रोमि 6:23 - बान्‍तावा राई

²³ देकिनालो हेवाओ अ़लुङ स़मा ओ, मेन निनाम्‍हाङ्‌आ मोहा प़माय़ङ्‌ओ अ़चुआसिखा ख्रिस्‍त येसु आन्‍हाङ्‌पाएदा अ़लुक्‍निन्‌ओ ह़ङ्‌म़ङ ओ।

रोमि 6:23 ပူးပေါင်းရင်းမြစ်များ

मत्‍ति 25:46

खोन्‍किना मोचि अ़धुन दन्‍दा तोक्‍खादा म़खात, मेन साम्‌योक्‍मि म़नाचि अ़धुन ह़ङ्‌मायुङ्‌मा ह़ङ्‌म़ङ्‌दा म़वाङ।”

युहन्‍ना 10:28

मोचि अ़ङ्‌का अ़लुक्‍निन्‌ओ ह़ङ्‌म़ङ प़ङ्‌च़ङ, खोन्‍कि मोचि देम्‍खाछाङ ऩलुक्‍निन, खोन्‍कि साङ्‌आछाङ मोचि अ़ङ्‌छुक्‌दाङ्‌का ऩङाप्‍ऩङ्‌खात्‍ऩङ।

युहन्‍ना 17:2

देकिनालो खानानिन्‌आ खो त़प़म्‌ओ झारा म़नाचि खोसाआ अ़लुक्‍निन्‌ओ ह़ङ्‌म़ङ प़चिने निकिना खानानिन्‌आ खो झारा म़नाचिएदा पाङ त़प़म्‌युङ्‌सुम।

युहन्‍ना 3:36

साङ निनाम्‍हाङ्‌ओ अ़चुछाएदा साकोङ्‌छ़ङ मु, मोएदा अ़लुक्‍निन्‌ओ ह़ङ्‌म़ङ याक। साङ्‌आ निनाम्‍हाङ्‌ओ अ़चुछा ऩङाछिरु, मोसाआ ह़ङ्‌म़ङ अ़खान, मेन निनाम्‍हाङ्‌ओ अ़चुमाइसुङ मोएदा युङ्‌युङ।

युहन्‍ना 4:14

मेन साङ्‌आ अ़ङ्‌का प़ङ्‍ओ चाक्‌वा दुङु, मो देम्‍खाछाङ वामित्‍मा अ़स़निन। खाक्‍को चाक्‌वा अ़ङ्‌का मो प़ङ, मो मोएदा अ़लुक्‍निन्‌ओ ह़ङ्‌म़ङ्‌ओ निम्‍पाङ लोन्‌याङ्‍ओ बोन्‌वा लि!”

युहन्‍ना 4:36

साङ्‌आ चा कोउ मोसाआ अ़लुङ तोक्‍तुयुङ्‌सु, खोन्‍कि अ़लुक्‍निन्‌ओ ह़ङ्‌म़ङ्‌ओ निम्‍पाङ अ़सिवा कोउयुङ्‌सु, खोन्‌ओसा कावेत खोन्‍कि काकोप अ़क्‍नि अ़चुऩङानु।

युहन्‍ना 5:24

अ़नुछ्‍याङा अ़ङ्‌का खानानिन लोनानिन, साङ्‌आ अ़ङ्‌य़ङ एनु खोन्‍कि अ़ङ्‌का काछुत साकोङ्‌छ़ङ मु, मोएदा अ़लुक्‍निन्‌ओ ह़ङ्‌म़ङ याक्‌याङ। मो लाहि अ़पाक्‍निन, मेन मो स़मादामादाङ्‌का ह़ङ्‌म़ङ्‌दा वाङायुङ्‌सा।

युहन्‍ना 6:27

लुक्‍खात्‌ओ चामायुओ निम्‍पाङ काचि मान्‍मुदानिन, मेन अ़लुक्‍निन्‌ओ ह़ङ्‌म़ङ काप़ चामायुओ निम्‍पाङ काचि मुवानिन। मो चामायु म़नाओ अ़छाआ खानानिन ऩप़न। देकिनालो पापा निनाम्‍हाङ्‌आ म़नाओ अ़चुछाएदा अ़चुओ सेप्‍मा पाङ अ़पुवायुङ्‌सा।”

