रोमि 6:19 - बान्‍तावा राई

¹⁹ खानानिन्‌आ तुप्‍मा त़ऱम्‍ने, अ़ङ्‌का अ़मात्‍ऩङ्‌चिदा चेप्‍ङाङा। खानानिन्‌आ अ़क्‍दु आम्‍नुओ पोक्‍फुत्‌चि पोप्‍माय़ङ खोन्‍कि च़लोक हेवाओ निम्‍पाङ त़याङुम्‍च़म, हान मोवात्‍निङा खानानिन सेङ्‌लो त़लिनिन्‌ओसा झारा आम्‍नुओ पोक्‍फुत्‌चि साम्‌योक्‍मि काचिदा याङानुम्‍च़म।

रोमि 6:19 ပူးပေါင်းရင်းမြစ်များ

मत्‍ति 4:23

खोन्‍किना येसु मोचिओ अ़चुयावायोक्‍खिम्‌चिदा चिन्‌याङ्‌सा, निनाम्‍हाङ्‌होन्‌ओ अ़तुक्‌वादा नुय़ङ्‌खान खालुयाङ्‌सा, खोन्‍कि म़नाचिओ अ़चुरादाओ झाराकापाराओ अ़चुसारिमा खोन्‍कि अ़चुमान्‍ऱदामादा नुयाङ्‌सा झारा गालिल्‌दा म़कोला।

रोमि 15:1

आन्‍कान साकोङ्‌छ़ङ्‌दा नुलोक पोइन्‌ओचिआ मान्‍पोन्‍म़युक्‌ओ म़नाचि आङ्‌मादोत खोन्‍कि आन्‍कान आप्‍पि ओन्‍ङा ऩङानुमान्‍चिन अ़नुनिन।

रोमि 3:5

मेन आन्‍मान्‍साम्‌योक्‍मिआ निनाम्‍हाङ्‌ओ अ़चुसाम्‌योक्‍मि नुलोक खाङ्‌मुसुनालो आन्‍कान दे य़ङिन? दि निनाम्‍हाङ्‌ओ अ़चुमाइसुङ आन्‍कान्‌एदा ताहिदा खा-खाक्‍को म़नाचि खोक्‍कोसाआ अ़फिसानि म़य़ङ। मो अ़नुछ्‍या ओ?

रोमि 6:13

आम्‍नुओ पोक्‌ओ खाक्‍कोछाङ अ़फुत्‌चि हेवा मुमा निम्‍पाङ अ़अ़त्‍पाओ मित्‍चिऩङ्‌चिदा मान्‌याङ्‌दानुम्‍च़म। मेन स़मादाङ्‌का ह़ङ्‌म़ङ्‌दा काफान्‍नान्‍चिन म़नाचिवात्‍नि निनाम्‍हाङ्‌ओ अ़नुवाक अ़चुकाचि मुसि पुवालावानिन्‍चिन खोन्‍कि झारा आम्‍नुओ पोक्‍फुत्‌चि साम्‌योक्‍मिओ अ़मित्‍चिऩङ्‌चिओ निम्‍पाङ याङानुम्‍च़म।

रोमि 7:23

मेन अ़ङ्‌पोक्‍फुत्‌चिदा नितात य़ङ्‌हुप्‌आ अ़ङ्‌मिन्‍मादा याक्‌याङ्‍ओ निनाम्‍हाङ्‌ओ अ़चुय़ङ्‌हुप्‌ओ अ़देङ्‌सालाप्‍पादा ङेङ मु। खोन्‍कि अ़ङ्‌पोक्‍फुत्‌चिदा याक्‌याङ्‍ओ हेवाओ अ़य़ङ्‌हुप्‌आ अ़ङ्‌का अ़छुम्‍ङा।

रोमि 8:26

सेङ्‌लावाआछाङ आन्‍कान आन्‍मान्‍ऱदामादा म़फा। आन्‍कान देत्‍नि यामात्‍मादोत्‌ओ आन्‍कान अ़लेसिमिन, मेन य़ङ्‌सिवाचिदा य़ङ्‌मा अ़ऱन्‍मिन्‌ओ ह़त्‍पादा सेङ्‌लावाआङा आन्‍को निम्‍पाङ याम़मात प़।

१ कोरिन्‍थि 5:6

आम्‍नुओ ऱक्‍भाक अ़नुवाक माआङ। उन्‍नि खमिराआ झारा बुत्‍थ़ बोप होम्‍सुलोइसुनि दि खानानिन्‌आ त़सिन्‍तिमिन्‌येन?

१ कोरिन्‍थि 6:11

खा-खाक्‍को खानानिन्‌छाङ ओवाकोङा त़मुन्‌येन। मेन खानानिन वाऩस़न्‌युङ्‌सिन, खानानिन त़सेङिन्‌युङ्‌सिन, हाङ्‌पा येसु ख्रिस्‍तओ अ़चुऩङ्‌दा खोन्‍कि आन्‍निनाम्‍हाङ्‌ओ अ़चुलावालाम्‍पा खानानिन निनाम्‍हाङ्‌ओ अ़चुबुदा साम्‌योक्‍मि ऩकाइसिन्‌युङ्‌सिन।

१ कोरिन्‍थि 9:8

दि अ़ङ्‌का म़नाओ अ़मिन्‍माआ ओन्‍ङा ओ य़ङ्‌ङाङाओ कि? दि य़ङ्‌हुप्‌छाङ ओवात्‍नि य़ङ्‌याङ माआङ कि?

गलाति 3:15

ब़ब़, नाना खोन्‍कि निछाचि ओ, अ़लेन्‍खिन्‍तुम्‌ओ ह़ङ्‌म़ङ्‌दाङ्‌का अ़क्‌तात अ़मात्‍ऩङ खाङ्‌मेत्‍नानिन्‍ने। अ़क्‍दु अ़छ़ङ लिसाचिआओ म़नाओ हिप्‍माय़ङ्‌दा साङ्‌आछाङ क़प्‍मा अ़ऱन, ना मोदा अ़क्‍चित तेप्‍माङा ऱ।

हिब्रु 12:15

मिन्‍मा पाक्‍तानुम, खाक्‍कोछाङ म़ना निनाम्‍हाङ्‌ओ अ़चुसोम्‍तुक्‍मा तोक्‍मादाङ्‌का देङ्‌सा अ़लानिन्‍ने। मोवात्‍नि खाक्‍कोछाङ ख़क्‌याङ्‌ओ छ़क्‌ओ अ़ताङ लित्‌किना मोसाआ झारा खान्‌अ़त्‍लो त़मुन खोन्‍कि मोसाआ ब़द्‍धेकापाङ त़पोप्‍तिन।

हिब्रु 4:15

आन्‍काओ मुलो काब़क्‍पा आन्‍माऱदामाचिदा सोमामान्‍तुक्‍कादा ऩमुनिनिन। मेन आन्‍कान्‌वात्‍नि खोक्‍को झारा य़ङ्‌दा हेवादा धान्‍मा अ़लाप्‍ताहिदाछाङ खोक्‍को हेवादा मान्‍धान्‍दान्‍चिन।