रोमि 8:4 - बान्‍तावा राई

⁴ हेवामि मित्‍माचिदा काकोन माआङ, मेन सेङ्‌लावादा काकोन्‌ओ निम्‍पाङ साम्‌योक्‍मिआ दोरुओ य़ङ्‌हुप नुलोक आन्‍कान्‌एदा तालाने निकिना निनाम्‍हाङ्‌आ ओ अ़मुवा।

रोमि 8:4 ပူးပေါင်းရင်းမြစ်များ

लुका 1:6

मोचि ह़वाङ्‌साआ निनाम्‍हाङ्‌ओ अ़चुमिन्‍मावात्‍नि अ़नुवाक ह़ङ्‌म़ङ ह़ङाङाचि। निनाम्‍हाङ्‌ओ झारा लोमाय़ङ्‌चि खोन्‍कि य़ङ्‌हुप्‌चि खोचिआ मान्‍धान्‍केमाङ अ़मुवाचुचि।

रोमि 2:26

मोवात्‍नि अ़चुपोक्‌दा सिप्‍मायाम्‍बुन मान्‍मुदाकाचि य़ङ्‌हुप य़ङ्‌याङ्‌वात्‍नि म़च़नालो मोचि सिप्‍मायाम्‍बुन पाक्‍तिन्‌वात्‍नि म़लि।

रोमि 3:31

खोन्‍नालो दि आन्‍कान ओ साकोङ्‌छ़ङ्‌लाम्‍पा य़ङ्‌हुप छित्‍मा? अ़नुछ्‍या माआङ! मेन, आन्‍कान अ़य़ङ्‌हुप्‌ओ अ़सालुम्‍स़ङ य़ङ्‌याङ्‌वा च़न्‌येन।

२ कोरिन्‍थि 10:2

खानानिन्‌एदा अ़ङ्‌का ताङाहिदा आन्‍कान्‍का हेन्‍खामादाओ च़माथाङ्‌माआ काचि मुन्‍कानि काय़ङ्‌चिएदा अ़ङ्‌का छाक्‍लो लिमा मित्‍चिऩङ मुङा। अ़ङ्‌का खानानिन लोनानिन, अ़ङ्‌का ताङाहिदा मोवात्‍नि खानानिन चात्‍लो रेन्‍मा अ़दोत्‍निन्‍ने।

२ कोरिन्‍थि 10:3

आन्‍कान्‍का हेन्‍खामादा युङिन्‌येन्‍का, मेन हेन्‍खामादाओवा ङेन अ़मुन्‍मिन्‍का।

गलाति 5:16

मेन अ़ङ्‌का य़ङ्‌ङा, सेङ्‌लावालाम्‍पा कोलानिन, खोन्‍कि पोक्‌ओ हेवामि च़माथाङ्‌माओ मिन्‍माचि त़तासिन्‍लान्‍मिन्‍चिन।

कलस्‍सि 1:22

मेन खोक्‍कोसोओ अ़चुछाओ अ़चुपोक्‌ओ हेन्‍खोक्‌वालाम्‍पा निनाम्‍हाङ्‌ओ अ़चुयावा ऩमुन्‌युङ्‌सिन। खोन्‌ओसा ख्रिस्‍तआ खानानिन निनाम्‍हाङ्‌ओ अ़चुबुदा ऩतारिन्‌हिदा सेङ्‌लो, थुपि मात्‍द़ङ्‌ओ खोन्‍कि मान्‍फिकादा त़लिसिन्‍ने।

हिब्रु 12:23

खानानिन बुया म़लिसाओचिओ निनाम्‍मादुओ अ़चुयायोक्‍खादा त़तान्‌युङ्‌सिन। मोचिओ अ़चुऩङ निनाम्‍मादु छाप्‍तायुङ्‌सा। मोचि अ़च़क़ल़क मुमाय़ङ साम्‌योक्‍मि म़नाचिओ अ़चुलावा ओ। खानानिन झारा म़नाचि छ़ङ्‌काछेन निनाम्‍हाङ्‌एदा त़तान्‌युङ्‌सिन।

१ युहन्‍ना 3:2

सोमातुक्‍नाङ्‌नानिन्‌ओ यावाचि ओ, ओन्‍ग़रि आन्‍कान निनाम्‍हाङ्‌ओ अ़चुछाचि ओ, खोन्‍कि आन्‍कान माय़ङ देलिसिन ओ, मो ओन्‍ग़रितारि मान्‍सिन्‌युक्‍तुम। मेन आन्‍कान सिन्‍तुम्‌योम, ख्रिस्‍त खाङ्‌म़मुनान्‍चिन्‌ओ ग़रि आन्‍कान्‌छाङ खोक्‍कोवाकोङा लिसिन, देकिनालो खोक्‍को देत्‍नि म़कात्‌याङ, आन्‍कान मोवात्‍निङा खोक्‍को खाम।

यहुदा 1:24

निनाम्‍हाङ्‌आ खानानिन धाम्‍मादाङ्‌का लेन्‍मा ऩऱन, खोन्‍कि खोक्‍कोसोओ अ़चुसाम्‍स़रि थुपिमात्‍द़ङ्‌ओ तोक्‍पो ऩङानुमाएनान अ़चुबुदा एप्‍ऩमेत्‍तिन।

खाङ्‌मुमा 14:5

ओ म़नाचिओ अ़चुदोदाङ्‌का देम्‍खाछाङ सोज्‍जेओ य़ङ मान्‍धित, मोचि थुपि मात्‍द़ङ्‌ओचि म़मुवाङा।