रोमि 8:6 - बान्‍तावा राई

⁶ हेवामि पोक मित्‍माचिदा मिन्‍मा पाक्‍मानिओ स़मा ओ, मेन सेङ्‌लावादा मिन्‍मा पाक्‍मानिओ ह़ङ्‌म़ङ खोन्‍कि सेवाङ्‌नि ओ।

रोमि 8:6 ပူးပေါင်းရင်းမြစ်များ

युहन्‍ना 14:27

सेवाङ्‌नि अ़ङ्‌का खानानिन छित्‍नादानाप़नानिन। अ़ङ्‌को अ़ङ्‌सेवाङ्‌नि खानानिन प़नानिन। हेन्‍खामाआ प़न्‌वा अ़ङ्‌का खानानिन अ़प़नानिमिन। आम्‍नुओ साकोङ्‌वा चाअ़त्‍लो अ़लिनिन्‍ने खोन्‍कि अ़क़मा अ़कात्‍निन्‍ने।

युहन्‍ना 14:6

येसुआ अ़लासालोवा, “लाम, अ़छ़ङ खोन्‍कि ह़ङ्‌म़ङ अ़ङ्‌काङा ओ। अ़ङ्‌काएदाङ्‌का नि साङ्‌लाम्‍पाछाङ अ़ङ्‌पापाएदु खात्‍मा अ़ऱनिन।

युहन्‍ना 17:5

आपो, हेन्‍खामा मुन्‍मा बुया आन्‍काचिएदा याआङाओ आन्‍चुओ साऩङ्‌वा हान अ़ङ्‌का लानिप़नि।

रोमि 13:14

मेन हाङ्‌पा येसु ख्रिस्‍तओ अ़मात्‍ऩङ त़ङ्‌तानुम खोन्‍कि हेवामि च़माथाङ्‌माओ मित्‍माचिदा देत्‍नि सोम्‍सेत्‍मान्‍चिन्‌ओ अ़तुक्‌वादा मिन्‍मा मान्‍पाक्‍दानुम।

रोमि 14:17

देकिनालो निनाम्‍हाङ्‌ओ अ़चुहाङ्‌होन चामा खोन्‍कि दुङ्‌माओ अ़तुक्‌वा माआङ, मेन सेङ्‌लावादा, साम्‌योक्‍मि तोक्‍मायु, सेवाङ्‌नि खोन्‍कि ऩङानुमान्‍चिन्‌ओ।

रोमि 5:1

मोवात्‍नि साकोङ्‌छ़ङ्‌लाम्‍पा निनाम्‍हाङ्‌आ आन्‍कान साम्‌योक्‍मि म़काइसायुङ्‌सा। खोन्‌ओसा हान आन्‍हाङ्‌पा येसु ख्रिस्‍तलाम्‍पा निनाम्‍हाङ्‌एदा आन्‍कान सेवाङ्‌नि ह़ङिन।

रोमि 5:10

आन्‍कान निनाम्‍हाङ्‌ओ अ़चुङेङ्‌चि मुन्‌येन्‌नुछाङ मेन खोक्‍कोसाआ अ़चुछाओ अ़चुस़मालाम्‍पा आन्‍कान खोक्‍कोसोओ अ़चुयावाचि म़मुवा। हान आन्‍कान निनाम्‍हाङ्‌ओ अ़चुयावाचि लिसिन्‌युङ्‌सिन्‌नालो अ़नुछ्‍याङा खोक्‍कोसोओ अ़चुछाओ अ़चुह़ङ्‌म़ङ्‌लाम्‍पा आन्‍कान म़ह़ङ।

रोमि 6:21

मोन्‍ग़रि त़मुम्‌ओ य़ङ्‌चिदा आइमित आम्‍नुओ लेजो कात, मो य़ङ्‌चिदाङ्‌का खानानिन्‌आ दि त़तोक्‍तुम? मोसोओ अ़सिवा स़मा ओ।

रोमि 6:23

देकिनालो हेवाओ अ़लुङ स़मा ओ, मेन निनाम्‍हाङ्‌आ मोहा प़माय़ङ्‌ओ अ़चुआसिखा ख्रिस्‍त येसु आन्‍हाङ्‌पाएदा अ़लुक्‍निन्‌ओ ह़ङ्‌म़ङ ओ।

रोमि 7:11

देकिनालो हेवाआ लोमाय़ङ्‌लाम्‍पा अ़वाखाम तोक्‍तुकि अ़ङ्‌का अ़म़प्‍ताङ, खोन्‍कि मो लोमाय़ङ्‌लाम्‍पा अ़ङ्‌का अ़सेराङ।

रोमि 7:5

आन्‍कान हेवाओ अ़क़म्‍मादा ह़ङिन्‌येन्‌हिदा हेवा मित्‍माचिआ आन्‍पोक्‌चिदा काचि मुङु, खोन्‍कि दि-दि मुमा अ़नुनिन्‌नि य़ङ्‌हुप य़ङायुङ्‌सा, अ़अ़त्‍पा आन्‍मिन्‍माचिआ मो मुमा च़लोक अ़चुऩङानु। खोन्‍किना मो हेवामि काचिआ आन्‍कान स़माओ अ़सिवा सिसुम।

रोमि 8:13

देकिनालो हेवामि मित्‍मावात्‍नि त़ह़ङिन्‌नालो खानानिन त़स़न, मेन सेङ्‌लावालाम्‍पा पोक्‌ओ हेवामि काचिचि त़लुक्‍तुम्‍च़म्‌नालो खानानिन त़ह़ङिन।

रोमि 8:27

खोन्‍कि म़नाचिओ अ़चुसाकोङ्‌वा काखाङ निनाम्‍हाङ्‌आ सेङ्‌लावाओ अ़चुमिन्‍मा दि ओ, मो अ़सिन, देकिनालो निनाम्‍हाङ्‌ओ अ़चुमित्‍चिऩङ्‌वात्‍नि सेङ्‌लावाआ निनाम्‍हाङ्‌ओ अ़चुम़नाचिओ निम्‍पाङ याम़मात।

रोमि 8:7

साङ्‌आ हेवामि मित्‍माचिदा अ़मिन्‍मा पाउ, मो निनाम्‍हाङ्‌ओ अ़चुङेङ लि। मो देम्‍खाछाङ निनाम्‍हाङ्‌ओ अ़चुय़ङ्‌हुप्‌दा अ़प़नान्‍लाप्‍नान्‍चिमिन, खोन्‍कि अ़नुछ्‍याङा लिमा अ़ऱनिन।

गलाति 5:22

मेन सेङ्‌लावाओ अ़चुसिवा सोम्‍तुक्‍मा, मिन्‍माचानुमा, सेवाङ्‌नि, हुङ्‌मा, सोम्‍तुक्‍मा खाङ्‌मुमा, नुलोक मुमायु, सोम्‍कुवामुमायु,

गलाति 6:8

साङ्‌आ अ़हेवामि च़माथाङ्‌मा अ़ऩङानुमाओ निम्‍पाङ लित्‍तु, मोसाआ अ़हेवामि च़माथाङ्‌मादाङ्‌काङा लुक्‍माखात्‍माओ अ़सिवा कोउ। मेन साङ्‌आ सेङ्‌लावाओ निम्‍पाङ लित्‍तु, मोसाआ सेङ्‌लावालाम्‍पाङा अ़लुक्‍निन्‌ओ ह़ङ्‌म़ङ कोउ।