रोमि 5:1 - बान्‍तावा राई

¹ मोवात्‍नि साकोङ्‌छ़ङ्‌लाम्‍पा निनाम्‍हाङ्‌आ आन्‍कान साम्‌योक्‍मि म़काइसायुङ्‌सा। खोन्‌ओसा हान आन्‍हाङ्‌पा येसु ख्रिस्‍तलाम्‍पा निनाम्‍हाङ्‌एदा आन्‍कान सेवाङ्‌नि ह़ङिन।

रोमि 5:1 ပူးပေါင်းရင်းမြစ်များ

लुका 19:38

“निनाम्‍हाङ्‌ओ अ़चुऩङ्‌दा म़ताओ हाङ निनाम्‍हाङ्‌आ आसिखा अ़प़ने! निनाम्‍मादु सेवाङ्‌नि लिने खोन्‍कि झारादाङ्‌का धानि निनाम्‍हाङ्‌ओ अ़चुऩङ लोङ्‌ने।”

लुका 19:42

“निनाम्‍हाङ्‌एनान देत्‍नि तोङ्‌मा ऱन निकिना खाना आय़नुछाङ त़सिन्‍तुओ खाङ्‌दे नुवाओ! मेन ओन्‍ग़रि मो य़ङ खाना तुप्‍मा मान्‍ऱत़युक्‍तु।

लुका 2:14

“झारादाङ्‌का धानि निनाम्‍मादु निनाम्‍हाङ्‌ओ अ़चुऩङ लोङ्‌ने, खोन्‍कि हेन्‍खामादा खाक्‍को म़नाचिएनान निनाम्‍हाङ्‌ओ अ़चुऩङानुयाङ, मोचिओ अ़चुमिन्‍मा चानुलो लिने।”

युहन्‍ना 14:27

सेवाङ्‌नि अ़ङ्‌का खानानिन छित्‍नादानाप़नानिन। अ़ङ्‌को अ़ङ्‌सेवाङ्‌नि खानानिन प़नानिन। हेन्‍खामाआ प़न्‌वा अ़ङ्‌का खानानिन अ़प़नानिमिन। आम्‍नुओ साकोङ्‌वा चाअ़त्‍लो अ़लिनिन्‍ने खोन्‍कि अ़क़मा अ़कात्‍निन्‍ने।

युहन्‍ना 16:33

अ़ङ्‌तुक्‌वाआ खानानिन सेवाङ्‌नि त़लिसिन्‍ने निकिना अ़ङ्‌का खानानिन ओ य़ङ्‌चि लोनायुङ्‌नानिन। खोन्‌ओसा हेन्‍खामादा खानानिन दुखा त़तोक्‍तिन, मेन राक मुवानिन! अ़ङ्‌का हेन्‍खामाएदा छोसाङ।”

युहन्‍ना 20:31

मेन ओ य़ङ्‌चि म़छाप्‍तायुङ्‌सा खोन्‌ओसा खानानिन्‌आ येसु निनाम्‍हाङ्‌ओ अ़चुछा ख्रिस्‍तओ निकिना साकोङ्‌छ़ङ मुवानिन, खोन्‍कि साकोङ्‌छ़ङ्‌लाम्‍पा खोक्‍कोसोओ अ़चुपाङ्‌दा खानानिन ह़ङ्‌म़ङ तोक्‍तानुम।

युहन्‍ना 5:24

अ़नुछ्‍याङा अ़ङ्‌का खानानिन लोनानिन, साङ्‌आ अ़ङ्‌य़ङ एनु खोन्‍कि अ़ङ्‌का काछुत साकोङ्‌छ़ङ मु, मोएदा अ़लुक्‍निन्‌ओ ह़ङ्‌म़ङ याक्‌याङ। मो लाहि अ़पाक्‍निन, मेन मो स़मादामादाङ्‌का ह़ङ्‌म़ङ्‌दा वाङायुङ्‌सा।

छाम्‍माय़ङ 10:36

निनाम्‍हाङ्‌आ इस्राएलि म़नाचि म़हान्‍तुचिओ नुय़ङ्‌खान खानानिन त़सिन्‍तुम्‌योम। खोसाआ येसु ख्रिस्‍तलाम्‍पा खानानिन सेवाङ्‌निओ नुय़ङ्‌खान खाऩएत्‍तिन्‌युङ्‌सिन। खोक्‍कोङा झारासोओ आन्‍हाङ्‌पा ओ।

रोमि 1:17

देकिनालो नुय़ङ्‌खान्‌आ म़नाचि निनाम्‍हाङ्‌ओ अ़चुबुदा देत्‍नि साम्‌योक्‍मि कान्‌नि खाङ्‌मुसु। मो साम्‌योक्‍मि आन्‍कान्‌एदा साकोङ्‌छ़ङ्‌लाम्‍पा झारा ता। साम्‍कालिन्‌दा ओवात्‍नि छाप्‌याङ, “साम्‌योक्‍मि साकोङ्‌छ़ङ्‌लाम्‍पा ह़ङ।”

