रोमि 8:30 - बान्‍तावा राई

³⁰ साङ-साङ खोक्‍कोसाआ बुयाङा म़छेन्‍तुचि, मोचि खोक्‍कोसाआ म़बुत्‍तुचिछाङ। खोन्‍कि साङ्‌चि खोक्‍कोसाआ म़बुत्‍तुचि, मोचि खोक्‍कोसाआ साम्‌योक्‍मिछाङ म़काइसुचि, खोन्‍कि साङ-साङ साम्‌योक्‍मि म़काइसुचि, मोचि खोक्‍कोसाआ साम्‍स़रिओछाङ म़मुचि।

रोमि 8:30 ပူးပေါင်းရင်းမြစ်များ

युहन्‍ना 17:22

खाक्‍को साऩङ्‌वा खानानिन्‌आ अ़ङ्‌का त़प़नि, अ़ङ्‌का मोचि प़ङ्‌च़ङ, मोवात्‍नि आन्‍काचि अ़क्‌तात मुचिङ्‌चिवा मोचिछाङ अ़क्‌तात म़लिने।

युहन्‍ना 17:24

आपो, अ़ङ्‌का मिन्‍ङाङा, खानानिन्‌आ अ़ङ्‌का त़प़निओचि अ़ङ्‌का खादा युङ्‌ङा, अ़ङ्‌काएनान म़युङ्‌ने, खोन्‍कि अ़ङ्‌साऩङ्‌वा अ़खाङ्‌ने, मो साऩङ्‌वा, हेन्‍खामा मुन्‍मा बुयाङा अ़ङ्‌का सोमात़तुक्‍निओसा खानानिन्‌आ अ़ङ्‌का त़प़निओ।

युहन्‍ना 5:24

अ़नुछ्‍याङा अ़ङ्‌का खानानिन लोनानिन, साङ्‌आ अ़ङ्‌य़ङ एनु खोन्‍कि अ़ङ्‌का काछुत साकोङ्‌छ़ङ मु, मोएदा अ़लुक्‍निन्‌ओ ह़ङ्‌म़ङ याक्‌याङ। मो लाहि अ़पाक्‍निन, मेन मो स़मादामादाङ्‌का ह़ङ्‌म़ङ्‌दा वाङायुङ्‌सा।

रोमि 1:6

खानानिन्‌छाङ म़नाचिओ अ़चुरादाङ्‌का येसु ख्रिस्‍तओ लिसि ऩबुत्‍तिन्‌युङ्‌सिन।

रोमि 11:29

देकिनालो निनाम्‍हाङ्‌ओ अ़चुआसिखा खोन्‍कि अ़चुबुत्‍माय़ङ देम्‍खाछाङ अ़फान्‍निन।

रोमि 8:1

खोन्‌ओसा हान ख्रिस्‍त येसुएनान अ़क्‍नि कालिचिएदा दन्‍दा मात्‍द़ङ।

रोमि 8:21

हान झारा मुन्‍माय़ङ्‌आ राक्‍स़रि खोन्‍कि निनाम्‍हाङ्‌ओ अ़चुछाचिएनान अ़क्‍नि साया तोक्‍माओ लेन अ़हुङ्‌याङ। मोन्‍ग़रि मोचि अ़चुलुक्‍मा खोन्‍कि अ़चुस़मादाङ्‌का म़फोङ्‌लोन।

रोमि 8:28

आन्‍कान सिन्‍तुम्‌योम, खोक्‍को सोमाकातुक्‌चि खोन्‍कि खोक्‍कोसोओ अ़चुमित्‍चिऩङ्‌वात्‍नि म़बुत्‍तुचिओचिओ निम्‍पाङ झारा य़ङ्‌चिदा निनाम्‍हाङ्‌आ नुलोक म़मुचि।

१ कोरिन्‍थि 1:2

अ़ङ्‌का ओ छाप्‍लावा खानानिन कोरिन्‍थ सहरादा कायुङ निनाम्‍हाङ्‌ओ अ़चुसाम्‍भुङ्‌चिदा छाप्‍नाङ्‌नानिन। खानानिन निनाम्‍हाङ्‌आ अ़चुओ म़सेङ्‌याङ्‌ओ म़नाचि लिसि ऩबुत्‍तिन। हाङ्‌पा येसु ख्रिस्‍तओ अ़चुऩङ काबुत झारादात्‍निओ म़नाचि खोक्‍कोसाआ म़सेङ्‌सुचिओवात्‍नि खानानिन्‌छाङ ख्रिस्‍त येसुलाम्‍पा सेङ्‌लो ऩमुन्‌युङ्‌सिन। येसुङा मोचिओ खोन्‍कि आन्‍हाङ्‌पा म़युङ्‌याङ।

१ कोरिन्‍थि 1:9

निनाम्‍हाङ साकोङ्‌छ़ङ मुमा खान्‍तुओ म़मुयाङ। खोक्‍कोसोओ अ़चुछा आन्‍हाङ्‌पा येसु ख्रिस्‍तएनान यावायोक मुसि खोक्‍कोसाआ खानानिन ऩबुत्‍तिन।

