रोमि 7:7 - बान्‍तावा राई

⁷ खोन्‍नालो आन्‍कान दे य़ङिन म़ल़क? य़ङ्‌हुप हेवा ओ? देम्‍खाछाङ माआङ! मेन य़ङ्‌हुप मात्‍द़ङ्‌याङ्‍ओदे, हेवा दि ओ अ़ङ्‌का मान्‍सिन्‍ङाओ। “खाना च़क्‍ख़य़ मान्‍मुदा”नि य़ङ्‌हुप मान्‌य़ङ्‌ओदे च़क्‍ख़य़ मुमा अ़अ़त्‍पाओ निकिना मान्‍सिन्‍ङाओ।

रोमि 7:7 ပူးပေါင်းရင်းမြစ်များ

मत्‍ति 5:28

मेन अ़ङ्‌का लोनाङ्‌नानिन, साङ्‌आ खाक्‍को मेत्‍छामा अ़त्‍लो अ़मित्‍माआ खा, खोसाआ बुयाङा अ़साकोङ्‌वादा मोएनान ताङ्‌लान मुचिउ।

लुका 12:15

खोन्‍कि येसुआ मोचि म़लोचि, “चाप्‍चेत्‍तानिन्‍चिन! झाराकापाराओ च़क्‍ख़य़दाङ्‌का रात्‍तानिन्‍चिन। देकिनालो चासुम्‍छेन्‍बि देम च़लोक लिनुछाङ मोसाआ म़ना अ़ह़ङ्‌सुन।”

लुका 20:16

अङ्‌गुराखाओ अ़हाङ्‌पा ताकि व़क काचात्‌चि म़सेरुचि खोन्‍कि अङ्‌गुराखा नि व़क काचात्‌चि म़प़चि।” खोन्‍किना म़नाचिआ ओ अ़एनाकि म़य़ङा, “ओवात्‍नि देम्‍खाछाङ अ़लिनिन्‍ने!”

छाम्‍माय़ङ 20:33

अ़ङ्‌का साङ्‌कोछाङ अ़हाराक्‌वा, अ़रुपा माङ्‌लो अ़तित्‌ओ च़क्‍ख़य़ मान्‍मुङा।

रोमि 13:9

देकिनालो य़ङ्‌हुप य़ङ्‌याङ, “खाना ताङ्‌लान मान्‍मुदा, खाना म़ना मान्‍सेत्‌दा, खाना मान्‍ख़दा, खाना च़क्‍ख़य़ मान्‍मुदा।” ओ लोमाय़ङ्‌चिदा खोन्‍कि नि ब़द्‍धे लोमाय़ङ्‌चि म़याक्‌याङ, मो झारासोओ अ़चुमुलोय़ङ्‌चि ओदाङा थुत्‍मेत्‍लोदा म़याक्‌याङ, “खाना आम्‍तेन्‍पाङ आप्‍पिवाङा सोमातुक्‍तु।”

रोमि 3:20

खोन्‌ओसा य़ङ्‌हुप्‌ओ काचिआ खाक्‍को म़नाछाङ खोक्‍कोसोओ अ़चुबुदा साम्‌योक्‍मि अ़कान्‍निन, देकिनालो य़ङ्‌हुप्‌आङा आन्‍कान देम हेवामि मुन्‌येन्‌ओ खाङ्‌म़मु।

रोमि 3:5

मेन आन्‍मान्‍साम्‌योक्‍मिआ निनाम्‍हाङ्‌ओ अ़चुसाम्‌योक्‍मि नुलोक खाङ्‌मुसुनालो आन्‍कान दे य़ङिन? दि निनाम्‍हाङ्‌ओ अ़चुमाइसुङ आन्‍कान्‌एदा ताहिदा खा-खाक्‍को म़नाचि खोक्‍कोसाआ अ़फिसानि म़य़ङ। मो अ़नुछ्‍या ओ?

रोमि 4:1

हान आन्‍कान यहुदिचिओ आन्‍सुन्‍तुम अब्राहाम्‌ओ अ़तुक्‌वादा आन्‍कान दे य़ङिन?