युहन्‍ना 6:40

अ़ङ्‌पापाओ अ़चुमित्‍चिऩङ ओङा ओ, झारा साङ-साङ्‌चिआ अ़चुओ छा अ़खाङ, खोन्‍कि खोक्‍कोएदा साकोङ्‌छ़ङ म़मु अ़धुन्‌ओ ह़ङ्‌म़ङ अ़तोक्‍ने। अ़ङ्‌का मो आदेङ्‌ओ लेन्‌दा अ़ह़ङ मुङ।”

युहन्‍ना 6:68

सिमोन पत्रुस्‌आ लासुलो, “हाङ्‌पो, आन्‍कान्‍का साङ्‍एदा खारिन्‍का ओ? खानानिन्‌एदा अ़धुन्‌ओ ह़ङ्‌म़ङ्‌ओ य़ङ्‌चि म़युङ्‌याङ।

रोमि 1:32

ओवाको काचि कामुचि स़मा खान्‍तुचि निकिना निनाम्‍हाङ्‌ओ अ़चुसाम्‌योक्‍मि य़ङ्‌हुप मोचिआ अ़सिन्‌याङ। खोन्‍नुछाङ, मोचिआ ओ काचिचि मुमा ओन्‍ङा माआङ, मेन मोवाको काचिचि मुमा राक नि म़नाचिछाङ म़प़चि।

रोमि 2:7

हुङ्‌याङ्‌सा अ़नुवाक काचि मुयाङ्‌सा साऩङ्‌वा, साया खोन्‍कि अ़स़निन्‍दानिन्‌ओ ह़ङ्‌म़ङ कालाम्‌चि निनाम्‍हाङ्‌आ अ़लुक्‍निन्‌ओ ह़ङ्‌म़ङ म़प़चि।

रोमि 5:12

अ़क्‍छा म़नालाम्‍पा हेन्‍खामादा हेवा ता, खोन्‍कि हेवादाङ्‌का स़मा। खोन्‍कि झारा म़नाचि हेवा म़मुवाओसा झारा म़नाचिएदा स़मा ता।

रोमि 5:17

देकिनालो अ़क्‍छा म़ना आदम्‌ओ अ़हेवाआ स़मा हाङ मुवानालो निनाम्‍हाङ्‌ओ तोक्‍पो अ़चुसोमातुक्‍मा खोन्‍कि खोक्‍कोसो साम्‌योक्‍मिओ छुक्‍तुप्‍मा कातोक्‌चिआ अ़क्‍छा म़ना येसु ख्रिस्‍तलाम्‍पाङा अ़धुन्‌ओ ह़ङ्‌म़ङ अ़तोक।

रोमि 5:21

खोन्‌ओसा देत्‍नि हेवाआ स़मादा हाङ मुवा, मोवात्‍निङा येसु ख्रिस्‍त आन्‍हाङ्‌पालाम्‍पा सोमातुक्‍माआछाङ हाङ मुकिना साम्‌योक्‍मिलाम्‍पा अ़लुक्‍निन्‌ओ ह़ङ्‌म़ङ्‌दा म़तित।

रोमि 6:16

दि खानानिन त़सिन्‍तिमिन्‌येन, लोमाय़ङ हारुक्‌चिवात्‍नि खानानिन साङ आप्‍पि त़प़न्‍लाविन्‍चिन, खानानिन लोन्‌ओवा त़च़न्‌ओ आम्‍नुओ हाङ्‌पाओ अ़चुहारुक्‌चि ओ। खानानिन हेवाओ अ़हारुक लिमा त़ऱन, मोसाआ स़मादा त़खात्‍तिन। माङ्‌लो खानानिन निनाम्‍हाङ्‌आ लोमाय़ङ छेन्‍मा त़ऱम, मोसाआ साम्‌योक्‍मि ह़ङ्‌म़ङ्‌दा त़खात्‍तिन।

रोमि 6:21

मोन्‍ग़रि त़मुम्‌ओ य़ङ्‌चिदा आइमित आम्‍नुओ लेजो कात, मो य़ङ्‌चिदाङ्‌का खानानिन्‌आ दि त़तोक्‍तुम? मोसोओ अ़सिवा स़मा ओ।

