रोमि 5:5 - बान्‍तावा राई

⁵ खोन्‍कि सोम्‍कुवाआ आन्‍कान लेजोदा म़पाक्‍निन, देकिनालो आन्‍कान म़पुवाओ सेङ्‌लावालाम्‍पा निनाम्‍हाङ्‌ओ अ़चुसोमातुक्‍मा आन्‍साकोङ्‌वाचिदा म़पाक्‍तापुवायुङ्‌सा।

रोमि 5:5 ပူးပေါင်းရင်းမြစ်များ

छाम्‍माय़ङ 10:45

खोन्‍कि सेङ्‌लावाओ आसिखा निरावाचिछाङ निनाम्‍हाङ्‌आ म़प़चिओ अ़खाकि पत्रुस्‌एनान अ़क्‍नि काबान यहुदि साकोङ्‌छ़ङ कामुचि दोम्‍तुदोचि,

छाम्‍माय़ङ 2:17

‘निनाम्‍हाङ म़य़ङ्‌याङ, आदेङ्‌ओ लेन्‍चिदा, झारा म़नाचि अ़ङ्‌का अ़ङ्‌लावा पाक्‍तुङ्‌प़ङ्‌च़ङ। खोन्‍कि आम्‍नुओ दुवाछा छाचिकि मेत्‍छाछा छाचि निनाम्‍हाङ्‌य़ङ म़चेप, खोन्‍कि आम्‍नुओ थाङाछाचिआ सेन्‍चिचि म़खाचि, खोन्‍कि आम्‍नुओ खोक्‍पा म़नाचिआ सेन्‍माङ्‌चि म़खाचि।

छाम्‍माय़ङ 2:33

खोन्‌ओसा निनाम्‍हाङ्‌आ येसु अ़झोइसाकि तोक्‍पो अ़मुवा, खोन्‍कि निनाम्‍हाङ्‌आ अ़हिप्‍ताओ सेङ्‌लावा येसु अ़पुवा, खोन्‍किना येसुआ आन्‍कान सेङ्‌लावा च़लोक म़पुवायुङ्‌सा। मो खानानिन ओन्‍ग़रि त़खाम्‌योम खोन्‍कि त़एनुम्‌योम।

रोमि 1:7

रोम्‌दा कायुङ खानानिन झारा अ़ङ्‌का छाप्‍नाङ्‌नानिन, निनाम्‍हाङ्‌आ सोमाऩतुक्‍तिन्‌येन्‌ओचि, खानानिन निनाम्‍हाङ्‌ओ अ़चुम़नाचि लिसि ऩबुत्‍तिन्‌युङ्‌सिन: आन्‍पापा निनाम्‍हाङ खोन्‍कि हाङ्‌पा येसु ख्रिस्‍तएदाङ्‌का खानानिन्‌आ सोम्‍तुक्‍मा खोन्‍कि सेवाङ्‌नि त़तोक्‍तुम्‍ने।

रोमि 8:28

आन्‍कान सिन्‍तुम्‌योम, खोक्‍को सोमाकातुक्‌चि खोन्‍कि खोक्‍कोसोओ अ़चुमित्‍चिऩङ्‌वात्‍नि म़बुत्‍तुचिओचिओ निम्‍पाङ झारा य़ङ्‌चिदा निनाम्‍हाङ्‌आ नुलोक म़मुचि।

रोमि 9:33

ओवात्‍नि छाप्‍तायुङ्‌सा, “खानुम, अ़ङ्‌का सियोन्‌दा अ़क्‌तात लुङ युङ्‌सुङ्‌योङ, मोदा म़नाचि म़धुङ, खोन्‍कि अ़क्‌तात लुङ्‌छ़ङ युङ्‌सुङ्‌योङ, मोसाआ मोचि धाम्‍सुचि, मेन खोक्‍कोएदा साङ सोम्‍कुवा मु, मो लेजोदा अ़छुक्‍निन।”

१ कोरिन्‍थि 8:3

मेन निनाम्‍हाङ सोमाकातुक म़ना निनाम्‍हाङ्‌आ अ़सिन।

२ कोरिन्‍थि 1:22

खोक्‍कोसाआ आन्‍कान्‌एदा अ़चुसेप्‍मा म़पाक्‍तायुङ्‌सा, खोन्‍कि आन्‍साकोङ्‌वादा चिनोयाङ्‌वात्‍नि खोक्‍कोसोओ अ़चुलावा म़पुवायुङ्‌सा।

२ कोरिन्‍थि 3:18

खोन्‍कि आन्‍कान झारा मुन्‍जेत लाराखाइसाओ ङाइवाचिआ हाङ्‌पाओ अ़चुसाम खाङ्‌मुसुम। खोन्‍कि आन्‍कान खोक्‍कोसोओ अ़चुसाम्‌दा च़लोक्‌वा फान्‌याङ्‌सा खारिन। ओ हाङ्‌पाएदाङ्‌का ता, खोक्‍को सेङ्‌लावा ओ।