१ कोरिन्‍थि 2:7

मेन आन्‍कान्‍का निनाम्‍हाङ्‌ओ अ़चुसुकुलादाओ खोन्‍कि कुम्‌याङ्‍ओ अ़चुखारुदा खालुसुम्‌योम्‍का। मो आराङ्‌राङ बुया आन्‍ऩङ्‌लोङ्‌माओ निम्‍पाङ निनाम्‍हाङ्‌आ अ़छ़ङ म़मेत्‍तापुवा।

१ कोरिन्‍थि 6:11

खा-खाक्‍को खानानिन्‌छाङ ओवाकोङा त़मुन्‌येन। मेन खानानिन वाऩस़न्‌युङ्‌सिन, खानानिन त़सेङिन्‌युङ्‌सिन, हाङ्‌पा येसु ख्रिस्‍तओ अ़चुऩङ्‌दा खोन्‍कि आन्‍निनाम्‍हाङ्‌ओ अ़चुलावालाम्‍पा खानानिन निनाम्‍हाङ्‌ओ अ़चुबुदा साम्‌योक्‍मि ऩकाइसिन्‌युङ्‌सिन।

२ कोरिन्‍थि 4:17

देकिनालो आन्‍काओ अ़क्‍दुओ खोन्‍कि अ़चुप्‍पो अ़चाअ़त्‍माआ आन्‍काओ निम्‍पाङ तोङ्‌माखाङ्‌का अ़ऱन्‍मिन्‌ओ खोन्‍कि अ़धुन्‌ओ तोक्‍पो ऩङ्‌लोङ्‌मा चुम्‍सुयुङ्‌सुङु।

गलाति 1:15

मेन अ़ङ्‌लिमा बुयाङा अ़ङ्‌का काछेन, खोन्‍कि अ़चुओ सोमातुक्‍मालाम्‍पा काबुत निनाम्‍हाङ,

गलाति 1:6

अ़ङ्‌का अ़दोम्‍ताङ्‌दाङ, ख्रिस्‍तओ अ़चुसोम्‍तुक्‍मादा खानानिन काबुत ओन च़क्‍नि त़छिरुम्‌कि नि य़ङ्‌खान्‌चिह्‍यात्‍नि खानानिन त़वाङिन्‌येन।

गलाति 5:8

नुछयाङा निनाम्‍हाङ्‌आ ना माआङ, देकिनालो खोक्‍कोसाआङा छुम्‍माय़ङ्‌दाङ्‌का खानानिन ऩबुत्‍तिन्‌ओ।

एफिसि 1:11

खोक्‍कोसोओ अ़चुमित्‍चिऩङ्‌वा झारा य़ङ्‌चि खोक्‍कोसोओ अ़चुमिन्‍माओ यायोक्‌वा म़तासुलाचि।

एफिसि 1:5

निनाम्‍हाङ्‌ओ अ़चुमिन्‍माओ मित्‍चिऩङ्‌वात्‍नि खोक्‍कोसाआ आन्‍कान ख्रिस्‍त येसुलाम्‍पा आन्‍कान अ़चुछाचि लिमा निम्‍पाङ बुयाङा अ़छ़ङ अ़मुवा।

एफिसि 2:6

खोन्‍कि खोक्‍कोएनान आन्‍कान म़खोन्‍तालोइसाकि निनाम्‍मादुओ युङ्‌खाचिदा येसु ख्रिस्‍तएनान आन्‍कान म़युङ्‌सा।

एफिसि 3:11

ओ येसु ख्रिस्‍त आन्‍हाङ्‌पाएदा खोक्‍कोसाआ अ़तासालाओ अ़धुन्‌ओ अ़चुमित्‍चिऩङ्‌वा मुवाङा।

एफिसि 4:4

पोक अ़क्‌तात्‌ङा ओ, खोन्‍कि सेङ्‌लावाछाङ अ़क्‌तात्‌ङा म़मुयाङ, मोवात्‍निङा खानानिन ऩबुत्‍तिन्‌हिदा अ़क्‌तात तामामिन्‍मादा ऩबुत्‍तिन्‌ओ।

कलस्‍सि 3:4

ख्रिस्‍तआ आम्‍नुओ ह़ङ्‌म़ङ खानानिन ऩप़न। खोन्‍कि खोक्‍को खाङ्‌म़मुनान्‍चिन्‌हिदा खानानिन्‌छाङ खोक्‍कोएनान सायादा खाङ्‌त़मुसिन्‍चिन।

१ थेसलोनिकि 2:12

आन्‍कान्‍का खानानिन निनाम्‍हाङ्‌ओ अ़चुऩङानुओ ह़ङ्‌म़ङ ह़ङानिन निम्‍पाङ यायोक प़नि खोन्‍कि राक प़ निकिना लोनि। खोक्‍कोसाआ खानानिन खोक्‍कोसोओ अ़चुसाम्‍स़रिओ अ़चुहाङ्‌होन्‌दा ऩबुत्‍तिन।

