रोमि 7:25 - बान्‍तावा राई

²⁵ निनाम्‍हाङ आलाङ्‌ने! आन्‍हाङ्‌पा येसु ख्रिस्‍तलाम्‍पा खोक्‍कोसाआ अ़ङ्‌का ऩलेन्‍ङा! खोन्‌ओसा, आप्‍पि अ़ङ्‌मिन्‍माआ अ़नुछ्‍याङा निनाम्‍हाङ्‌ओ अ़चुय़ङ्‌हुप्‌वात्‍नि मुमा स़ङा, मेन पोक्‌दा अ़ङ्‌का हेवाओ अ़य़ङ्‌हुप्‌ओ अ़हारुक मुङाङा।

रोमि 7:25 ပူးပေါင်းရင်းမြစ်များ

मत्‍ति 1:21

मोसाआ अ़क्‍छा दुवाछा तोक्‍तु, खोन्‍कि खाना खोक्‍कोसोओ अ़चुऩङ येसु त़पाक्‍तु, देकिनालो खोक्‍कोसाआ अ़चुम़नाचिओ अ़चुहेवाचिदाङ्‌का म़लेइसुचि।”

रोमि 6:14

हेवा खानानिन्‌एदा हाङ अ़मुनिन, देकिनालो खानानिन य़ङ्‌हुप्‌ओ अ़क़म्‍मादा त़याइमिन्‌येन, मेन सोम्‍तुक्‍माओ अ़क़म्‍मादा त़याइन्‌येन।

रोमि 6:17

मेन निनाम्‍हाङ आलाङ्‌ने, देकिनालो खानानिन अ़क्‍दु हेवाओ अ़हारुक त़मुन्‌येन, हान खाक्‍को अ़छ़ङ चिन्‍माय़ङ खानानिन्‌आ त़तोक्‍तुम, मो झारा साकोङ्‌वाआ त़लोउम्‌युङ्‌सुम।

रोमि 8:2

देकिनालो ख्रिस्‍त येसुदाङ्‌का ताओ ह़ङ्‌म़ङ काप़ सेङ्‌लावाओ अ़य़ङ्‌हुप्‌आ हेवा खोन्‍कि स़माओ अ़सावादाङ्‌का खानानिन ऩफोङ्‌सिन।

१ कोरिन्‍थि 15:57

मेन निनाम्‍हाङ आलाङ्‌ने! खोक्‍कोसाआ आन्‍हाङ्‌पा येसु ख्रिस्‍तलाम्‍पा आन्‍कान छोमा म़प़।

२ कोरिन्‍थि 9:15

अ़लुङ छाम्‍मा अ़ऱन्‍मिन्‌ओ छुक्‍तुप्‍मा निम्‍पाङ निनाम्‍हाङ आलाङ्‌ने!

एफिसि 5:20

अ़धुन झारा य़ङ्‌चिओ निम्‍पाङ आन्‍हाङ्‌पा येसु ख्रिस्‍तओ अ़चुऩङ्‌दा निनाम्‍हाङ पापा आलाङ पुवानुम।

फिलिप्‍पि 3:3

देकिनालो सेङ्‌लावालाम्‍पा काब़क आन्‍कान्‌ङा ओ, खोन्‍कि ख्रिस्‍त येसुआ दि अ़मुवायुङ्‌सा मोदा आन्‍कान तोक्‍पो कालि खोन्‍कि च़माथाङ्‌मादा सोम्‍कुवा मान्‍मुकादा अ़नुछ्‍याओ सिप्‍मायाम्‍बुन कापाक आन्‍कान्‌ङा ओ।

फिलिप्‍पि 4:6

खाक्‍कोछाङ य़ङ्‌दा मिन्‍राक मान्‍मुदानिन, मेन झारा य़ङ्‌दा आम्‍नुओ यामात्‍मा खोन्‍कि दोत्‍माय़ङ्‌लाम्‍पा आलाङ्‌एनान खानानिन दोत्‌ओचि निनाम्‍हाङ दोत्‍तानुम।

कलस्‍सि 3:17

दे-दे त़य़ङिन, दे-दे त़च़न, मो झारा हाङ्‌पा येसुओ अ़चुऩङ्‌दा खोक्‍कोलाम्‍पा निनाम्‍हाङ पापा आलाङ प़याङ्‌सा मुवानुम।

१ पत्रुस 2:5

खोन्‍कि खानानिन्‌छाङ येसु ख्रिस्‍तलाम्‍पा निनाम्‍हाङ्‌आ लोक्‍माखान्‍तुओ लावामि हेन्‍खोक्‌वाचि काधान सेङ्‌याङ्‌ओ काब़क्‍पा लिमा निम्‍पाङ अ़ह़ङ लुङ्‌चिवात्‍नि लावामि खिम लियाङ्‌सा त़खारिन।

१ पत्रुस 2:9

मेन खानानिन छेन्‍माय़ङ रावा ओ, हाङ्‌ओ अ़चुकाब़क्‍पाचि, त़सेङिन्‌येन्‌ओ म़नाचि, निनाम्‍हाङ्‌ओ आप्‍पिओ अ़चुम़नाचि ओ। खोक्‍कोसाआ खानानिन कुन्‌यामादाङ्‌का म़दोम्‍दाओ साम्‌दा ऩबुत्‍तिन, खोन्‌ओसा खोक्‍कोसोओ म़दोम्‍दाओ अ़चुकाचिचि खानानिन्‌आ खात़लुसुम्‍ने।