रोमि 5:20 - बान्‍तावा राई

²⁰ झारा म़नाचिआ देम हेवा म़मुवायुङ्‌सा, मो अ़सिन्‍ने निकिना निनाम्‍हाङ्‌आ अ़चुय़ङ्‌हुप म़पुवा, मेन खादा हेवा पोया, मोदा सोमाम्‍तुक्‍माछाङ च़लोक पोया।

रोमि 5:20 ပူးပေါင်းရင်းမြစ်များ

मत्‍ति 20:9

आप्‍फात पाच्‌काकोम साङाहिदा काचि मुसि कावाङ्‌चि म़ता, खोन्‍कि मोचि झारासा अ़क्‌लेन्‌ओ काचिलुङ अ़तोक्‍ता।

मत्‍ति 9:13

मेन खारानिन खोन्‍कि ओसोओ अ़तुप्‍माय़ङ दि ओ चिन्‍तानिन्‍चिन: ‘अ़ङ्‌का हेन्‍खोक्‌वा माआङ, सोम्‌योक्‍मा अ़ङ्‌ऩङानु।’ देकिनालो अ़ङ्‌का साम्‌योक्‍मिचि माआङ, मेन हेवामिचि बुत्‍सि ताङ्‌ओ।”

लुका 7:47

खोन्‌ओसा अ़ङ्‌का खाना लोना, ओसोओ ब़द्‍धे अ़हेवाचि लेत्‍तुङ्‌युङ्‌सुङ्‌निओ य़ङ ओसाआ अ़ङ्‌का ब़द्‍धे सोमाअ़तुक्‍ताङ्‌निओ य़ङ्‌आ खाङ्‌मुसु। मेन साङ्‌को उन्‍नि अ़हेवा लेत्‍तुङ, मोसाआ उन्‍नि ओन्‍ङा अ़ङ्‌का सोमाअ़तुक्‍ङा।”

युहन्‍ना 10:10

काख़ ना ख़सि, सेत्‍सि खोन्‍कि लुक्‍सि ओन्‍ङा ता। मेन अ़ङ्‌का ना भेराचिआ ह़ङ्‌म़ङ अ़तोक्‍ने खोन्‍कि मो ह़ङ्‌म़ङ च़लोक अ़तोक्‍ने निकिना ताङ्‌ओ।

युहन्‍ना 15:22

अ़ङ्‌का मान्‍ताङाओ खोन्‍कि मोचि खामान्‌एत्‍ङाच़ङ्‍ओ दे, मोचि हेवाओ लाहि मान्‍पाक्‍चिओ, मेन हान ना अ़चुओ हेवाओ निम्‍पाङ मोचिएदा दित्‍छाङ अ़ऩङ्‌मुखा मात्‍द़ङ।

रोमि 4:15

देकिनालो म़ना य़ङ्‌हुप्‌वा च़मा अ़ऱनिन खोन्‌ओसा निनाम्‍हाङ्‌ओ अ़चुमाइसुङ ता। मेन य़ङ्‌हुप्‍ङा मात्‍द़ङ्‌नालो ना य़ङ्‌हुप फियाङ्‌सा हेवा मुमा काचिछाङ मान्‍लिओ।

रोमि 6:1

खोन्‍नालो आन्‍कान दे य़ङिन? दि निनाम्‍हाङ्‌ओ अ़चुसोम्‍तुक्‍मा पोन्‍ने निम्‍पाङ आन्‍कान हेवा मुमायुङ्‌मा म़ल़क?

रोमि 6:14

हेवा खानानिन्‌एदा हाङ अ़मुनिन, देकिनालो खानानिन य़ङ्‌हुप्‌ओ अ़क़म्‍मादा त़याइमिन्‌येन, मेन सोम्‍तुक्‍माओ अ़क़म्‍मादा त़याइन्‌येन।