाखाम ऩपुवाङ्‌ओ।

कलस्‍सि 1:12

खोन्‍कि साम्‌ओ हाङ्‌होन्‌दा आन्‍कान निनाम्‍हाङ्‌ओ अ़चुम़नाचि लिमा काऱ कामु निनाम्‍हाङ पापा आलाङ पुवानुम।

कलस्‍सि 1:27

झारा रावाचिओ निम्‍पाङ खोक्‍कोसोओ ओ ब़द्‍धे तोक्‍पो अ़चुकोङ्‌दुम खोसोओ अ़चुम़नाचिआ अ़तुप्‍नेनि निनाम्‍हाङ म़मिन। अ़कोङ्‌दुम ओक्‍कोङा ओ, ख्रिस्‍त खानानिन्‌एदा म़याक्‌याङ। ओ य़ङ्‌आ खानानिन्‌छाङ निनाम्‍हाङ्‌ओ अ़चुसाम त़तोक्‍तुम्‌नि मिन्‍मा ऩप़न।

१ थेसलोनिकि 5:9

देकिनालो निनाम्‍हाङ्‌आ आन्‍कान दन्‍दा प़मा निम्‍पाङ माआङ, मेन आन्‍हाङ्‌पा येसु ख्रिस्‍तलाम्‍पा लेन्‍मा तोक्‍तुम्‍ने निम्‍पाङ बुयाङा म़छेन्‍ता।

२ तिमोथि 2:21

खाक्‍को साऩङ्‌वा मान्‍मेत्‌दामायु मुयाङ, साङ मोदाङ्‌का आप्‍पि सेङ्‌नान्‍चिन्‌नालो खो साऩङ्‌वा मित्‍चिऩङ्‌ओ निम्‍पाङ अ़क्‍छा खाम्‍मा लि, खोन्‍कि खिम्‌दाओ खिम्‍हाङ्‌पाओ निम्‍पाङ सेङ्‌साओ, याङ्‌मा खान्‍तुओ लि, खोन्‍कि खाक्‍कोछाङ अ़नुवाक काचिओ निम्‍पाङ चुम्‌युङ।