रोमि 5:10 - बान्‍तावा राई

¹⁰ आन्‍कान निनाम्‍हाङ्‌ओ अ़चुङेङ्‌चि मुन्‌येन्‌नुछाङ मेन खोक्‍कोसाआ अ़चुछाओ अ़चुस़मालाम्‍पा आन्‍कान खोक्‍कोसोओ अ़चुयावाचि म़मुवा। हान आन्‍कान निनाम्‍हाङ्‌ओ अ़चुयावाचि लिसिन्‌युङ्‌सिन्‌नालो अ़नुछ्‍याङा खोक्‍कोसोओ अ़चुछाओ अ़चुह़ङ्‌म़ङ्‌लाम्‍पा आन्‍कान म़ह़ङ।

रोमि 5:10 ပူးပေါင်းရင်းမြစ်များ

युहन्‍ना 14:19

हान अ़क्‍दुकि हेन्‍खामाआ अ़ङ्‌का देम्‍खाछाङ अ़खाङ्‌ऩङ, मेन खानानिन्‌आ अ़ङ्‌का त़खाङ्‌ङाऩङ। अ़ङ्‌का अ़ह़ङ लाङालिङाओसाआ खानानिन्‌छाङ अ़ह़ङ त़लासिन्‍लिसिन।

युहन्‍ना 5:26

देत्‍नि पापा आप्‍पिएदा ह़ङ्‌म़ङ प़मा सावा याक्‌याङ, मोवात्‍निङा खोक्‍कोसाआ अ़चुछाछाङ अ़धुन्‌ओ ह़ङ्‌म़ङ प़माओ सावा अ़पुवायुङ्‌सा।

युहन्‍ना 6:40

अ़ङ्‌पापाओ अ़चुमित्‍चिऩङ ओङा ओ, झारा साङ-साङ्‌चिआ अ़चुओ छा अ़खाङ, खोन्‍कि खोक्‍कोएदा साकोङ्‌छ़ङ म़मु अ़धुन्‌ओ ह़ङ्‌म़ङ अ़तोक्‍ने। अ़ङ्‌का मो आदेङ्‌ओ लेन्‌दा अ़ह़ङ मुङ।”

युहन्‍ना 6:57

देत्‍नि अ़ह़ङ पापा निनाम्‍हाङ्‌आ अ़ङ्‌का ऩछुत्‍ताङ खोन्‍कि पापा निनाम्‍हाङ्‌आ अ़ङ्‌का ह़ङ्‌म़ङ ऩपुवाङ्‌ओसाआ मोवात्‍निङा साङ्‌आ अ़ङ्‌का अ़चाङा, अ़ङ्‌का मो ह़ङ्‌म़ङ प़ङ।

रोमि 11:28

यहुदिचि नुय़ङ्‌खान लोक्‍मा म़छुन्‍ता। खोन्‌ओसा मोचि निनाम्‍हाङ्‌ओ अ़चुङेङ्‌चि म़लिसा। ओसाआ खानानिन निरावाचि नुलोक त़लिसिन। मेन हान्‍छाङ यहुदिचि निनाम्‍हाङ्‌आ म़छेन्‍तुचिओ म़नाचिङा ओ खोन्‍कि निनाम्‍हाङ्‌आ ब़द्‍धे सोमाम़तुक्‍तुचि, देकिनालो खोक्‍कोसाआ अ़चुसुन्‍तुम्‌चिएदा म़हिप्‍तुचिओ।

रोमि 5:11

ओन ओन्‍ङा माआङ, मेन आन्‍हाङ्‌पा येसु ख्रिस्‍तलाम्‍पा निनाम्‍हाङ्‌एदा आन्‍ऩङानुसिन्‍चिन, खोक्‍कोसाआ ओन्‍ग़रि आन्‍कान निनाम्‍हाङ्‌ओ अ़चुयावा म़मुवायुङ्‌सा।

रोमि 5:6

देकिनालो आन्‍कान मान्‍ऱदान्‌येन्‌्‌हिदाङा ख्रिस्‍त मान्‍साम्‌योक्‍मिचिओ निम्‍पाङ तोङाङाओ ग़रि म़सुवा।

रोमि 8:32

निनाम्‍हाङ्‌आ आप्‍पिओ अ़चुछा मान्‍लेत्‌अ़दा, मेन आन्‍कान झारासोओ निम्‍पाङ अ़चुछा म़पुवालावा। दि खोक्‍कोसाआ आन्‍कान म़हिप्‍ताओ झारा सामाचिछाङ अ़चुछाएनान अ़क्‍नि म़प़निन कि?

