रोमि 6:10 - बान्‍तावा राई

¹⁰ खोक्‍को म़सुवाओसा, हेवाओ अ़सावा खोक्‍कोएदा मात्‍द़ङ, खोन्‍कि ओन्‍ग़रि खोक्‍को निनाम्‍हाङ्‌एनान्‌ओ यावायोक्‌दा म़युङ्‌याङ।

रोमि 6:10 ပူးပေါင်းရင်းမြစ်များ

लुका 20:38

निनाम्‍हाङ म़सुवादाओचिओ अ़चुनिनाम्‍हाङ माआङ, मेन अ़ह़ङ्‌चिओ अ़चुनिनाम्‍हाङ ओ। देकिनालो निनाम्‍हाङ्‌ओ अ़चुखाङ्‌मादा झारा म़नाचि म़ह़ङ्‌याङ।”

रोमि 6:11

मोवात्‍नि खानानिन्‌एदाछाङ हेवाओ अ़सावा मात्‍द़ङ, मेन ख्रिस्‍त येसुएदा निनाम्‍हाङ्‌ओ निम्‍पाङ अ़ह़ङ त़लिसिन्‌ओ मित्‍मान्‍चिन्‍दोत।

रोमि 6:9

आन्‍कान सिन्‍तुम्‌योम ख्रिस्‍त म़सुवादाओदाङ्‌का म़खोन्‍तालोन्‍तायुङ्‌साओसा खोक्‍को देम्‍खाछाङ ऩलानिन्‍स़निन। हान्‌दाङ्‌का ह्‍यात्‍नि खोक्‍कोएदा स़मा सावाआ देम्‍खाछाङ हाङ अ़मुन।

रोमि 8:3

आन्‍को हेवामि आन्‍मित्‍माचि मान्‍ऱकादा म़लिसाओसा य़ङ्‌हुप्‌आ दि मुमा मान्‍ऱदो, मो निनाम्‍हाङ्‌आ अ़मुवा। निनाम्‍हाङ्‌आ आप्‍पिओ अ़चुछा अ़याङाकि आन्‍कान्‌वाको हेवामिचिओ आन्‍हेवाचिओ निम्‍पाङ हेन्‍खोक्‌वा अ़पुवाकि हेवाओ अ़क़म्‍मा आन्‍कान्‌एदाङ्‌का अ़लुक्‍ता।

२ कोरिन्‍थि 5:15

ओवात्‍नि, ख्रिस्‍त आन्‍कान झारासोओ निम्‍पाङ म़सुवा। खोन्‌ओसा साङ आप्‍पिओ निम्‍पाङ ह़ङ, मो हान्‌दाङ्‌का आप्‍पिओ निम्‍पाङ माआङ, मेन आन्‍कान झारासोओ निकिना कास़ खोन्‍कि म़सुवाओदाङ्‌का म़लासाखोन्‍तालोन्‍ताओसो निम्‍पाङ आन्‍कान ह़ङ्‌मादोत।

२ कोरिन्‍थि 5:21

खोन्‌ओसा आन्‍कान खोक्‍कोएदा निनाम्‍हाङ्‌आ अ़नुवाक कान्‍मा म़ऱने निम्‍पाङ हेवाङा मान्‍मुकादा ख्रिस्‍त निनाम्‍हाङ्‌आ आन्‍को निम्‍पाङ हेवाओ हेन्‍खोक्‌वा अ़मुवा।

१ पत्रुस 3:18

देकिनालो ख्रिस्‍त्‌छाङ आन्‍कान निनाम्‍हाङ्‌एदा तात्‍मा निम्‍पाङ साम्‌योक्‍मि म़ना मान्‍साम्‌योक्‍मिचिओ निकि खोक्‍को अ़धुन्‌ओ निम्‍पाङ हेवामिचिओ अ़चुफान्‌दा अ़क्‍दु म़सुवा। खोक्‍को पोक्‌दा म़सुवा, मेन लावादा म़खोन्‍तालोन्‍ता।

१ पत्रुस 4:6

खोन्‌ओसा पोक्‌दा मोचि म़नाचिवात्‍नि छ़ङ्‌छेन्‍मादा म़छुक्‍तानुछाङ लावादा मोचि निनाम्‍हाङ्‌वात्‍नि म़ह़ङ्‌ने निम्‍पाङ म़सुवादाओचिओ निकिछाङ नुय़ङ्‌खान खाअ़लुसाओ।