रोमि 7:9 - बान्‍तावा राई

⁹ अ़क्‍दु य़ङ्‌हुप्‌ओ अ़तुक्‌वादा मान्‍सिन्‌युक्‍तुङ्‌हिदा अ़ङ्‌का ह़ङाङ्‌याङ। मेन लोमाय़ङ सिन्‍तुङ्‌किना अ़ङ्‌ह़ङ्‌म़ङ्‌दा हेवा ह़ङालोन्‍ता खोन्‍कि अ़ङ्‌का सुवाङ।

रोमि 7:9 ပူးပေါင်းရင်းမြစ်များ

मत्‍ति 19:20

मो म़नाआ येसु लासुलो, “ओ झारा य़ङ्‌चि ना अ़ङ्‌का अ़ङ्‌सावाछायुङ्‌काङा मुङ्‌युङ्‌सुङ्‌च़ङ। हान अ़ङ्‌काएदा दि मान्‍तालायुक?”

लुका 15:29

मेन अ़कुम्‍पाछाआ अ़पा ओवात्‍नि लो, ‘खानुम! ओन्‍कादोङ्‌तारि अ़ङ्‌का आम्‍नुओ निकि काचि मुङाङा खोन्‍कि खानानिन्‌आ त़लोनिओ झारा य़ङ्‌चि मुङ्‌युङ्‌सुङ्‌च़ङ। मेन खानानिन्‌आ अ़ङ्‌का देम्‍खाछाङ अ़ङ्‌यावाचिएनान खाबाचा चामा अ़क्‌तात मेनेत्‍छाछाङ मान्‍प़त़दानि।

लुका 18:21

मो म़नाआ येसु लासुलो, “ओ झारा य़ङ्‌चि ना अ़ङ्‌का अ़ङ्‌सावाछादाङ्‌काङा मुङ्‌युङ्‌सुङ्‌च़ङ।”

रोमि 10:5

य़ङ्‌हुप्‌वात्‍नि च़माकि साम्‌योक्‍मि लिमाओ निम्‍पाङ निनाम्‍हाङ्‌य़ङ खाकालु मोसाआ छाप्‍तुङु, “खाक्‍को म़नाआ ओ काचिचि मुचि, खो मोचि लाम्‍पाङा ह़ङ।”

रोमि 7:10

ह़ङ्‌म़ङ प़मादोत्‌ओ मो लोमाय़ङ्‍आ अ़ङ्‌को निम्‍पाङ स़मा तारु निकिना अ़ङ्‌का तुप्‍तुङ।

रोमि 7:11

देकिनालो हेवाआ लोमाय़ङ्‌लाम्‍पा अ़वाखाम तोक्‍तुकि अ़ङ्‌का अ़म़प्‍ताङ, खोन्‍कि मो लोमाय़ङ्‌लाम्‍पा अ़ङ्‌का अ़सेराङ।

रोमि 7:4

खोन्‌ओसा अ़ङ्‍ब़ब़, नाना खोन्‍कि निछाचि ओ, खानानिन्‌छाङ ख्रिस्‍तओ अ़चुपोक्‌ओ अ़फुत्‌ओसा य़ङ्‌हुप्‌एदा त़स़न्‌युङ्‌सिन। खोन्‍कि ओन्‍ग़रि खानानिन म़सुवादाओदाङ्‌का म़खोन्‍तालोन्‍ताओ ख्रिस्‍तएनान अ़क्‌तात त़लिसिन्‌युङ्‌सिन। मोवात्‍निओसा, आन्‍कान निनाम्‍हाङ्‌ओ निम्‍पाङ अ़नुवाक काचिओ अ़सिवा सिमा ऱम।

रोमि 7:6

मेन ओन्‍ग़रि आन्‍कान काक़म य़ङ्‌हुप्‌ओ अ़सावा आन्‍कान्‌एदा मात्‍द़ङ, देकिनालो मोदा स़न्‌कि आन्‍कान य़ङ्‌हुप्‌दाङ्‌का फोङ्‌सिन्‌युङ्‌सिन। खोन्‌ओसा हान बुया छाप्‍ताओ य़ङ्‌हुप्‌दा काङ्‌याङ्‌सा माआङ, मेन सेङ्‌लावाओ अ़ऩङ्‌वा ह़ङ्‌म़ङ्‌दा आन्‍कान निनाम्‍हाङ ब़क्‍तुम।

रोमि 7:8

मेन हेवाआ लोमाय़ङ्‌दा अ़वाखाम तोक्‍तुकि अ़ङ्‌काएदा झाराकाखालाओ च़क्‍ख़य़ मिन्‍मा लोइसु। य़ङ्‌हुप मात्‍द़ङ्‌याङ्‍ओदे, अ़ङ्‌साकोङ्‌वादा हेवाओ अ़सावा मात्‍द़ङ, मिनिन्‍ने मो सुवादायुङ्‌सा।

रोमि 8:7

साङ्‌आ हेवामि मित्‍माचिदा अ़मिन्‍मा पाउ, मो निनाम्‍हाङ्‌ओ अ़चुङेङ लि। मो देम्‍खाछाङ निनाम्‍हाङ्‌ओ अ़चुय़ङ्‌हुप्‌दा अ़प़नान्‍लाप्‍नान्‍चिमिन, खोन्‍कि अ़नुछ्‍याङा लिमा अ़ऱनिन।

गलाति 2:19

निनाम्‍हाङ्‌ओ निम्‍पाङ अ़ङ्‌का ह़ङ्‌मा ऱङाने निकिना य़ङ्‌हुप्‌ओ अ़तुक्‌वादा, अ़ङ्‌का य़ङ्‌हुप छिरुङ्‌चिउङ।

गलाति 3:10

य़ङ्‌हुप्‌दा सोम्‍कुवा कामु झारा माङ्‌म़हिम, देकिनालो साम्‍कालिन्‌दा ओवात्‍नि छाप्‍तायुङ्‌सा, “य़ङ्‌हुप छाप्‍लाखादा छाप्‍ताओ झारा य़ङ्‌चिदा मान्‌युङ्‌कादा खोन्‍कि मो मान्‍मुकादाचि झारा माङ्‌म़हिम।”