रोमि 8:7 - बान्‍तावा राई

⁷ साङ्‌आ हेवामि मित्‍माचिदा अ़मिन्‍मा पाउ, मो निनाम्‍हाङ्‌ओ अ़चुङेङ लि। मो देम्‍खाछाङ निनाम्‍हाङ्‌ओ अ़चुय़ङ्‌हुप्‌दा अ़प़नान्‍लाप्‍नान्‍चिमिन, खोन्‍कि अ़नुछ्‍याङा लिमा अ़ऱनिन।

रोमि 8:7 ပူးပေါင်းရင်းမြစ်များ

मत्‍ति 12:34

प़ओ अ़छाचि ओ! खानानिन्‌ङा अ़अ़त्‍पा त़मुन्‌येन, अ़नुवाक य़ङ देत्‍नि चेप्‍मा त़ऱन? देकिनालो साकोङ्‌वादा म़याक्‌ओ य़ङ्‌चि म़नाओ अ़दोदाङ्‌का म़लोन।

मत्‍ति 5:19

खोन्‌ओसा साङ्‌आ ओ लोमाय़ङ्‌चिएदाओ झारादाङ्‌का अ़चुप्‍पो लोमाय़ङ ऩङाछिरु, खोन्‍कि म़नाचि मोत्‍नि च़मा चिन्‍तुचि, निनाम्‍हाङ्‌होन्‌दा मो झारादाङ्‌का अ़चुप्‍पो कान। मेन साङ मो लोमाय़ङ्‌चिवा च़, खोन्‍कि चिन्‍तुचि, मो निनाम्‍हाङ्‌होन्‌दा झारादाङ्‌का अ़धिवो कान।

युहन्‍ना 7:7

हेन्‍खामाआ खानानिन ऩङात़छिरिमिन, मेन अ़ङ्‌का ना ऩङाअ़छित्‍ङा। देकिनालो हेन्‍खामाओ काचिचि अ़अ़त्‍पा म़मुयाङ निकिना अ़ङ्‌का सालुम्‍स़ङ प़ङ।

रोमि 1:28

खोन्‍कि मोचिआ निनाम्‍हाङ लोक्‍मा अ़खान्‍तुन्‍लो अ़खाओसा निनाम्‍हाङ्‌आ मोचिओ अ़त्‍लो अ़चुमिन्‍मा खोन्‍कि खान्‌अ़त्‍लो च़माथाङ्‌मादा मोचि म़लेरुखाइसुचि।

रोमि 1:30

खोन्‍कि कासुङ, निनाम्‍हाङ ऩङाकाछित, ऱक्‍भाक, ऱफोक्‌वा खोन्‍कि तोक्‍पो कालि, अ़अ़त्‍पा काचि कामुचि, अ़चुपामाचिआ म़लोचिवा मान्‍च़कादा,

रोमि 3:31

खोन्‍नालो दि आन्‍कान ओ साकोङ्‌छ़ङ्‌लाम्‍पा य़ङ्‌हुप छित्‍मा? अ़नुछ्‍या माआङ! मेन, आन्‍कान अ़य़ङ्‌हुप्‌ओ अ़सालुम्‍स़ङ य़ङ्‌याङ्‌वा च़न्‌येन।

रोमि 5:10

आन्‍कान निनाम्‍हाङ्‌ओ अ़चुङेङ्‌चि मुन्‌येन्‌नुछाङ मेन खोक्‍कोसाआ अ़चुछाओ अ़चुस़मालाम्‍पा आन्‍कान खोक्‍कोसोओ अ़चुयावाचि म़मुवा। हान आन्‍कान निनाम्‍हाङ्‌ओ अ़चुयावाचि लिसिन्‌युङ्‌सिन्‌नालो अ़नुछ्‍याङा खोक्‍कोसोओ अ़चुछाओ अ़चुह़ङ्‌म़ङ्‌लाम्‍पा आन्‍कान म़ह़ङ।

रोमि 7:22

देकिनालो अ़ङ्‌साकोङ्‌वा हुत्‌याङ्‌का निनाम्‍हाङ्‌ओ अ़चुय़ङ्‌हुप्‌दा अ़ङ्‌ऩङानु,

रोमि 8:4

हेवामि मित्‍माचिदा काकोन माआङ, मेन सेङ्‌लावादा काकोन्‌ओ निम्‍पाङ साम्‌योक्‍मिआ दोरुओ य़ङ्‌हुप नुलोक आन्‍कान्‌एदा तालाने निकिना निनाम्‍हाङ्‌आ ओ अ़मुवा।

