रोमि 8:11 - बान्‍तावा राई

¹¹ येसु म़सुवादाओदाङ्‌का अ़ह़ङ कामुओ अ़चुलावा खानानिन्‌एदा म़याक्‌नालो ख्रिस्‍त येसु म़सुवादाओदाङ्‌का काह़ङ्‌लोन्‌आ खानानिन्‌एदा कायाक खोक्‍कोसोओ अ़चुलावालाम्‍पा स़दाओ आम्‍नुओ पोक्‌छाङ ह़ङ्‌म़ङ अ़प़।

रोमि 8:11 ပူးပေါင်းရင်းမြစ်များ

युहन्‍ना 14:17

खोक्‍को अ़छ़ङ ओ लावा म़मुयाङ, खोक्‍को हेन्‍खामाआ लोक्‍मा अ़ऱन, देकिनालो हेन्‍खामाआ खोक्‍को ना खा, ना सिन्‍तु। खानानिन्‌आ खोक्‍को त़सिन्‍तुम, देकिनालो खोक्‍को खानानिन्‌एनान म़याक, खोन्‍कि खोक्‍को खानानिन्‌एदा म़युङ्‌युङ।

युहन्‍ना 5:21

देकिनालो पापाआ म़सुवादाओचि देत्‍नि म़खोन्‍तुलोइसुचिकि मोचि ह़ङ्‌म़ङ म़प़चि, मोवात्‍निङा अ़चुछाआछाङ साङ प़मा स़, खो अ़लुक्‍निन्‌ओ ह़ङ्‌म़ङ प़।

छाम्‍माय़ङ 2:24

खोन्‍नुछाङ निनाम्‍हाङ्‌आ खोक्‍को स़मादामाओ अ़चाअ़त्‍मादाङ्‌का अ़फोङ्‌साकि म़सुवादाओदाङ्‌का अ़लासाखोन्‍तालोइसा, देकिनालो खोक्‍को स़माओ अ़सावाआ लाप्‍मायुङ्‌मा मान्‍ऱदो।

रोमि 16:10

ख्रिस्‍तएदा सोम्‍कुवा मुमा खान्‍तुओ कान्‍माय़ङ अपेल्‍लेस सेवानि लोत्‍निप़नि। अरिस्‍तोबुलस्‌ओ अ़खिम्‍लुम्‍पादाओचि सेवानि लोत्‍निप़नि

रोमि 16:3

प्रिस्‍का खोन्‍कि अकिलास ख्रिस्‍त येसुदा अ़क्‍नि काचि कामु अ़ङ्‌यावाचि सेवानि लोत्‍निप़नि।

रोमि 16:7

एन्‍द्रोनिकस खोन्‍कि युनियस यहुदि अ़ङ्‌दाक्‍मित्‌चि ओ, मोचि अ़ङ्‌काएनान अ़क्‍नि छेक्‍खादा याआङाचि, मोचि सेवानि लोत्‍निप़नि। मोचि छाम्‍माय़ङ्‌चिओ अ़चुरादा अ़चुऩङ्‌ऱङाओचि ओ खोन्‍कि अ़ङ्‌कादाङ्‌का बुया मोचि ख्रिस्‍तदा साकोङ्‌छ़ङ मुवाचिओ।

रोमि 16:9

ख्रिस्‍तदा आन्‌यावा अ़क्‍नि काचि कामु अ़ङ्‌यावा उर्बनास खोन्‍कि अ़ङ्‌का सोमातुक्‍तुङ्‌योङ्‌ओ स्‍ताखुस सेवानि लोत्‍निप़नि।

रोमि 6:12

खोन्‌ओसा पोक मित्‍मावात्‍नि तुङ्‌मा अ़दोत्‍निन्‍ने निकिना आम्‍नुओ स़दाओ पोक्‌दा हेवा हाङ मुमा मान्‍प़दानुम।

