रोमि 8:2 - बान्‍तावा राई

² देकिनालो ख्रिस्‍त येसुदाङ्‌का ताओ ह़ङ्‌म़ङ काप़ सेङ्‌लावाओ अ़य़ङ्‌हुप्‌आ हेवा खोन्‍कि स़माओ अ़सावादाङ्‌का खानानिन ऩफोङ्‌सिन।

रोमि 8:2 ပူးပေါင်းရင်းမြစ်များ

युहन्‍ना 4:10

येसुआ मो लासुलो, “खाना निनाम्‍हाङ्‌ओ अ़चुआसिखा खोन्‍कि खानाएदा चाक्‌वा कादोत म़ना साङ्‍ओ निकिना त़सिन्‍तुओदे खाना खोक्‍को त़दोत्‍तुओ खोन्‍कि खोक्‍कोसाआ खाना ह़ङ्‌म़ङ्‌ओ चाक्‌वा त़पुवाओ।”

युहन्‍ना 4:14

मेन साङ्‌आ अ़ङ्‌का प़ङ्‍ओ चाक्‌वा दुङु, मो देम्‍खाछाङ वामित्‍मा अ़स़निन। खाक्‍को चाक्‌वा अ़ङ्‌का मो प़ङ, मो मोएदा अ़लुक्‍निन्‌ओ ह़ङ्‌म़ङ्‌ओ निम्‍पाङ लोन्‌याङ्‍ओ बोन्‌वा लि!”

युहन्‍ना 6:63

ह़ङ्‌म़ङ काप़ लावाङा ओ! मेन पोक्‌आ दित्‍छाङ ओवाको काचि मुमा अ़ऱन। खाक्‍को य़ङ अ़ङ्‌का खानानिन्‌एदा चेउङ, मो निनाम्‍हाङ लावादाङ्‌का ओ, खोन्‍कि मो य़ङ्‌आ अ़धुन्‌ओ ह़ङ्‌म़ङ प़।

युहन्‍ना 8:32

खोन्‍किना खानानिन्‌आ अ़छ़ङ त़सिन्‍तुम, खोन्‍कि अ़छ़ङ्‌आ खानानिन त़फोङ्‌सिन।”

युहन्‍ना 8:36

खोन्‌ओसा अ़चुछाआ खानानिन ऩफोङ्‌सिन्‌नालो खानानिन अ़नुछ्‍या त़फोङ्‌सिन।

रोमि 16:3

प्रिस्‍का खोन्‍कि अकिलास ख्रिस्‍त येसुदा अ़क्‍नि काचि कामु अ़ङ्‌यावाचि सेवानि लोत्‍निप़नि।

रोमि 3:27

खोन्‍नालो दिसोओ अ़तुक्‌वादा ऱक्‍भाक मुमा? ऱक्‍भाक मुमायु दित्‍छाङ मात्‍द़ङ! दि आन्‍कान य़ङ्‌हुप्‌वा च़न्‌ओसा ओ? माआङ! मेन ओ ना साकोङ्‌छ़ङ्‌ओ अ़तुक्‌वाआ ओ।

रोमि 5:21

खोन्‌ओसा देत्‍नि हेवाआ स़मादा हाङ मुवा, मोवात्‍निङा येसु ख्रिस्‍त आन्‍हाङ्‌पालाम्‍पा सोमातुक्‍माआछाङ हाङ मुकिना साम्‌योक्‍मिलाम्‍पा अ़लुक्‍निन्‌ओ ह़ङ्‌म़ङ्‌दा म़तित।

रोमि 6:14

हेवा खानानिन्‌एदा हाङ अ़मुनिन, देकिनालो खानानिन य़ङ्‌हुप्‌ओ अ़क़म्‍मादा त़याइमिन्‌येन, मेन सोम्‍तुक्‍माओ अ़क़म्‍मादा त़याइन्‌येन।

रोमि 6:18

खानानिन हेवादाङ्‌का त़फोङ्‌सिन्‌युङ्‌सिन खोन्‍कि साम्‌योक्‍मिओ अ़हारुक त़लिसिन्‌युङ्‌सिन।

रोमि 6:22

मेन हान आम्‍नुओ हेवादाङ्‌का त़फोङ्‌सिन्‌किना निनाम्‍हाङ्‌ओ अ़चुहारुक त़लिसिन्‌युङ्‌सिन। खोन्‍कि खानानिन्‌आ त़तोक्‍तुम्‌ओ काचि सिवाआ सेङ्‌माय़ङ्‌दा त़तित्‍तिन। ओसोओ अ़सिवा अ़लुक्‍निन्‌ओ ह़ङ्‌म़ङ ओ।

रोमि 7:21

ओवात्‍नि ओ अ़छ़ङ य़ङ्‌आ काचि मुङुओ अ़ङ्‌का धिरुङ। खाउग़रि अ़ङ्‌का नुलोक च़मा स़ङा, मोन्‍ग़रि अ़अ़त्‍पा अ़ङ्‌च़क्‌दा युङ।

