रोमि 5:2 - बान्‍तावा राई

² खोक्‍कोएदाङ्‌का आन्‍कान ओ सोम्‍तुक्‍मादा साकोङ्‌छ़ङ्‌लाम्‍पा वाङ्‌मा तोक्‍तुम्‌युङ्‌सुम। मो सोम्‍तुक्‍मादा आन्‍कान युङिन्‌येन, खोन्‍कि निनाम्‍हाङ्‌ओ अ़चुसाम आन्‍कान्‌छाङ तोक्‍मा सोम्‍कुवादा आन्‍ऩङानुसिन्‍चिन्‍ने।

रोमि 5:2 ပူးပေါင်းရင်းမြစ်များ

मत्‍ति 25:21

मोसोओ अ़हाङ्‌पाआ मो लासुलो, ‘नुलोक त़चुवा, अ़नुवाक खोन्‍कि सोम्‍कुवामुमायु हारुक। खाना उन्‍निदा सोम्‍कुवामुमायु त़लिसा, हान अ़ङ्‌का खाना ब़द्‍धे य़ङ्‌चिदा पाङ प़ना। खाना ताकि अ़ङ्‌काएनान अ़क्‍नि खाबाचादा आम्‍ऩङानुसान्‍चिन।’

युहन्‍ना 10:7

खोन्‌ओसा येसुआ मोचि म़लासुलोचि, “अ़नुछ्‍या, अ़ङ्‌का खानानिन लोनानिन, भेरा वाङ्‌खाओ अ़लाप्‍तिखोप अ़ङ्‌काङा ओ।

युहन्‍ना 10:9

लाप्‍तिखोप अ़ङ्‌काङा ओ। साङ अ़ङ्‌कालाम्‍पा वाङ्‌नालो मोचि म़लेत, खोन्‍कि खिम्‍हुत बुङ्‌खा लोइसा वाङ्‌सा म़मु, खोन्‍कि नागिदा चान्‍मा अ़तोक।

युहन्‍ना 14:6

येसुआ अ़लासालोवा, “लाम, अ़छ़ङ खोन्‍कि ह़ङ्‌म़ङ अ़ङ्‌काङा ओ। अ़ङ्‌काएदाङ्‌का नि साङ्‌लाम्‍पाछाङ अ़ङ्‌पापाएदु खात्‍मा अ़ऱनिन।

युहन्‍ना 5:24

अ़नुछ्‍याङा अ़ङ्‌का खानानिन लोनानिन, साङ्‌आ अ़ङ्‌य़ङ एनु खोन्‍कि अ़ङ्‌का काछुत साकोङ्‌छ़ङ मु, मोएदा अ़लुक्‍निन्‌ओ ह़ङ्‌म़ङ याक्‌याङ। मो लाहि अ़पाक्‍निन, मेन मो स़मादामादाङ्‌का ह़ङ्‌म़ङ्‌दा वाङायुङ्‌सा।

छाम्‍माय़ङ 14:27

खोचि एन्‍तिओखियादा लासाताचिकिना साम्‍भुङ अ़बुत्‍ताचु, खोन्‍कि निनाम्‍हाङ्‌आ खोचिएदा अ़मुवाओ झारा काचिचिओ अ़तुक्‌वादा खोन्‍कि देत्‍नि निनाम्‍हाङ्‌आ निरावाचिछाङ साकोङ्‌छ़ङ मुखालाम म़होत्‍तुप़चिओ मो खाअ़एत्‍ताचुचिन।

रोमि 11:20

मो नुयाङ, मोचिओ अ़चुसाकोङ्‌छ़ङ मान्‍मुदामाआङे खेत्‌चि म़ओराओ। खाना आम्‍साकोङ्‌छ़ङ्‌आ ओन्‍ङा मो स़ङ्‌ताङ्‌दा त़चोक्‍तायुङ्‌सा। खोन्‌ओसा ऱक्‍भाक मान्‍मुदा, मेन क़याङ्‌सा युङा।

रोमि 12:12

आम्‍नुओ तामित्‍माआ खानानिन आम्‍नुओ ऩङानुने, आम्‍नुओ दुखादा काआङ लिसानिन, अ़धुन यामारायुङ्‌सानिन।

रोमि 14:4

निओ अ़हारुक्‌ओ अ़छ़ङ्‌काछेन खाना साङ ओ? अ़हाङ्‌पाआ ए म़ल़क अ़हारुक नुलोक काचि मुवाओ हे फिसुओ, अ़छ़ङ मु। खोन्‍कि अ़हारुक तोङ्‌लो काचि मुमा ऱ, देकिनालो अ़हाङ्‌पाआ मो फामा ऱ।