रोमि 1:7

रोम्‌दा कायुङ खानानिन झारा अ़ङ्‌का छाप्‍नाङ्‌नानिन, निनाम्‍हाङ्‌आ सोमाऩतुक्‍तिन्‌येन्‌ओचि, खानानिन निनाम्‍हाङ्‌ओ अ़चुम़नाचि लिसि ऩबुत्‍तिन्‌युङ्‌सिन: आन्‍पापा निनाम्‍हाङ खोन्‍कि हाङ्‌पा येसु ख्रिस्‍तएदाङ्‌का खानानिन्‌आ सोम्‍तुक्‍मा खोन्‍कि सेवाङ्‌नि त़तोक्‍तुम्‍ने।

रोमि 10:10

देकिनालो म़नाआ अ़साकोङ्‌वाआ साकोङ्‌छ़ङ मु, खोन्‍कि मो खोप्‍लो कान, खोन्‍कि खोसाआ अ़दोआ लोउ खोन्‍कि मो अ़लेन।

रोमि 10:15

खोन्‍कि मोचि मान्‍खान्‍माङ्‌तारि मोचिआ देत्‍नि नुय़ङ्‌खान खालुमा? ओवात्‍नि छाप्‌याङ, “नुय़ङ्‌खान खाकालुचिओ अ़चुलाङ्‌चि देम खान्‍नुओ!”

रोमि 14:17

देकिनालो निनाम्‍हाङ्‌ओ अ़चुहाङ्‌होन चामा खोन्‍कि दुङ्‌माओ अ़तुक्‌वा माआङ, मेन सेङ्‌लावादा, साम्‌योक्‍मि तोक्‍मायु, सेवाङ्‌नि खोन्‍कि ऩङानुमान्‍चिन्‌ओ।

रोमि 15:13

सोम्‍कुवा मुमा खान्‍तुओ निनाम्‍हाङ्‌आ झारा मिन्‍माचानुमा खोन्‍कि सेवाङ्‌निआ ऩभेम्‍सिन्‍ने, देकिनालो खानानिन खोक्‍को साकोङ्‌छ़ङ त़मुम। खोन्‌ओसा सेङ्‌लावाओ अ़चुसावाआ आम्‍नुओ सोम्‍कुवा पोन्‌याङ्‌सा खात।

रोमि 15:33

सेवाङ्‌नि काप़ निनाम्‍हाङ खानानिन झाराएनान अ़धुन म़युङ्‌ने। मोवात्‍निङा लिने।

रोमि 3:22

येसु ख्रिस्‍तदा झारा साकोङ्‌छ़ङ कामुचिएदा निनाम्‍हाङ्‌दाङ्‌काओ साम्‌योक्‍मि साकोङ्‌छ़ङ्‌लाम्‍पा ता। देकिनालो निनाम्‍हाङ्‌आ यहुदि खोन्‍कि निरावाचिओ अ़चुरादा लिप्‍पा ऩवाङ्‌निन,

रोमि 3:30

देकिनालो निनाम्‍हाङ अ़क्‍छा ओन्‍ङा म़युङ्‌याङ। खोन्‍कि खोक्‍कोसाआ सिप्‍मायाम्‍बुन म़मुवाओचिनेकि सिप्‍मायाम्‍बुन मान्‍मुकादाचिने, मोचि मो अ़चुसाकोङ्‌छ़ङ्‌लाम्‍पाङा साम्‌योक्‍मि म़काइसुचि।

रोमि 4:5

साङ काचि अ़मुनिन, मेन मान्‍साम्‌योक्‍मि साम्‌योक्‍मि काकान निनाम्‍हाङ्‌एदा सोम्‍कुवा मुनालो मो सोम्‍कुवाआङा निनाम्‍हाङ्‌आ मो साम्‌योक्‍मि अ़कान।

रोमि 5:11

ओन ओन्‍ङा माआङ, मेन आन्‍हाङ्‌पा येसु ख्रिस्‍तलाम्‍पा निनाम्‍हाङ्‌एदा आन्‍ऩङानुसिन्‍चिन, खोक्‍कोसाआ ओन्‍ग़रि आन्‍कान निनाम्‍हाङ्‌ओ अ़चुयावा म़मुवायुङ्‌सा।

रोमि 5:18

खोन्‌ओसा अ़क्‍छा म़नाओ अ़हेवाआ झारा म़नाचि दन्‍दा कातोक म़लिसा, मोवात्‍निङा अ़क्‍छा म़नाओ अ़साम्‌योक्‍मि काचिआ झारा म़नाचि साम्‌योक्‍मि काइसुचि खोन्‍कि झारा म़नाचि ह़ङ्‌म़ङ्‌दा तारुचि।

रोमि 6:23

देकिनालो हेवाओ अ़लुङ स़मा ओ, मेन निनाम्‍हाङ्‌आ मोहा प़माय़ङ्‌ओ अ़चुआसिखा ख्रिस्‍त येसु आन्‍हाङ्‌पाएदा अ़लुक्‍निन्‌ओ ह़ङ्‌म़ङ ओ।