१ कोरिन्‍थि 2:14

मान्‍लावामि म़नाआ निनाम्‍हाङ्‌ओ अ़चुलावादाङ्‌का म़ताओ य़ङ्‌चि अ़लोउन्‍चिन। देकिनालो ओ य़ङ्‌चि मोसोओ निम्‍पाङ खामान्‍सिन मु, खोन्‍कि खोसाआ मोचि तुप्‍मा अ़ऱन्‍चिन। देकिनालो ओचि लावालाम्‍पा ओन्‍ङा तुप्‍मा ऱम्‍च़म।

१ कोरिन्‍थि 9:21

य़ङ्‌हुप्‌दा मान्‌युङ्‌कादाचि तात्‍माचि निम्‍पाङ अ़ङ्‌का य़ङ्‌हुप्‌दा मान्‌युङ्‌कादाचिवाङा लिसाङ, खोन्‍नुछाङ निनाम्‍हाङ्‌ओ अ़चुय़ङ्‌हुप्‌दाङ्‌का अ़ङ्‌का अ़फोङ्‌ऩङ्‌ऩङ। मेन अ़ङ्‌का ख्रिस्‍तओ अ़चुय़ङ्‌हुप्‌ओ अ़चुक़म्‍मादा याक्‍ङाङा।

कलस्‍सि 1:21

खाराओ ग़रिदा खानानिन निनाम्‍हाङ्‌एदाङ्‌का अ़थाया त़मुन्‌येन। खानानिन अ़त्‍लो त़मिनिन, खोन्‍कि अ़त्‍लो काचि त़मुन्‌ओसा खोक्‍कोसोओ अ़चुङेङ त़लिसिन।

कलस्‍सि 2:18

सिम्‍सिन्‍चिन्‌वा च़सा खाङ्‌कामु म़नाचि खोन्‍कि निनाम्‍हाङ काफाचि काब़क म़नाचिआ खानानिन ऩसुङ्‌तिमिन्‍ने। मोचिआ ओचिओ सेन्‍चि खाम्‌योम्‍कानि म़य़ङ, मेन ओ झारा सोज्‍जे ओ, देकिनालो मोचिओ अ़चुमिन्‍माचि हेवामि मित्‍माआ भेप्‍तुकि ऱक्‍भाक लिसायुङ्‌सा।

२ तिमोथि 3:4

काधान्‌चि, मान्‍मित्‍माङ कामु, तोक्‍पो कालि, निनाम्‍हाङ सोमातुक्‍माओ अ़फान्‌दा ऩङानुमा सोमाकातुक्‌चि,

हिब्रु 8:10

हाङ्‌पा निनाम्‍हाङ म़य़ङ्‌याङ, मो लेन अ़ङ्‌का इस्राएल्‌दाओ म़नाचिएनान ओ य़ङ्‌छ़ङ मुङ, मोचिओ अ़चुमिन्‍माचिदा अ़ङ्‌य़ङ्‌हुप युङ्‌सुङ, खोन्‍कि अ़चुओ साकोङ्‌वाचिदा मोचि छाप्‍तुङ्‌प़ङ्‌च़ङ, खोन्‍कि अ़ङ्‌का मोचिओ अ़चुनिनाम्‍हाङ लिङा, खोन्‍कि मोचि अ़ङ्‌म़नाचि म़लि।

याकुब 4:4

ताङ्‌लान कामु म़नाचि ओ, हेन्‍खामाएनान यावाकामु ना निनाम्‍हाङ्‌ओ अ़चुङेङ्‌ओनि दि खानानिन त़सिन्‍तिमिन्‌येन? खोन्‌ओसा साङ हेन्‍खामाओ अ़यावा लिमा लाम, मो निनाम्‍हाङ्‌ओ अ़चुङेङ लि।

२ पत्रुस 2:14

मोचिओ अ़चुम़क अ़धुन्‌ङा काचान्‍चा चेत्‍छामाचिएदा अ़पाक खोन्‍कि हेवा मुमादाङ्‌का देम्‍खाछाङ अ़चुसोम अ़स़निन। मोचिआ चाप्‍चिरोङ म़नाचि थालिदा म़धान्‍तुचि। मोचिओ अ़चुसाकोङ्‌वा च़क्‍ख़य़ मुमा म़चिन्‍तुयुङ्‌सुचि। मोचिएदा निनाम्‍हाङ्‌ओ अ़चुमाङ्‌हिम छुक।