रोमि 8:13 - बान्‍तावा राई

¹³ देकिनालो हेवामि मित्‍मावात्‍नि त़ह़ङिन्‌नालो खानानिन त़स़न, मेन सेङ्‌लावालाम्‍पा पोक्‌ओ हेवामि काचिचि त़लुक्‍तुम्‍च़म्‌नालो खानानिन त़ह़ङिन।

रोमि 8:13 ပူးပေါင်းရင်းမြစ်များ

रोमि 6:21

मोन्‍ग़रि त़मुम्‌ओ य़ङ्‌चिदा आइमित आम्‍नुओ लेजो कात, मो य़ङ्‌चिदाङ्‌का खानानिन्‌आ दि त़तोक्‍तुम? मोसोओ अ़सिवा स़मा ओ।

रोमि 6:23

देकिनालो हेवाओ अ़लुङ स़मा ओ, मेन निनाम्‍हाङ्‌आ मोहा प़माय़ङ्‌ओ अ़चुआसिखा ख्रिस्‍त येसु आन्‍हाङ्‌पाएदा अ़लुक्‍निन्‌ओ ह़ङ्‌म़ङ ओ।

रोमि 7:5

आन्‍कान हेवाओ अ़क़म्‍मादा ह़ङिन्‌येन्‌हिदा हेवा मित्‍माचिआ आन्‍पोक्‌चिदा काचि मुङु, खोन्‍कि दि-दि मुमा अ़नुनिन्‌नि य़ङ्‌हुप य़ङायुङ्‌सा, अ़अ़त्‍पा आन्‍मिन्‍माचिआ मो मुमा च़लोक अ़चुऩङानु। खोन्‍किना मो हेवामि काचिआ आन्‍कान स़माओ अ़सिवा सिसुम।

रोमि 8:12

खोन्‌ओसा ब़ब़, नाना खोन्‍कि निछाचि ओ, आन्‍कान मुमादोत्‌ओ काचि ना ब़द्‍धे युङ्‌याङ, मेन आन्‍कान हेवाओ काचि मुमादा राकाङ्‌थेत्‍नि मात्‍द़ङ।

१ कोरिन्‍थि 9:27

मेन अ़ङ्‌याम चाअ़त्‍लो क़म्‍तुङ खोन्‍कि ओ अ़ङ्‌हारुक मुङ। खोन्‌ओसा निचि नुय़ङ्‌खान खाएत्‍तुङ्‌च़ङ्‌नुछाङ अ़ङ्‌का आप्‍पि सिरिफाओ निम्‍पाङ अ़खान्‍ऩङ्‌लो अ़लिऩङ्‌ने।

गलाति 5:24

खोन्‍कि साङ्‌चि ख्रिस्‍त येसुओचि ओ, मोचिआ हेवामि च़माथाङ्‌मा मोसोओ अ़पोक मित्‍माचि खोन्‍कि अ़मिन्‍माचि क्रुस्‌दा अ़ख़न्‍तायुङ्‌सा।

गलाति 6:8

साङ्‌आ अ़हेवामि च़माथाङ्‌मा अ़ऩङानुमाओ निम्‍पाङ लित्‍तु, मोसाआ अ़हेवामि च़माथाङ्‌मादाङ्‌काङा लुक्‍माखात्‍माओ अ़सिवा कोउ। मेन साङ्‌आ सेङ्‌लावाओ निम्‍पाङ लित्‍तु, मोसाआ सेङ्‌लावालाम्‍पाङा अ़लुक्‍निन्‌ओ ह़ङ्‌म़ङ कोउ।

एफिसि 4:22

म़प्‍मा मित्‍माआ अ़त्‍लो लिसाओ आम्‍नुओ बुयाओ ह़ङ्‌म़ङ्‌ओ च़माथाङ्‌माओ अ़तुक्‌वादा बुयाओ आम्‍नुओ ह़ङ्‌म़ङ छिरानुम,

एफिसि 4:30

खोन्‍कि निनाम्‍हाङ्‌ओ अ़चुसेङ्‌लावा दुखा मान्‍प़दानुम, खोक्‍कोएदा लेन्‍माय़ङ लेन्‌ओ निम्‍पाङ खानानिन ऩसेप्‍तिन्‌युङ्‌सिन।

एफिसि 5:18

अङ्‌गुरा माङ्‌वाआ त़सेरिमिन्‍ने, देकिनालो मोसाआ खानानिन त़लुक्‍तिन, मेन सेङ्‌लावाआ भेप्‍तानिन।

तितस 2:12

ओ सोम्‍तुक्‍माआ आन्‍कान खान्‌अ़त्‌ओ ह़ङ्‌म़ङ खोन्‍कि हेन्‍खामादाओ च़क्‍ख़य़ छित्‍म़मेत, खोन्‍कि ओ सोम्‍तुक्‍माआ आन्‍कान आप्‍पि क़म्‍तिन्‍चिन्‌कि ओ हेन्‍खामादा निनाम्‍हाङ्‌ओ अ़चुमिन्‍मावा च़मा खोन्‍कि निनाम्‍हाङ्‌एनान तोङ्‌ओ ह़ङ्‌म़ङ क़प्‍मा ऱम।

१ पत्रुस 1:22

हान खानानिन अ़छ़ङ य़ङ्‌दा लोमाय़ङ्‌वा त़च़न्‌किना आम्‍नुओ मिन्‍मा त़सेङ्‌सुम्‌ओसा आम्‍नुओ साकोङ्‌छ़ङ कामु यावाचि सोमातुक्‍तानुम्‍च़म। अ़क्‍छा निएदा साकोङ्‌वादाङ्‌का राक्‌एनान सोम्‍तुक्‍मुवानिन।

१ पत्रुस 2:11

ओ हेन्‍खामादा निहेन्‍कोप्‌दाओचि खोन्‍कि तावाङ्‌चिवात्‍नि त़मुन्‌येन्‌ओ सोमातुक्‍नाङ्‌नानिन्‌ओ अ़ङ्‌यावाचि ओ, अ़ङ्‌का खानानिन यायोक प़नाङ्‌नानिन, आम्‍नुओ लावाओ अ़देङ्‌सालाप्‍पादा ङेन कामु पोक मित्‍माचिदाङ्‌का अ़थाया युङानिन।