रोमि 8:34

निनाम्‍हाङ्‌ओ अ़चुम़नाचि हेवामिचिओ निकिना लाहिपाक्‍मा काऱ साङ ओ? साङ्‌छाङ मात्‍द़ङ, देकिनालो ख्रिस्‍त आन्‍को निम्‍पाङ म़सुवा, मोदाङ्‌का च़लोक, खो म़सुवादाओदाङ्‌का अ़ह़ङ म़लिसा खोन्‍कि निनाम्‍हाङ्‌ओ अ़चुचुप्‍ताङ्‌छुक्‍लिप्‍पा म़युङ्‌याङ खोन्‍कि आन्‍को निम्‍पाङ याम़मात्‌याङ।

रोमि 8:7

साङ्‌आ हेवामि मित्‍माचिदा अ़मिन्‍मा पाउ, मो निनाम्‍हाङ्‌ओ अ़चुङेङ लि। मो देम्‍खाछाङ निनाम्‍हाङ्‌ओ अ़चुय़ङ्‌हुप्‌दा अ़प़नान्‍लाप्‍नान्‍चिमिन, खोन्‍कि अ़नुछ्‍याङा लिमा अ़ऱनिन।

२ कोरिन्‍थि 5:20

खोन्‌ओसा आन्‍कान्‍का ख्रिस्‍तओ अ़चुओ हाङ्‌कोङ्‌पिचि ओ, खोन्‍कि निनाम्‍हाङ आन्‍कान्‍कालाम्‍पा म़य़ङ्‌याङ। आन्‍कान्‍का ख्रिस्‍तओ अ़चुलिप्‍पालाम्‍पा खानानिन लोनिङ्‌नि, निनाम्‍हाङ्‌एनान लासातोङानिन।

२ कोरिन्‍थि 5:21

खोन्‌ओसा आन्‍कान खोक्‍कोएदा निनाम्‍हाङ्‌आ अ़नुवाक कान्‍मा म़ऱने निम्‍पाङ हेवाङा मान्‍मुकादा ख्रिस्‍त निनाम्‍हाङ्‌आ आन्‍को निम्‍पाङ हेवाओ हेन्‍खोक्‌वा अ़मुवा।

एफिसि 2:16

खोन्‍कि खोक्‍कोसाआ क्रुस्‌दाओ अ़चुस़मालाम्‍पा आन्‍कान ह्‍वा रुहुप अ़क पोक्‌दाङा निनाम्‍हाङ्‌एनान म़तोङ्‌साकि ङेङ अ़लुक्‍ता।

एफिसि 2:3

अ़नुछ्‍या झारा आन्‍कान्‌छाङ मोचिओ अ़चुरादा अ़क्‍दु आन्‍पोक्‌ओ हेवामि च़माथाङ्‌मा च़क्‍ख़य़चिदा आन्‍ऩङानुवाङा, खोन्‍कि आप्‍पि आन्‍मित्‍माचि खोन्‍कि मिन्‍माचिवात्‍नि च़न्‌येन। नि म़नाचिवात्‍नि आन्‍कान च़माथाङ्‌माआ हेवामि लिसिन्‌ओसा आन्‍कान निनाम्‍हाङ्‌ओ अ़चुलोमा मान्‍काङ्‌दान्‌येन।

हिब्रु 2:17

खोन्‌ओसा खोक्‍को सोमाकातुक खोन्‍कि सोम्‍कुवा मुमायु मुलो काब़क्‍पा म़लिसाकि निनाम्‍हाङ अ़ब़क्‍ने निकिना झारा य़ङ्‌चिदा अ़चुनिछाचिवात्‍नि लिमादोरा। मोवात्‍नि म़लिसाकिना खोक्‍को म़नाचिओ अ़चुहेवाचि लेत्‍मा हेन्‍खोक्‌वा काप़ म़लिसा।

हिब्रु 7:25

खोन्‌ओसा खोक्‍कोलाम्‍पा निनाम्‍हाङ्‌ओ अ़चुच़क्‌दा काताचि खोक्‍कोसाआ ओन्‍ग़रि खोन्‍कि अ़धुन्‌तारि लेन्‍मा म़ऱचि। देकिनालो मोचिओ अ़चुलिप्‍पादा निनाम्‍हाङ्‌एदा यामात्‍सि खोक्‍को अ़धुन म़ह़ङ्‌युङ।

१ युहन्‍ना 2:1

सोमातुक्‍नाङ्‌नानिन्‌ओ अ़ङ्‌छाचि ओ, खानानिन हेवा मान्‍मुदानिन निकिना अ़ङ्‌का ओ य़ङ छाप्‍तुङ्‌योङ। मेन साङ हेवा मुनुछाङ निनाम्‍हाङ पापाएदा आन्‍लिप्‍पादा काचेप अ़क्‍छा साम्‌योक्‍मि येसु ख्रिस्‍त म़युङ्‌याङ।

१ युहन्‍ना 4:10

सोमातुक्‍मानिओ ओङा ओ, आन्‍कान निनाम्‍हाङ सोमातुक्‍तुम्‌ओ माआङ, मेन खोक्‍कोसाआ आन्‍कान सोमाम़तुक्‍ता ओ, खोन्‍कि आन्‍हेवा लेत्‍मा निम्‍पाङ हेन्‍खोक्‌वा लिसि अ़चुछा अ़य़सा।

खाङ्‌मुमा 1:18

अ़ङ्‌काङा अ़ह़ङ ओ। अ़ङ्‌का सुवाङ्‌दाङ्‌ओ, खानुम, अ़ङ्‌का अ़धुन-अ़धुन्‌तारिओ निम्‍पाङ ह़ङ्‌ङाङा। खोन्‍कि स़माओ खोन्‍कि सित्‍म़ङ दुखा तोक्‍खायुओ अ़होत्‍खाचि अ़ङ्‌काएदा म़युङ्‌याङ।