रोमि 8:9 - बान्‍तावा राई

⁹ मेन खानानिन आम्‍नुओ हेवामि मित्‍माचिआ ऩक़म्‍तिमिन्‌येन। खानानिन्‌एदा निनाम्‍हाङ्‌ओ अ़चुलावा म़युङ्‌याङ्‌नालो खानानिन सेङ्‌लावाआ ऩक़म्‍तिन्‌युङ्‌सिन। मेन साङ्‍एदा ख्रिस्‍तओ अ़चुलावा ऩयाक्‍निन, मो म़ना ख्रिस्‍तओ माआङ।

रोमि 8:9 ပူးပေါင်းရင်းမြစ်များ

लुका 11:13

मोवात्‍नि खानानिन अ़अ़त्‍पा त़मुन्‌येन्‌नुछाङ आम्‍नुओ छाचि अ़नुवाक सामाचि प़मा त़लेसिन्‌येन्‌नालो आम्‍नुओ निनाम्‍मादुओ पापाआ खोक्‍कोएदा कादोत्‍चि देम च़लोक सेङ्‌लावा म़प़चि!”

युहन्‍ना 14:17

खोक्‍को अ़छ़ङ ओ लावा म़मुयाङ, खोक्‍को हेन्‍खामाआ लोक्‍मा अ़ऱन, देकिनालो हेन्‍खामाआ खोक्‍को ना खा, ना सिन्‍तु। खानानिन्‌आ खोक्‍को त़सिन्‍तुम, देकिनालो खोक्‍को खानानिन्‌एनान म़याक, खोन्‍कि खोक्‍को खानानिन्‌एदा म़युङ्‌युङ।

युहन्‍ना 14:23

येसुआ अ़लासालोवा, “साङ्‌आ अ़ङ्‌का सोमाअ़तुक्‍ङा, मोसाआ अ़ङ्‌चेम्‍मा य़ङ्‌चि मुचि, खोन्‍कि अ़ङ्‌पापाआ मो सोमाअ़तुक, खोन्‍कि आन्‍काचिआ मोएदा ताच्‍या, खोन्‍कि मोएदा याक्च्‍या।

युहन्‍ना 3:34

देकिनालो साङ निनाम्‍हाङ्‌आ अ़छुत्‍तायुङ्‌सा, निनाम्‍हाङ्‌ओ अ़चुय़ङ मोसाआ चेउ, देकिनालो निनाम्‍हाङ्‌आ च़लोक सेङ्‌लावा अ़प़।

युहन्‍ना 3:6

पोक्‌दाङ्‌का लिओ पोक ओ, खोन्‍कि लावादाङ्‌का लिओ लावा ओ।

छाम्‍माय़ङ 16:7

माइसियाओ अ़च़क्‌दा म़तालाकि खोचि बिथिनिया धिखाहुप्‌ह्‍यात्‍नि खात्‍मानि म़मिना। मेन येसुओ अ़चुलावाआ खोचि खात्‍मा मान्‍प़म़दोचि।

रोमि 7:5

आन्‍कान हेवाओ अ़क़म्‍मादा ह़ङिन्‌येन्‌हिदा हेवा मित्‍माचिआ आन्‍पोक्‌चिदा काचि मुङु, खोन्‍कि दि-दि मुमा अ़नुनिन्‌नि य़ङ्‌हुप य़ङायुङ्‌सा, अ़अ़त्‍पा आन्‍मिन्‍माचिआ मो मुमा च़लोक अ़चुऩङानु। खोन्‍किना मो हेवामि काचिआ आन्‍कान स़माओ अ़सिवा सिसुम।

रोमि 8:1

खोन्‌ओसा हान ख्रिस्‍त येसुएनान अ़क्‍नि कालिचिएदा दन्‍दा मात्‍द़ङ।

रोमि 8:11

येसु म़सुवादाओदाङ्‌का अ़ह़ङ कामुओ अ़चुलावा खानानिन्‌एदा म़याक्‌नालो ख्रिस्‍त येसु म़सुवादाओदाङ्‌का काह़ङ्‌लोन्‌आ खानानिन्‌एदा कायाक खोक्‍कोसोओ अ़चुलावालाम्‍पा स़दाओ आम्‍नुओ पोक्‌छाङ ह़ङ्‌म़ङ अ़प़।