रोमि 15:13

सोम्‍कुवा मुमा खान्‍तुओ निनाम्‍हाङ्‌आ झारा मिन्‍माचानुमा खोन्‍कि सेवाङ्‌निआ ऩभेम्‍सिन्‍ने, देकिनालो खानानिन खोक्‍को साकोङ्‌छ़ङ त़मुम। खोन्‌ओसा सेङ्‌लावाओ अ़चुसावाआ आम्‍नुओ सोम्‍कुवा पोन्‌याङ्‌सा खात।

रोमि 2:7

हुङ्‌याङ्‌सा अ़नुवाक काचि मुयाङ्‌सा साऩङ्‌वा, साया खोन्‍कि अ़स़निन्‍दानिन्‌ओ ह़ङ्‌म़ङ कालाम्‌चि निनाम्‍हाङ्‌आ अ़लुक्‍निन्‌ओ ह़ङ्‌म़ङ म़प़चि।

रोमि 3:23

झारासाआ हेवा म़मुवायुङ्‌सा, खोन्‍कि निनाम्‍हाङ्‌ओ अ़चुसाम्‌दा तामालामा मान्‍ऱम़युक।

रोमि 5:5

खोन्‍कि सोम्‍कुवाआ आन्‍कान लेजोदा म़पाक्‍निन, देकिनालो आन्‍कान म़पुवाओ सेङ्‌लावालाम्‍पा निनाम्‍हाङ्‌ओ अ़चुसोमातुक्‍मा आन्‍साकोङ्‌वाचिदा म़पाक्‍तापुवायुङ्‌सा।

रोमि 8:1

खोन्‌ओसा हान ख्रिस्‍त येसुएनान अ़क्‍नि कालिचिएदा दन्‍दा मात्‍द़ङ।

रोमि 8:24

निनाम्‍हाङ्‌आ आन्‍कान म़लेइसादाङ्‌का ओ सोम्‍कुवा म़पुवा। मेन ओ आइमित्‌तारि आन्‍कान मान्‍तोक्‌युक्‍तुम्‌ओसा आन्‍कान आन्‍मिन्‍मादा मो हुङुम्‌योम। आन्‍कान तोक्‍तुम्‌ओखाङ्‌दे देकि हुङ्‌मादोराओ?

१ कोरिन्‍थि 15:1

हान ब़ब़, नाना खोन्‍कि निछाचि ओ, अ़ङ्‌का खानानिन खाएत्‍नानिन्‌ओ नुय़ङ्‌खान अ़ङ्‌का खानानिन मित्‍मेत्‍नानिन। मो नुय़ङ्‌खान खानानिन्‌आ त़लोउम, खोन्‍कि मोदा खानानिन त़युङिन।

२ कोरिन्‍थि 3:18

खोन्‍कि आन्‍कान झारा मुन्‍जेत लाराखाइसाओ ङाइवाचिआ हाङ्‌पाओ अ़चुसाम खाङ्‌मुसुम। खोन्‍कि आन्‍कान खोक्‍कोसोओ अ़चुसाम्‌दा च़लोक्‌वा फान्‌याङ्‌सा खारिन। ओ हाङ्‌पाएदाङ्‌का ता, खोक्‍को सेङ्‌लावा ओ।

२ कोरिन्‍थि 4:17

देकिनालो आन्‍काओ अ़क्‍दुओ खोन्‍कि अ़चुप्‍पो अ़चाअ़त्‍माआ आन्‍काओ निम्‍पाङ तोङ्‌माखाङ्‌का अ़ऱन्‍मिन्‌ओ खोन्‍कि अ़धुन्‌ओ तोक्‍पो ऩङ्‌लोङ्‌मा चुम्‍सुयुङ्‌सुङु।

एफिसि 2:18

देकिनालो ख्रिस्‍तलाम्‍पाङा आन्‍कान झारा यहुदि खोन्‍कि निरावा अ़क्‌तात सेङ्‌लावालाम्‍पा आन्‍निनाम्‍हाङ पापाएदा तामालामा ऱन।

एफिसि 3:12

खोक्‍कोएदा मुम्‌ओ आन्‍साकोङ्‌छ़ङ्‌लाम्‍पा राक खोन्‍कि सोम्‍कुवादा आन्‍कान निनाम्‍हाङ्‌एदा खात्‍मा तोक्‍तुम।

