रोमि 7:14 - बान्‍तावा राई

¹⁴ आन्‍कान सिन्‍तुम्‌योम, य़ङ्‌हुप लावामि ओ, मेन अ़ङ्‌का मान्‍साम्‌योक्‍मि मुङाङा, खोन्‍कि हेवाओ अ़हारुक्‌वात्‍नि अ़ङ्‌का इनाङ्‌युङ्‌साङ।

रोमि 7:14 ပူးပေါင်းရင်းမြစ်များ

मत्‍ति 16:23

मेन येसु म़हुसान्‍चिन्‌कि पत्रुस अ़लोवा, “सैताना! अ़ङ्‌बुदाङ्‌का खारालावा। खाना अ़ङ्‌लाम काछेक ओ। देकिनालो आम्‍मिन्‍मा निनाम्‍हाङ्‌दाङ्‌काओ माआङ, मेन म़नाएदाङ्‌काओ ओ।”

मत्‍ति 18:25

मेन मो म़नाआ छोन्‍मा मान्‍ऱदोहिदा खोसोओ अ़हाङ्‌पाआ खो खोन्‍कि खोसोओ अ़खिम्‍हाङ्‌मा खोन्‍कि अ़छाचि खोन्‍कि खोसोओ झारा अ़सामाचि इनुचिकि नाक छोन्‍मेत्‍तु।

मत्‍ति 5:22

मेन अ़ङ्‌का खानानिन लोनानिन, साङ्‌आ अ़बुवा-निछाचि अ़माइसुङ कात्‍तु, मो छ़ङ्‌छेन्‍मादा छुक। खोन्‍कि साङ्‌आ अ़द़क्‍छाचि सुङुचि, मो धियायोक्‍खाआ दन्‍दा प़। खोन्‍कि साङ्‌आ अ़बुवा-निछाचि ‘खाना खामान्‍सिन’नि लो, मो क़माकात्‍तुओ सित्‍म़ङ दुखा तोक्‍खा मिदा छुक।

मत्‍ति 5:28

मेन अ़ङ्‌का लोनाङ्‌नानिन, साङ्‌आ खाक्‍को मेत्‍छामा अ़त्‍लो अ़मित्‍माआ खा, खोसाआ बुयाङा अ़साकोङ्‌वादा मोएनान ताङ्‌लान मुचिउ।

लुका 5:8

ओ खाकि सिमोन पत्रुस्‌आ येसुओ अ़चुलाङ्‌दा बोम्‍सान्‍चिन्‌कि “हाङ्‌पो! अ़ङ्‌काएदाङ्‌का अ़थाया खारानिन। देकिनालो अ़ङ्‌का हेवामि ओ”नि य़ङा।

लुका 7:6

खोन्‍कि येसु मोचिएनान म़खारा। कप्‍तानाओ अ़खिम च़क्‌दा म़तालाहिदा कप्‍तानाआ अ़यावाचि खाइसुचिकि ओवात्‍नि लोमेत्‍तुचि, “हाङ्‌पो, दुखा मान्‍मुदानिन। अ़ङ्‌का अ़ङ्‌खिम्‌दा खानानिन वाक्‍मा अ़खान्‍ङाओ अ़ङ्‌का अ़मुऩङ्‌ऩङ।

रोमि 3:9

खोन्‍नालो दि आन्‍कान यहुदिचि निचिदाङ्‌का च़लोक अ़नुवाक मुन्‌येन म़ल़क? देम्‍खाछाङ माआङ, देकिनालो यहुदिचि खोन्‍कि ग्रिक्‌चि ह्‍वातात्‍माङ हेवाओ अ़क़म्‍मादा म़याक्‌याङ निकिना बुयाङा अ़ङ्‌का खाङ्‌मेत्‍नायुङ्‌नानिन।

रोमि 6:6

आन्‍कान सिन्‍तुम्‌योम बुयाओ हेवामि आन्‍ह़ङ्‌म़ङ क्रुस्‌दा ख्रिस्‍तएनान ख़न्‍तायुङ्‌सा। खोन्‌ओसा आन्‍ह़ङ्‌म़ङ्‌चिदा हेवाओ अ़सावाआ अ़क़म्‍तुन्‍ने। हान्‌दाङ्‌का ह्‍यात्‍नि आन्‍कान हेवाओ अ़हारुक माआङ।

रोमि 7:18

अ़ङ्‌का सिन्‍तुङ्‌योङ, अ़ङ्‌काएदा याक्‌याङ्‍ओ हेवामि पोक्‌ओ मित्‍माचिआ दित्‍छाङ नुलोक च़मा ऩप़ऩङ। दि अ़नुवाक मुयाङ, मो मुमामिन्‍मा अ़ङ्‌काएदा याक्‌याङ, मेन मो मुमा अ़ङ्‌का अ़ऱऩङ।

गलाति 4:3

ओवात्‍निङा आन्‍कान्‌छाङ ख्रिस्‍त तामा बुया छाचिवा मुन्‌येन, आन्‍कान हेन्‍खामादाओ माङ्‌चिओ अ़चुहारुक्‌दा याइन्‌येन।

एफिसि 3:8

झारा निनाम्‍हाङ्‌ओ अ़चुम़नाचिएदा अ़ङ्‌का अ़न्‍नुनु अ़चुप्‍पा लिसाङ्‌नुछाङ ख्रिस्‍तओ तुप्‍माङा अ़ऱन्‍मिन्‌ओ अ़चुआसिखाओ नुय़ङ्‌खान निरावाचि खाएत्‍मा निम्‍पाङ अ़ङ्‌का ओ अ़वाखाम ऩपुवाङ्‌ओ।

हिब्रु 4:12

देकिनालो निनाम्‍हाङ्‌ओ अ़चुय़ङ अ़ह़ङ खोन्‍कि सावापोरिओ मुयाङ। ओ ह्‍वालिप्‍पा अ़हायाक्‌ओ बान्‍छोन्‌दाङ्‌काछाङ च़लोक अ़हायाक। खोक्‍कोसोओ अ़चुय़ङ्‌आ साक्‍मा खोन्‍कि लावा मोचिओ अ़चुतुप अ़तुप्‌दा खोन्‍कि य़वाओ अ़दुङ्‌कुछुत्‌तारि अ़धाङ-अ़धाङ मुलो लेनुखात्‍तु, खोन्‍कि साकोङ्‌वादाओ मित्‍मा खोन्‍कि मिन्‍माचि छ़ङ्‌छेन्‍तुचि।