रोमि 8:2

देकिनालो ख्रिस्‍त येसुदाङ्‌का ताओ ह़ङ्‌म़ङ काप़ सेङ्‌लावाओ अ़य़ङ्‌हुप्‌आ हेवा खोन्‍कि स़माओ अ़सावादाङ्‌का खानानिन ऩफोङ्‌सिन।

१ कोरिन्‍थि 15:23

मेन झाराकापाङ आ-आप्‍पिओ अ़स़वा ख्रिस्‍त झारादाङ्‌का बुया म़खोन्‍तालोन्‍ता, खोन्‍कि खोक्‍को म़लाय़हिदा खोक्‍कोसोओ अ़चुम़नाचि म़खोन्‍लोन।

१ कोरिन्‍थि 3:16

दि खानानिन निनाम्‍हाङ्‌ओ अ़चुब़क्‍खाखिम खोन्‍कि निनाम्‍हाङ्‌ओ अ़चुलावा खानानिन्‌एदा म़याक निकिना त़सिन्‍तिमिन्‌येन?

१ कोरिन्‍थि 6:17

मेन हाङ्‌पाएनान कातोङ म़ना खोक्‍कोएनान लावादा अ़क्‌तात लिचि।

१ कोरिन्‍थि 6:19

आम्‍नुओ पोक निनाम्‍हाङ्‌ओ सेङ्‌लावाओ अ़चुब़क्‍खाखिम्‌ओ निकिना दि खानानिन त़सिन्‍तिमिन्‌येन? मो सेङ्‌लावा खानानिन्‌आ निनाम्‍हाङ्‌दाङ्‌का त़तोक्‍तुम्‌युङ्‌सुम, खोन्‍कि खोक्‍को खानानिन्‌एदा म़याक। खानानिन्‌छाङ आम्‍नुओ माआङ।

२ कोरिन्‍थि 10:7

खानानिन अ़नुछ्‍याओ य़ङ्‌चि खानुम्‍च़म। साङ अ़ङ्‌का ख्रिस्‍तओ निकिना सोम्‍कुवा मुनालो खोसाआ मित्‍मादोत, देत्‍नि खो ख्रिस्‍तओ ओ, मोवात्‍नि आन्‍कान्‍काछाङ ख्रिस्‍तओङा ओ।

२ कोरिन्‍थि 6:16

सेम्‍पोक्‌एनान निनाम्‍हाङ्‌ओ अ़चुब़क्‍खाखिम देत्‍नि तोङ्‌मा? देकिनालो आन्‍कान अ़ह़ङ निनाम्‍हाङ्‌ओ अ़चुब़क्‍खाखिम ओ। निनाम्‍हाङ ओवात्‍नि म़य़ङायुङ्‌सा, “‘अ़ङ्‌का मोचिएदा याक्‍ङा, खोन्‍कि मोचिओ अ़चुरादा कोन्‍ङा, खोन्‍कि अ़ङ्‌का मोचिओ अ़चुनिनाम्‍हाङ लिङा, खोन्‍किना मोचि अ़ङ्‌म़ना म़लि।’

गलाति 4:6

खानानिन निनाम्‍हाङ्‌ओ अ़चुछाचि त़लिसिन्‌ओसा, निनाम्‍हाङ्‌आ अ़चुछाओ अ़चुलावा आन्‍साकोङ्‌वादा म़पाक्‍तापुवा, मो लावाआ “अब्‍बा, आपो!”नि य़ङ्‌सा अ़बुत।

गलाति 5:24

खोन्‍कि साङ्‌चि ख्रिस्‍त येसुओचि ओ, मोचिआ हेवामि च़माथाङ्‌मा मोसोओ अ़पोक मित्‍माचि खोन्‍कि अ़मिन्‍माचि क्रुस्‌दा अ़ख़न्‍तायुङ्‌सा।

एफिसि 1:13

खोन्‍कि खानानिन्‌आछाङ खोक्‍कोएदा अ़छ़ङ य़ङ आम्‍नुओ लेन्‍माय़ङ नुय़ङ्‌खान त़एनुम, खोन्‍कि खोक्‍कोएदा साकोङ्‌छ़ङ त़मुन। खोक्‍कोएदाङा खानानिन हिप्‍माय़ङ सेङ्‌लावाआ ऩसेप्‍तिन।