रोमि 8:13

देकिनालो हेवामि मित्‍मावात्‍नि त़ह़ङिन्‌नालो खानानिन त़स़न, मेन सेङ्‌लावालाम्‍पा पोक्‌ओ हेवामि काचिचि त़लुक्‍तुम्‍च़म्‌नालो खानानिन त़ह़ङिन।

रोमि 8:38

देकिनालो अ़ङ्‌का ओ अ़नुछ्‍या सिन्‍तुङ्‌योङ, ना स़माआ ना ह़ङ्‌म़ङ्‌आ ना निनाम्‍हाङ काफाचिआ ना अ़खान्‍मिन्‌ओ सावाचिआ, ना आइमित्‌ओ य़ङ्‌चिआ ना माय़ङ म़ताओ य़ङ्‌चिआ, ना हेन्‍खामादाओ खाक्‍कोछाङ सावाचिआ,

रोमि 8:39

खोन्‍किना नाम्‍चोक्‌दुओ सावाचिआ ना हेन्‍खामा भेन्‌युओ सावाचिआ, अ़नुछ्‍याङा, झारा मुन्‍माय़ङ्‌दाओ खाक्‍कोछाङ य़ङ्‌आ, ख्रिस्‍त येसु आन्‍हाङ्‌पा आन्‍कान्‌एदा म़युङ्‌याङ्‌ओसा आन्‍निनाम्‍हाङ्‌ओ अ़चुसोम्‍तुक्‍मादाङ्‌का आन्‍कान फेक्‍मा म़ऱनिन।

रोमि 8:6

हेवामि पोक मित्‍माचिदा मिन्‍मा पाक्‍मानिओ स़मा ओ, मेन सेङ्‌लावादा मिन्‍मा पाक्‍मानिओ ह़ङ्‌म़ङ खोन्‍कि सेवाङ्‌नि ओ।

गलाति 3:10

य़ङ्‌हुप्‌दा सोम्‍कुवा कामु झारा माङ्‌म़हिम, देकिनालो साम्‍कालिन्‌दा ओवात्‍नि छाप्‍तायुङ्‌सा, “य़ङ्‌हुप छाप्‍लाखादा छाप्‍ताओ झारा य़ङ्‌चिदा मान्‌युङ्‌कादा खोन्‍कि मो मान्‍मुकादाचि झारा माङ्‌म़हिम।”

तितस 1:2

ओ साकोङ्‌छ़ङ्‌लाम्‍पा आन्‍कान अ़लुक्‍निन्‌ओ ह़ङ्‌म़ङ तोक्‍तुम निकिना तामामित्‍मा मुन। देम्‍खाछाङ सोज्‍जेओ मान्‍चेप्‍कादा निनाम्‍हाङ्‌आ निनाम्‍मा हेन्‍खामा मुन्‍मा बुयाङा आन्‍कान ओ ह़ङ्‌म़ङ प़नानिन निकिना म़हिप्‍तायुङ्‌साओ।

याकुब 1:15

खोन्‍किना अ़अ़त्‍पा मित्‍माआ हेवा म़मेत्‍तुचि, खोन्‍कि हेवा पोन्‍किना स़खादा तित्‍तुचि।

१ युहन्‍ना 2:25

खोन्‍कि येसुआ आन्‍कान दि म़हिप्‍ताओ, मो अ़लुक्‍निन्‌ओ ह़ङ्‌म़ङ ओ।

खाङ्‌मुमा 21:8

मेन अ़चुक़मा काकात्‌चि, साकोङ्‌छ़ङ मान्‍मुकादाचि, चिप्‍माकात्‍तुओचि, म़ना कासेत्‌चि, पोप्‍कामुचि, म़क्‍फेङ कामुचि, सेम्‍पोक काब़क्‌चि खोन्‍कि म़ना काम़प्‌चि झारा मो म़नाचिओ अ़चुपाङ्‌यि लेत्‌याङ्‌ओ गन्‍दक्‌ओ मिराक्‌दा लि। ओ ह्‍वादुओदु स़मा ओ।”