रोमि 4:15

देकिनालो म़ना य़ङ्‌हुप्‌वा च़मा अ़ऱनिन खोन्‌ओसा निनाम्‍हाङ्‌ओ अ़चुमाइसुङ ता। मेन य़ङ्‌हुप्‍ङा मात्‍द़ङ्‌नालो ना य़ङ्‌हुप फियाङ्‌सा हेवा मुमा काचिछाङ मान्‍लिओ।

रोमि 5:20

झारा म़नाचिआ देम हेवा म़मुवायुङ्‌सा, मो अ़सिन्‍ने निकिना निनाम्‍हाङ्‌आ अ़चुय़ङ्‌हुप म़पुवा, मेन खादा हेवा पोया, मोदा सोमाम्‍तुक्‍माछाङ च़लोक पोया।

रोमि 6:15

हान दि म़ल़क? दि आन्‍कान य़ङ्‌हुप्‌ओ अ़क़म्‍मादा अ़याइमिन्‌येन, मेन सोम्‍तुक्‍माओ अ़क़म्‍मादा आन्‍कान याइन्‌येन्‌ओसा हेवा मुमा म़ल़क? देम्‍खाछाङ माआङ।

रोमि 7:11

देकिनालो हेवाआ लोमाय़ङ्‌लाम्‍पा अ़वाखाम तोक्‍तुकि अ़ङ्‌का अ़म़प्‍ताङ, खोन्‍कि मो लोमाय़ङ्‌लाम्‍पा अ़ङ्‌का अ़सेराङ।

रोमि 7:13

खोन्‍नालो दि अ़नुवाक मुयाङ, मोसाआ अ़ङ्‌को निम्‍पाङ स़मा तारु म़ल़क? देम्‍खाछाङ माआङ! मेन हेवा, हेवावात्‍नि सिन्‍ने निम्‍पाङ अ़नुवाक य़ङ्‌लाम्‍पा हेवाआ अ़ङ्‌काएदा स़मा तारुयुङ्‌सु, खोन्‌ओसा लोमाय़ङ्‌लाम्‍पा हेवा अ़न्‍नुनु हेवामि लिमा ऱने।

रोमि 7:5

आन्‍कान हेवाओ अ़क़म्‍मादा ह़ङिन्‌येन्‌हिदा हेवा मित्‍माचिआ आन्‍पोक्‌चिदा काचि मुङु, खोन्‍कि दि-दि मुमा अ़नुनिन्‌नि य़ङ्‌हुप य़ङायुङ्‌सा, अ़अ़त्‍पा आन्‍मिन्‍माचिआ मो मुमा च़लोक अ़चुऩङानु। खोन्‍किना मो हेवामि काचिआ आन्‍कान स़माओ अ़सिवा सिसुम।

रोमि 7:8

मेन हेवाआ लोमाय़ङ्‌दा अ़वाखाम तोक्‍तुकि अ़ङ्‌काएदा झाराकाखालाओ च़क्‍ख़य़ मिन्‍मा लोइसु। य़ङ्‌हुप मात्‍द़ङ्‌याङ्‍ओदे, अ़ङ्‌साकोङ्‌वादा हेवाओ अ़सावा मात्‍द़ङ, मिनिन्‍ने मो सुवादायुङ्‌सा।

१ कोरिन्‍थि 15:56

स़माओ अ़केप्‍खा हेवा ओ, खोन्‍कि हेवाओ अ़सावा य़ङ्‌हुप ओ।

एफिसि 5:3

मेन आम्‍नुओ रादा पोप्‍मुमा खोन्‍कि झाराकाखालाओ अ़सेङ्‌निनिन्‌ओ माङ्‌लो च़ख़य़ओ अ़ऩङ्‌छाङ अ़बुत्‍निन्‍ने। मो निनाम्‍हाङ्‌ओ अ़चुम़नाचिएदा लिमा अ़खान्‍तुन।

कलस्‍सि 3:5

खोन्‌ओसा खानानिन्‌एदा म़युङ्‌याङ्‌ओ हेन्‍खामादाओ मिन्‍माचि सेरानुम्‍च़म। मोचि पोप्‍मुमा, मान्‍सेङ्‌दामा, राका मित्‍मा, अ़त्‍लो मित्‍मा ओ। च़क्‍ख़य़ मान्‍मुदानिन, देकिनालो मो सेम्‍पोक ब़क्‍मावाको ओ।

१ थेसलोनिकि 4:5

निनाम्‍हाङ मान्‍सिन्‍कादा निरावाचिवात्‍नि पोक मित्‍मादा माआङ।

हिब्रु 7:19

देकिनालो मोसाओ अ़य़ङ्‌हुप्‌आ दित्‍छाङ मान्‍तालादो। मेन मोदाङ्‌का च़लोक तामित्‍मा आन्‍कान्‌एदा याक्‌याङ खोन्‍कि ओलाम्‍पा आन्‍कान निनाम्‍हाङ्‌ओ अ़चुच़क्‌दा तामालामा ऱन।