एफिसि 6:13

खोन्‌ओसा निनाम्‍हाङ्‌ओ झारा अ़चुबान्‍छुबिछु बित्‍तानुम्‍च़म। मोवात्‍नि अ़अ़त्‍पा लेन तेम्‍मा रुवानुम, खोन्‍कि झारा काचि मुवानुम्‌कि पुक्‍मालोन्‍मा रुवानिन।

२ थेसलोनिकि 2:16

हान आन्‍कान सोमाकातुक खोन्‍कि खोक्‍कोसोओ अ़चुसोम्‍तुक्‍मालाम्‍पा अ़लुक्‍निन्‌ओ राक खोन्‍कि झारादाङ्‌का अ़नुवाक सोम्‍कुवा काप़ आन्‍हाङ्‌पा येसु ख्रिस्‍त खोन्‍कि निनाम्‍हाङ,

हिब्रु 3:6

मेन ख्रिस्‍त निनाम्‍हाङ्‌ओ अ़चुखिम्‌दा पाङ कामु छावात्‍नि सोम्‍कुवा मुमा खान्‍तुओ म़मुयाङ। खोन्‍कि आन्‍कान तोक्‍पो लिमायु आन्‍राक खोन्‍कि ख्रिस्‍तएदाओ आन्‍सोम्‍कुवा क़क्‍तुम्‌युङ्‌सुम्‌नालो आन्‍कान खोक्‍कोसोओ अ़चुखिम्‌दाओ म़नाचि ओ।

हिब्रु 6:18

निनाम्‍हाङ्‌आ ह्‍वातात ऩफान्‍निन्‌ओ य़ङ्‌चि अ़मुवा। ओसोओ अ़तुक्‌वादा निनाम्‍हाङ देम्‍खाछाङ ऩम़प्‍निन। खोन्‌ओसा आन्‍कान खोक्‍कोएदा रात्‍लुसि काखात्‌चि आन्‍बुदा म़युक्‍ताओ सोम्‍कुवा नुलोक लाप्‍मा तोक्‍पो राक आन्‍कान तोक्‍तुम्‌युङ्‌सुम।

१ पत्रुस 3:18

देकिनालो ख्रिस्‍त्‌छाङ आन्‍कान निनाम्‍हाङ्‌एदा तात्‍मा निम्‍पाङ साम्‌योक्‍मि म़ना मान्‍साम्‌योक्‍मिचिओ निकि खोक्‍को अ़धुन्‌ओ निम्‍पाङ हेवामिचिओ अ़चुफान्‌दा अ़क्‍दु म़सुवा। खोक्‍को पोक्‌दा म़सुवा, मेन लावादा म़खोन्‍तालोन्‍ता।

खाङ्‌मुमा 21:11

मो सहरा निनाम्‍हाङ्‌ओ अ़चुसाम्‌आ भेप्‍तायुङ्‌सा, खोन्‍कि मोसोओ अ़लेत्‍मा अ़लुङ छ़ओ वाचेत्‍लुङ्‌वा काराङा, बिल्‍लौर फत्‍किरिवाको छोक्‍छोक्‍छोक्‌वाओ मुवाङा।

खाङ्‌मुमा 21:23

मो सहरा उप्‍मा निम्‍पाङ नाम खोन्‍कि लादिप्‍मा मान्‍दोत्‌याङ देकिनालो निनाम्‍हाङ्‌ओ अ़चुसाम्‌आङा मो सहरा अ़उप खोन्‍कि थुबाछाङा मो सहराओ अ़कुपि ओ।

खाङ्‌मुमा 21:3

हाङ्‌युङ्‌खादाङ्‌का ओवात्‍नि य़ङाओ अ़क्‌तात अ़धिवा य़ङ अ़ङ्‌का एनुङ, “हान, निनाम्‍हाङ्‌ओ अ़चुयुङ्‌खा म़नाचिएनान लिसायुङ्‌सा। खोक्‍को मोचिएदा म़युङ, खोन्‍कि मोचि खोक्‍कोसोओ अ़चुम़नाचि म़लि। खोन्‍कि निनाम्‍हाङ आप्‍पि मोचिएनान म़युङ, खोन्‍कि खोक्‍को मोचिओ अ़चुनिनाम्‍हाङ म़लि।

खाङ्‌मुमा 3:21

साङ छो, खो अ़ङ्‌का अ़ङ्‌हाङ्‌मुखादा अ़ङ्‌काएनान युङ्‌मा प़ङ, देत्‍नि अ़ङ्‌का आप्‍पिछाङ छोसाङ खोन्‍कि अ़ङ्‌पापाएनान खोक्‍कोसोओ अ़चुहाङ्‌युङ्‌खादा युङ्‌ङाङा।