रोमि 7:18 - बान्‍तावा राई

¹⁸ अ़ङ्‌का सिन्‍तुङ्‌योङ, अ़ङ्‌काएदा याक्‌याङ्‍ओ हेवामि पोक्‌ओ मित्‍माचिआ दित्‍छाङ नुलोक च़मा ऩप़ऩङ। दि अ़नुवाक मुयाङ, मो मुमामिन्‍मा अ़ङ्‌काएदा याक्‌याङ, मेन मो मुमा अ़ङ्‌का अ़ऱऩङ।

रोमि 7:18 ပူးပေါင်းရင်းမြစ်များ

मत्‍ति 15:19

देकिनालो साकोङ्‌वादाङ्‌काङा अ़अ़त्‍पा मित्‍माचि, म़ना सेत्‍मा, ताङ्‌लान, चान्‍माचामा, ख़मा, सोज्‍जेओ सालुम्‍स़ङ प़मा खोन्‍कि सुङ्‌मा बुङ्‌खाया म़लोन।

लुका 11:13

मोवात्‍नि खानानिन अ़अ़त्‍पा त़मुन्‌येन्‌नुछाङ आम्‍नुओ छाचि अ़नुवाक सामाचि प़मा त़लेसिन्‌येन्‌नालो आम्‍नुओ निनाम्‍मादुओ पापाआ खोक्‍कोएदा कादोत्‍चि देम च़लोक सेङ्‌लावा म़प़चि!”

युहन्‍ना 3:6

पोक्‌दाङ्‌का लिओ पोक ओ, खोन्‍कि लावादाङ्‌का लिओ लावा ओ।

रोमि 13:14

मेन हाङ्‌पा येसु ख्रिस्‍तओ अ़मात्‍ऩङ त़ङ्‌तानुम खोन्‍कि हेवामि च़माथाङ्‌माओ मित्‍माचिदा देत्‍नि सोम्‍सेत्‍मान्‍चिन्‌ओ अ़तुक्‌वादा मिन्‍मा मान्‍पाक्‍दानुम।

रोमि 7:15

अ़ङ्‌का दे च़ङा, मो अ़ङ्‌का अ़तुप्‍ऩङ। अ़ङ्‌का देत्‍नि मिन्‍ङा, मोवात्‍नि अ़ङ्‌का अ़मुऩङ। मेन अ़ङ्‌का दि चिप्‍माकात्‍तुङ, मोङा अ़ङ्‌का मुङ।

रोमि 7:19

देकिनालो अ़ङ्‌का दि अ़नुवाक मुमा स़ङा, मो अ़ङ्‌का अ़मुऩङ, मेन अ़ङ्‌का दि अ़अ़त्‍पा मुमानि अ़मिन्‍ऩङ, मो अ़ङ्‌का मुङ।

रोमि 7:25

निनाम्‍हाङ आलाङ्‌ने! आन्‍हाङ्‌पा येसु ख्रिस्‍तलाम्‍पा खोक्‍कोसाआ अ़ङ्‌का ऩलेन्‍ङा! खोन्‌ओसा, आप्‍पि अ़ङ्‌मिन्‍माआ अ़नुछ्‍याङा निनाम्‍हाङ्‌ओ अ़चुय़ङ्‌हुप्‌वात्‍नि मुमा स़ङा, मेन पोक्‌दा अ़ङ्‌का हेवाओ अ़य़ङ्‌हुप्‌ओ अ़हारुक मुङाङा।

रोमि 7:5

आन्‍कान हेवाओ अ़क़म्‍मादा ह़ङिन्‌येन्‌हिदा हेवा मित्‍माचिआ आन्‍पोक्‌चिदा काचि मुङु, खोन्‍कि दि-दि मुमा अ़नुनिन्‌नि य़ङ्‌हुप य़ङायुङ्‌सा, अ़अ़त्‍पा आन्‍मिन्‍माचिआ मो मुमा च़लोक अ़चुऩङानु। खोन्‍किना मो हेवामि काचिआ आन्‍कान स़माओ अ़सिवा सिसुम।

गलाति 5:17

हेवामि च़माथाङ्‌मा मिन्‍माचि सेङ्‌लावाओ अ़चुदेङ्‌सालाप्‍पादा म़मु, खोन्‍कि सेङ्‌लावाओ अ़चुमिन्‍मा हेवाओ अ़देङ्‌सालाप्‍पादा। खानानिन दे च़मा त़स़न्‌येन, मोचिएदाङ्‌का खानानिन छेक्‍मा निम्‍पाङ ओचि अ़क्‌तात निओ अ़चुदेङ्‌सालाप्‍पादा याक्‌चि।

गलाति 5:24

खोन्‍कि साङ्‌चि ख्रिस्‍त येसुओचि ओ, मोचिआ हेवामि च़माथाङ्‌मा मोसोओ अ़पोक मित्‍माचि खोन्‍कि अ़मिन्‍माचि क्रुस्‌दा अ़ख़न्‍तायुङ्‌सा।

फिलिप्‍पि 2:13

देकिनालो खानानिन्‌एदा निनाम्‍हाङ आप्‍पि काचि म़मुयाङ। खोक्‍कोसाआ खानानिन अ़चुओ अ़नुवाक मित्‍चिऩङ तामालामा मिन्‍मा खोन्‍कि सावा ऩप़न।

फिलिप्‍पि 3:12

अ़ङ्‌का मो मित्‍चिऩङ्‌चि झारा बुयाङा तोक्‍तुङ्‌चिउङ्‌युङ्‌सुङ्‌च़ङ माङ्‌लो अ़ङ्‌का बुयाङा तासुङ्‌लोङ्‌युङ्‌सुङ्‌च़ङ निकिना माआङ, मेन मो मित्‍चिऩङ्‌चि लाप्‍माचिओ निकिना अ़ङ्‌का बुया खात्‍ङाङा। मो मित्‍चिऩङ्‌चिओ निकिना ख्रिस्‍तआ अ़ङ्‌का ऩलावाङ!

तितस 3:3

देकिनालो आन्‍कान आप्‍पिछाङ अ़क्‍दु खामान्‍सिन, लोमावा मान्‍च़कादा खोन्‍कि लाम मान्‍तुम्‍केसुम्‌युङ्‌सुम। आन्‍कान झाराकापाराओ राका खोन्‍कि ताकावा च़माओ अ़हारुक्‌चि मुन्‌येन। आन्‍ह़ङ्‌म़ङ अ़त्‍लो मित्‍मा खोन्‍कि छुन्‌दा खाइसुम्‌योम, चिप्‍माकात्‍लो मुन्‌येन, खोन्‍कि अ़क्‍छा निआ चिप्‍मा कात्‍काकात मुन्‌येन।

१ पत्रुस 4:2

खोवात्‍निओसा खो अ़पोक्‌दा ह़ङ्‌याङ्‌तारि हान्‌दाङ्‌का म़नाओ अ़अ़त्‍पा मिन्‍मावा माआङ, मेन निनाम्‍हाङ्‌ओ अ़चुमिन्‍मावा ह़ङ।