रोमि 7:23

मेन अ़ङ्‌पोक्‍फुत्‌चिदा नितात य़ङ्‌हुप्‌आ अ़ङ्‌मिन्‍मादा याक्‌याङ्‍ओ निनाम्‍हाङ्‌ओ अ़चुय़ङ्‌हुप्‌ओ अ़देङ्‌सालाप्‍पादा ङेङ मु। खोन्‍कि अ़ङ्‌पोक्‍फुत्‌चिदा याक्‌याङ्‍ओ हेवाओ अ़य़ङ्‌हुप्‌आ अ़ङ्‌का अ़छुम्‍ङा।

रोमि 7:4

खोन्‌ओसा अ़ङ्‍ब़ब़, नाना खोन्‍कि निछाचि ओ, खानानिन्‌छाङ ख्रिस्‍तओ अ़चुपोक्‌ओ अ़फुत्‌ओसा य़ङ्‌हुप्‌एदा त़स़न्‌युङ्‌सिन। खोन्‍कि ओन्‍ग़रि खानानिन म़सुवादाओदाङ्‌का म़खोन्‍तालोन्‍ताओ ख्रिस्‍तएनान अ़क्‌तात त़लिसिन्‌युङ्‌सिन। मोवात्‍निओसा, आन्‍कान निनाम्‍हाङ्‌ओ निम्‍पाङ अ़नुवाक काचिओ अ़सिवा सिमा ऱम।

रोमि 8:1

खोन्‌ओसा हान ख्रिस्‍त येसुएनान अ़क्‍नि कालिचिएदा दन्‍दा मात्‍द़ङ।

१ कोरिन्‍थि 15:45

खोन्‌ओसा ओवात्‍नि छाप्‌याङ: “बुयाओ म़ना आदम अ़ह़ङ म़ना लिसा।” आदेङ्‌ओ आदम ह़ङ्‌म़ङ काप़ लावा म़लिसा।

२ कोरिन्‍थि 3:17

हान हाङ्‌पा लावा म़मुयाङ, खोन्‍कि खादा निनाम्‍हाङ्‌ओ अ़चुलावा म़युङ्‌याङ, मोदा हाङ्‌पाओ अ़चुलावाआ आन्‍कान म़फोङ।

२ कोरिन्‍थि 3:6

अ़ऩङ्‌वा हिप्‍माय़ङ्‌दा खोक्‍कोसाआ आन्‍कान्‍का काचि मुमा काऱ काब़त्‌वा ऩमुन्‌युङ्‌सिन्‍का। छाप्‍माय़ङ य़ङ्‌हुप्‌आ माआङ, मेन सेङ्‌लावादा। देकिनालो छाप्‍माय़ङ य़ङ्‌हुप्‌आ ना म़सेत, मेन सेङ्‌लावाआ ह़ङ्‌म़ङ म़प़।

गलाति 2:19

निनाम्‍हाङ्‌ओ निम्‍पाङ अ़ङ्‌का ह़ङ्‌मा ऱङाने निकिना य़ङ्‌हुप्‌ओ अ़तुक्‌वादा, अ़ङ्‌का य़ङ्‌हुप छिरुङ्‌चिउङ।

गलाति 5:1

ख्रिस्‍तआ आन्‍कान म़फोङ्‌साओ। खोन्‌ओसा खानानिन नुलोक एवानिन, खोन्‍कि देम्‍खाछाङ हारुक्‌ओ कोम्‌दा मान्‍लानाप्‌दानिन्‍चिन।

गलाति 6:2

अ़क्‍छा निएदा पाङ खुन्‍मा फामुवानिन, खोन्‍कि ओवात्‍नि ख्रिस्‍तओ अ़चुलोमाय़ङ तासालानुम।

याकुब 1:25

मेन साङ्‌आ काफोङ ब़द्‍धे अ़नुवाक य़ङ्‌हुप नुलोक खाकि मो मुयुङ्‌सु, खोन्‍किना एनुओ य़ङ अ़मान्‍तुन्‍खाइसुन्‌किना काचि मु, मेन काचि मुनालो खोसाआ मुओ अ़काचिदा आसिखा तोक्‍तु।

खाङ्‌मुमा 11:11

मेन सुम्‌कालेन अ़क्‍धाङ्‌कि निनाम्‍हाङ्‌एदाङ्‌का ताओ ह़ङ्‌म़ङ्‌ओ साक्‍मा मोचिएदा वाङा, खोन्‍कि मोचि अ़चुलाङ्‌दा एवाचि। मो अ़खाकि झारा म़नाचिओ ब़द्‍धे अ़चुक़माकारा।

खाङ्‌मुमा 22:1

खोन्‍किना निनाम्‍हाङ काफाआ अ़ङ्‌का फत्‍किरिवाको छोक्‍छोक्‍छोक्‌वाओ ह़ङ्‌म़ङ काप़ चाक्‌वाओ याङ्‌वामा खाङ्‌अ़मेत्‍ताङ। मो याङ्‌वामा निनाम्‍हाङ्‌ओ खोन्‍कि थुबाछाओ हाङ्‌युङ्‌खादाङ्‌का लोन्‍ताकि