एफिसि 2:22

खोन्‍किना सेङ्‌लावादा निनाम्‍हाङ्‌ओ अ़चुयुङ्‌खा लिसि खानानिन्‌छाङ खोक्‍कोएदा अ़क्‍नि त़लिसिन्‌येन।

एफिसि 3:17

खोन्‍कि साकोङ्‌छ़ङ्‌लाम्‍पा ख्रिस्‍त आम्‍नुओ साकोङ्‌वाचिदा म़याक्‍ने, खोन्‍कि सोम्‍तुक्‍मादा आम्‍नुओ भेन पाक्‍तुओ खोन्‍कि छ़ङ युङ्‌सानुम निम्‍पाङ अ़ङ्‌का यामात्‍ङा।

फिलिप्‍पि 1:19

उवा, अ़ङ्‌का अ़ङ्‌ऩङानुयुङ! देकिनालो अ़ङ्‌का सिन्‍तुङ्‌योङ, आम्‍नुओ यामात्‍मा खोन्‍कि येसु ख्रिस्‍तओ अ़चुलावाओ अ़चुफामाआ अ़ङ्‌का फोङ्‌मा तोक्‍तुङ।

२ तिमोथि 1:14

खाना ऩपुवाओ अ़नुवाक य़ङ्‌चि आन्‍कान्‌एदा कायाक सेङ्‌लावाओ अ़सावाआ रात्‍तुयुङ्‌सु।

१ पत्रुस 1:11

ख्रिस्‍तआ दुखा आङ्‌मादोत खोन्‍कि आदेङ साया अ़तोक निकिना बुयादाङ्‌काङा ख्रिस्‍तओ अ़चुलावाआ मोचि खाङ्‌म़मेत्‍तुङुचिहिदा, देम्‍खा खोन्‍कि देत्‍नि मोवात्‍नि लि निकिना सिन्‍मा खोचि म़लामा।

१ युहन्‍ना 3:24

झारा निनाम्‍हाङ्‌ओ अ़चुलोमाय़ङ्‌चि काकाङ निनाम्‍हाङ्‌एदा म़युङ, खोन्‍कि मोचिएदा निनाम्‍हाङ म़याक। खोक्‍कोसाआ आन्‍कान म़पुवाओ सेङ्‌लावालाम्‍पाङा निनाम्‍हाङ आन्‍कान्‌एदा म़युङ्‌याङ्‌ओ य़ङ आन्‍कान सिन्‍तुम्‌योम।

१ युहन्‍ना 4:13

ओदाङ्‌काङा आन्‍कान सिन्‍तुम, आन्‍कान खोक्‍कोएदा युङिन, खोन्‍कि खोक्‍को आन्‍कान्‌एदा म़युङ। देकिनालो खोक्‍कोसाआ अ़चुओ लावा आन्‍कान म़पुवायुङ्‌सा।

१ युहन्‍ना 4:4

सोमातुक्‍नाङ्‌नानिन्‌ओ छाचि ओ, खानानिन निनाम्‍हाङ्‌दाङ्‌का ओ, खोन्‍कि सोज्‍जेओ निनाम्‍हाङ्‌य़ङ खाकालुचिएदा त़छोसिन्‌युङ्‌सिन। देकिनालो खानानिन्‌एदा कायुङ सेङ्‌लावा हेन्‍खामादाओ लावादाङ्‌का तोक्‍पो म़मुयाङ।

खाङ्‌मुमा 13:8

खोन्‍कि हेन्‍खामादा कायुङ झारा म़नाचिआ मो साक्‍स़ङ अ़ब़क। मोचिओ अ़चुऩङ हेन्‍खामा मुन्‍मा बुयादाङ्‌काङा ह़ङ्‌म़ङ्‌ओ छाप्‍लाखादा मान्‍छाप्‌युक्‍ता। मो छाप्‍लाखा म़सेराओ थुबाछाएदा याक्‌याङ।

खाङ्‌मुमा 20:15

साङ्‌कोओ अ़ऩङ ह़ङ्‌म़ङ्‌ओ छाप्‍लाखादा मान्‍छाप्‌याङ, मो लेराङाओ मिराक्‌दा वेइसादिसा।