२ कोरिन्‍थि 4:6

निनाम्‍हाङ्‌आ “कुन्‍चियाधेक्‍धेक्‌ओदा साम लेत्‍ने!”नि म़य़ङा। मो निनाम्‍हाङ्‌आङा येसु ख्रिस्‍तओ अ़चुङाइवादा निनाम्‍हाङ्‌ओ अ़चुसाम आन्‍कान सिन्‍मा ऱम्‍ने निकिना आन्‍साकोङ्‌वादा खोक्‍कोसोओ अ़चुसाम अ़लेइसायुङ्‌सा।

गलाति 4:6

खानानिन निनाम्‍हाङ्‌ओ अ़चुछाचि त़लिसिन्‌ओसा, निनाम्‍हाङ्‌आ अ़चुछाओ अ़चुलावा आन्‍साकोङ्‌वादा म़पाक्‍तापुवा, मो लावाआ “अब्‍बा, आपो!”नि य़ङ्‌सा अ़बुत।

गलाति 5:22

मेन सेङ्‌लावाओ अ़चुसिवा सोम्‍तुक्‍मा, मिन्‍माचानुमा, सेवाङ्‌नि, हुङ्‌मा, सोम्‍तुक्‍मा खाङ्‌मुमा, नुलोक मुमायु, सोम्‍कुवामुमायु,

एफिसि 1:13

खोन्‍कि खानानिन्‌आछाङ खोक्‍कोएदा अ़छ़ङ य़ङ आम्‍नुओ लेन्‍माय़ङ नुय़ङ्‌खान त़एनुम, खोन्‍कि खोक्‍कोएदा साकोङ्‌छ़ङ त़मुन। खोक्‍कोएदाङा खानानिन हिप्‍माय़ङ सेङ्‌लावाआ ऩसेप्‍तिन।

एफिसि 4:30

खोन्‍कि निनाम्‍हाङ्‌ओ अ़चुसेङ्‌लावा दुखा मान्‍प़दानुम, खोक्‍कोएदा लेन्‍माय़ङ लेन्‌ओ निम्‍पाङ खानानिन ऩसेप्‍तिन्‌युङ्‌सिन।

फिलिप्‍पि 1:20

अ़ङ्‌को अ़न्‍नुनु अ़ङ्‌हुङ्‌मा खोन्‍कि सोम्‍कुवा ओङा ओ, अ़ङ्‌का देम्‍खाछाङ लेजो अ़लिऩङ, मेन अ़ङ्‌को च़लोक अ़ङ्‌राक पोन, खोन्‍कि अ़धुन्‌वा आइमित्‌छाङ अ़ङ्‌पोक्‌आ ख्रिस्‍त साया मेत्‍तु, ह़ङ्‌ङानेकि स़ङादाङाने।

१ थेसलोनिकि 4:8

खोन्‌ओसा साङ्‌आ ओ चिन्‍माय़ङ ऩङाछिरु, मोसाआ म़ना माआङ, मेन निनाम्‍हाङ ऩङाछिरु, खोक्‍कोसाआङा खानानिन अ़चुसेङ्‌लावा ऩप़न।

२ थेसलोनिकि 2:16

हान आन्‍कान सोमाकातुक खोन्‍कि खोक्‍कोसोओ अ़चुसोम्‍तुक्‍मालाम्‍पा अ़लुक्‍निन्‌ओ राक खोन्‍कि झारादाङ्‌का अ़नुवाक सोम्‍कुवा काप़ आन्‍हाङ्‌पा येसु ख्रिस्‍त खोन्‍कि निनाम्‍हाङ,

२ तिमोथि 1:12

खोवात्‍निओसा अ़ङ्‌का ओ य़ङ्‌चिदा छेक्‍खादा दुखा आङ्‌तुङ्‌योङ, खोन्‍नुछाङ अ़ङ्‌का ओ य़ङ्‌दा अ़ङ्‌लेजो अ़कात्‍निन। देकिनालो अ़ङ्‌का साङ्‌एदा साकोङ्‌छ़ङ मुङ्‌युङ्‌सुङ, अ़ङ्‌का सिन्‍तुङ्‌योङ खोन्‍कि अ़छ़ङ मुङ्‌युङ्‌सुङ, दि अ़ङ्‌का खोक्‍कोसोओ अ़चुलामाय़मातारि प़ङ्‌युङ्‌सुङ, मो रात्‍मा काऱ खोक्‍को म़युङ्‌याङ।

१ युहन्‍ना 4:19

आन्‍कान सोमातुक्‍मुन्‌येन, देकिनालो बुया निनाम्‍हाङ्‌आ आन्‍कान सोमाम़तुक्‍ता।