२ तिमोथि 2:11

ओ य़ङ्‌मा सोम्‍कुवा मुमा खान्‍तुओ मुयाङ, आन्‍कान खोक्‍कोएनान स़न्‌युङ्‌सिन्‌नालो आन्‍कान्‌छाङ खोक्‍कोएनान ह़ङिन।

हिब्रु 9:15

खोन्‌ओसा खोक्‍को निनाम्‍हाङ खोन्‍कि म़नाओ अ़चुरादाओ अ़ऩङ्‌वा य़ङ्‌छ़ङ कातुम म़मुयाङ। मोवात्‍नि म़बुत्‍तुचिओचिआ निनाम्‍हाङ्‌आ म़हिप्‍तुचिओ अ़धुन्‌ओ आसिखाचि तोक्‍मा अ़ऱ। देकिनालो बुयाओ य़ङ्‌छ़ङ्‌दा मोचिआ अ़फिसाओ हेवाओ दन्‍दादाङ्‌का फोङ्‌सि येसु म़सुवाचिआयुङ्‌सा।

१ पत्रुस 2:9

मेन खानानिन छेन्‍माय़ङ रावा ओ, हाङ्‌ओ अ़चुकाब़क्‍पाचि, त़सेङिन्‌येन्‌ओ म़नाचि, निनाम्‍हाङ्‌ओ आप्‍पिओ अ़चुम़नाचि ओ। खोक्‍कोसाआ खानानिन कुन्‌यामादाङ्‌का म़दोम्‍दाओ साम्‌दा ऩबुत्‍तिन, खोन्‌ओसा खोक्‍कोसोओ म़दोम्‍दाओ अ़चुकाचिचि खानानिन्‌आ खात़लुसुम्‍ने।

१ पत्रुस 3:9

अ़त्‍लोओ अ़फान्‌दा अ़त्‍लो मान्‍च़दानिन, माङ्‌लो रुफोक्‍माओ अ़फान्‌दा रुमान्‍फोक्‍दानिन, मेन मोसोओ अ़फान्‌दा आसिखा पुवानुम्‍च़म। देकिनालो ओसोओ निम्‍पाङ निनाम्‍हाङ्‌आ खानानिन ऩबुत्‍तिन्‌ओ, खोन्‌ओसा आसिखा तोक्‍तानुम।

१ पत्रुस 5:10

झारा सोमाकातुक निनाम्‍हाङ्‌आ ख्रिस्‍तदा अ़धुन अ़चुऩङ्‌चोन्‍माओ निम्‍पाङ खानानिन ऩबुत्‍तिन्‌युङ्‌सिन। खानानिन्‌आ अ़क्‍चित्‌तारि दुखा त़आङ्‌तुम्‍चिउम्‌कि खोक्‍कोसाआ खानानिन अ़ऩङ्‌वा ऩलासिन्‍मुन, ऩतोङ्‌सिन, सावापोरिओ ऩमुन, खोन्‍कि ऩतुङ्‌निन्‌ओ छ़ङ्‌दा खानानिन ऩयुङ्‌सिन।

२ पत्रुस 1:10

खोन्‌ओसा, ब़ब़, नाना खोन्‍कि निछाचि ओ, खानानिन बुत्‍माय़ङ खोन्‍कि छेन्‍माय़ङ अ़छ़ङ मुमाओ निम्‍पाङ च़लोक राक मुवानिन, देकिनालो खानानिन मोवात्‍नि त़च़न्‌नालो खानानिन देम्‍खाछाङ त़धाम्‍सिमिन।

खाङ्‌मुमा 17:14

मोचि थुबाछाओ अ़चुदेङ्‌सालाप्‍पादा ङेन म़मु, मेन थुबाछाआ मोचि हाराम़चात्‍तुचि, देकिनालो खोक्‍को हाङ्‌पाचिओ अ़चुहाङ्‌पा खोन्‍कि हाङ्‌चिओ अ़चुहाङ म़मुयाङ। साङ्‌चिआ थुबाछा अ़त़ङ मोचि खोक्‍कोसाआ म़बुत्‍तुचिओचिओ खोन्‍कि म़छेन्‍तुचिओचिओ खोन्‍कि सोम्‍कुवा कामुचिओचि ओ।”

खाङ्‌मुमा 19:9

खोन्‍किना मो निनाम्‍हाङ काफाआ अ़ङ्‌का अ़लोवाङ, “ओ छाप्‍तु, थुबाछाओ अ़चुसायाकाम्‍खाओ खाबाचादा बुत्‍माय़ङ्‌चि निनाम्‍हाङ्‌आ झारा आसिखा म़प़चि।” निनाम्‍हाङ काफाआ अ़लासाङ्‌लोवाङ, “निनाम्‍हाङ म़य़ङाओ ओ य़ङ्‌चि अ़छ़ङ ओ।”