रोमि 8:1

खोन्‌ओसा हान ख्रिस्‍त येसुएनान अ़क्‍नि कालिचिएदा दन्‍दा मात्‍द़ङ।

रोमि 8:12

खोन्‌ओसा ब़ब़, नाना खोन्‍कि निछाचि ओ, आन्‍कान मुमादोत्‌ओ काचि ना ब़द्‍धे युङ्‌याङ, मेन आन्‍कान हेवाओ काचि मुमादा राकाङ्‌थेत्‍नि मात्‍द़ङ।

रोमि 8:2

देकिनालो ख्रिस्‍त येसुदाङ्‌का ताओ ह़ङ्‌म़ङ काप़ सेङ्‌लावाओ अ़य़ङ्‌हुप्‌आ हेवा खोन्‍कि स़माओ अ़सावादाङ्‌का खानानिन ऩफोङ्‌सिन।

रोमि 8:9

मेन खानानिन आम्‍नुओ हेवामि मित्‍माचिआ ऩक़म्‍तिमिन्‌येन। खानानिन्‌एदा निनाम्‍हाङ्‌ओ अ़चुलावा म़युङ्‌याङ्‌नालो खानानिन सेङ्‌लावाआ ऩक़म्‍तिन्‌युङ्‌सिन। मेन साङ्‍एदा ख्रिस्‍तओ अ़चुलावा ऩयाक्‍निन, मो म़ना ख्रिस्‍तओ माआङ।

१ कोरिन्‍थि 15:16

म़सुवादाओचि ऩखोन्‍निन्‍लोन्‍निन्‌नालो ना ख्रिस्‍त्‌छाङ म़सुदाओदाङ्‌का मान्‍खोन्‍लोन।

१ कोरिन्‍थि 6:14

निनाम्‍हाङ्‌आ अ़चुसावालाम्‍पा हाङ्‌पा म़सुवादाओदाङ्‌का अ़खोन्‍तालोइसा, खोन्‍कि खोक्‍कोसाआ आन्‍कान्‌छाङ अ़चुसावालाम्‍पा म़खोन्‍लोन।

२ कोरिन्‍थि 4:11

देकिनालो आन्‍कान अ़ह़ङ युङिन्‌येन्‌हिदाछाङ येसुओ निम्‍पाङ अ़धुन स़माओ क़माकात्‍मादा छुक्‍तिन्‌युङ्‌सिन, खोन्‌ओसा येसुओ अ़चुह़ङ्‌म़ङ स़दाओ आन्‍पोक्‌दा दात्‍ने।

२ कोरिन्‍थि 4:14

आन्‍कान्‍का सिन्‍तुम्‌योम्‍का, हाङ्‌पा येसु अ़ह़ङ कामुआ, आन्‍कान्‍काछाङ येसुएनान अ़ह़ङ ऩमुन्‍का, खोन्‍कि खोक्‍कोसाआङा आन्‍कान्‍का खानानिन्‌एनान खोक्‍कोसोओ अ़चुबुदा ऩतारिन्‍का।

२ कोरिन्‍थि 5:4

देकिनालो आन्‍कान्‍का ओ पोक्‌दा युङिन्‌येन्‍काहिदा मिन्‍मा चाअ़त्‍माआ आन्‍कान्‍का ह़त्‍पा लुन्‍का, आन्‍कान्‍का आन्‍काओ कालाङ्‌द़क लिसिन्‍काने निम्‍पाङ माआङ, मेन च़लोक दिप्‍तिन्‍चिन्‍काने निकिना ओ। खोन्‌ओसा दि स़दाओ मुयाङ, मो ह़ङ्‌म़ङ्‌दा फान्‍नान्‍चिन्‍ने।

गलाति 6:8

साङ्‌आ अ़हेवामि च़माथाङ्‌मा अ़ऩङानुमाओ निम्‍पाङ लित्‍तु, मोसाआ अ़हेवामि च़माथाङ्‌मादाङ्‌काङा लुक्‍माखात्‍माओ अ़सिवा कोउ। मेन साङ्‌आ सेङ्‌लावाओ निम्‍पाङ लित्‍तु, मोसाआ सेङ्‌लावालाम्‍पाङा अ़लुक्‍निन्‌ओ ह़ङ्‌म़ङ कोउ।

एफिसि 2:5

खोन्‌ओसा आन्‍कान हेवादा स़न्‌दान्‌ओनुछाङ खोक्‍कोसाआ आन्‍कान ख्रिस्‍तएनान अ़क्‍नि अ़ह़ङ म़मुवा। निनाम्‍हाङ्‌ओ अ़चुसोमातुक्‍मालाम्‍पाङा खानानिन ऩलेइसिन्‌युङ्‌सिन।

फिलिप्‍पि 3:21

खाक्‍को सावालाम्‍पा झारा खोक्‍कोसोओ अ़चुक़म्‍मादा तात्‍मा म़ऱचि, आन्‍को अ़ऱनिन्‌ओ स़दाओ पोक खोक्‍कोसो आप्‍पिओ अ़चुसाम्‍स़रिओ पोक्‌वात्‍नि लिसि अ़फान।

हिब्रु 13:20

आन्‍हाङ्‌पा येसु ख्रिस्‍त काखोन्‍लोन निनाम्‍हाङ्‌आ सेवाङ्‌नि ऩमुन्‍ने। येसु तोक्‍पो भेरा काखाङ्‌पावा म़मुयाङ, खोक्‍कोसोओ अ़चुह़लाम्‍पा अ़चुभेराचिएनान अ़धुन्‌ओ य़ङ्‌छ़ङ्‌दा सेप्‍तायुङ्‌सा।

१ पत्रुस 1:21

येसुलाम्‍पा खानानिन निनाम्‍हाङ साकोङ्‌छ़ङ त़मुम। निनाम्‍हाङ्‌आ येसु ख्रिस्‍त म़सुवादाओदाङ्‌का अ़खोन्‍तालोइसा खोन्‍कि खोक्‍को साया अ़मेत्‍ता। खोन्‌ओसा आम्‍नुओ साकोङ्‌छ़ङ खोन्‍कि सोम्‍कुवा निनाम्‍हाङ्‌एदा याक्‌याङ।

१ पत्रुस 3:18

देकिनालो ख्रिस्‍त्‌छाङ आन्‍कान निनाम्‍हाङ्‌एदा तात्‍मा निम्‍पाङ साम्‌योक्‍मि म़ना मान्‍साम्‌योक्‍मिचिओ निकि खोक्‍को अ़धुन्‌ओ निम्‍पाङ हेवामिचिओ अ़चुफान्‌दा अ़क्‍दु म़सुवा। खोक्‍को पोक्‌दा म़सुवा, मेन लावादा म़खोन्‍तालोन्‍ता।

खाङ्‌मुमा 1:18

अ़ङ्‌काङा अ़ह़ङ ओ। अ़ङ्‌का सुवाङ्‌दाङ्‌ओ, खानुम, अ़ङ्‌का अ़धुन-अ़धुन्‌तारिओ निम्‍पाङ ह़ङ्‌ङाङा। खोन्‍कि स़माओ खोन्‍कि सित्‍म़ङ दुखा तोक्‍खायुओ अ़होत्‍खाचि अ़ङ्‌काएदा म़युङ्‌याङ।

खाङ्‌मुमा 11:11

मेन सुम्‌कालेन अ़क्‍धाङ्‌कि निनाम्‍हाङ्‌एदाङ्‌का ताओ ह़ङ्‌म़ङ्‌ओ साक्‍मा मोचिएदा वाङा, खोन्‍कि मोचि अ़चुलाङ्‌दा एवाचि। मो अ़खाकि झारा म़नाचिओ ब़द्‍धे अ़चुक़माकारा।