रोमि 9:30

हान आन्‍कान दे य़ङिन म़ल़क? साम्‌योक्‍मि मान्‍त़ङ्‌कादा निरावाचिआ साम्‌योक्‍मि अ़तोक्‍तायुङ्‌सा, मो साकोङ्‌छ़ङ्‌लाम्‍पाओ साम्‌योक्‍मि ओ।

गलाति 2:16

खोन्‍नुछाङ आन्‍कान सिन्‍तुम्‌योम, य़ङ्‌हुप्‌ओ काचिलाम्‍पा म़ना साम्‌योक्‍मि अ़कान्‍निन, मेन येसु ख्रिस्‍तएदाओ साकोङ्‌छ़ङ्‌लाम्‍पा साम्‌योक्‍मि कान। खोन्‌ओसा आन्‍कान्‌छाङ आन्‍साकोङ्‌छ़ङ ख्रिस्‍त येसुएदा युङ्‌सुम, मोवात्‍नि आन्‍कान य़ङ्‌हुप्‌ओ काचिलाम्‍पा माआङ, मेन येसु ख्रिस्‍तएदाओ साकोङ्‌छ़ङ्‌लाम्‍पा साम्‌योक्‍मि कान्‍मा ऱन्‍चिन्‍ने। देकिनालो य़ङ्‌हुप्‌ओ काचिलाम्‍पा साङ्‌छाङ साम्‌योक्‍मि अ़कान्‍निन।

गलाति 3:25

मेन हान साकोङ्‌छ़ङ ताओसा हान्‌दाङ्‌का आन्‍कान य़ङ्‌हुप्‌ओ पाङ्‌दा अ़याइमिन्‌येन।

गलाति 5:22

मेन सेङ्‌लावाओ अ़चुसिवा सोम्‍तुक्‍मा, मिन्‍माचानुमा, सेवाङ्‌नि, हुङ्‌मा, सोम्‍तुक्‍मा खाङ्‌मुमा, नुलोक मुमायु, सोम्‍कुवामुमायु,

एफिसि 2:7

येसु ख्रिस्‍तआ ओ आन्‍कान्‌एदाओ खोक्‍कोसोओ अ़चुसोम्‍तुक्‍मादा अ़न्‍नुनु तोक्‍पो अ़चुसोमातुक्‍मा तायाङ्‍ओ जुगादा खाङ्‌मुमा निम्‍पाङ ओ।

फिलिप्‍पि 3:9

खोन्‌ओसा अ़ङ्‌का झारा खोक्‍कोएदा अ़क्‍नि मुमान्‍चिन ऱङाने। य़ङ्‌हुप मुयाङ्‌सा अ़ङ्‌का साम्‌योक्‍मि लिमा अ़ऱऩङ, मेन अ़ङ्‌साम्‌योक्‍मि ओङा ओ, मो ख्रिस्‍तएदा याक, मो साकोङ्‌छ़ङ्‌लाप्‍मा निनाम्‍हाङ्‌एदाङ्‌का ताओ साम्‌योक्‍मि ओ।

कलस्‍सि 1:20

खोन्‍कि निनाम्‍हाङ्‌आ अ़चुछालाम्‍पा क्रुस्‌दाओ हेन्‍खोक्‌वाआ सेवाङ्‌नि अ़मुवाकि हेन्‍खामादाओने कि निनाम्‍मादुओङाने, खोक्‍कोलाम्‍पाङा झारा य़ङ्‌चि खोक्‍कोएदा तोङ्‌सि म़तारुचि।

कलस्‍सि 3:15

अ़नुछ्‍या, खानानिन सेवाङ्‌निओ निम्‍पाङ अ़क्‌तात पोक्‌दा त़बुत्‍तिन्‌ओ। ख्रिस्‍तआ प़माय़ङ सेवाङ्‌निआ आम्‍नुओ साकोङ्‌वादा हाङ मुने। खोन्‍कि आलाङ्‌मि लिसानिन।

१ थेसलोनिकि 5:23

सेवाङ्‌निओ निनाम्‍हाङ्‌आङा खानानिन झारा ऩसेङ्‌सिन्‍ने, खोन्‍कि झारा आम्‍नुओ लावा, साक्‍मा खोन्‍कि पोक आन्‍हाङ्‌पा येसु ख्रिस्‍त म़लाय़याङ्‌हिदा लाहि मात्‍द़ङ्‌ओ लिने।

२ थेसलोनिकि 3:16

हान सेवाङ्‌निओ हाङ्‌पाआ खानानिन अ़धुन खोन्‍कि झाराकापाराआ सेवाङ्‌नि ऩमुन्‍ने। हाङ्‌पा खानानिन झाराएदा म़युङ्‌ने।

हिब्रु 13:20

आन्‍हाङ्‌पा येसु ख्रिस्‍त काखोन्‍लोन निनाम्‍हाङ्‌आ सेवाङ्‌नि ऩमुन्‍ने। येसु तोक्‍पो भेरा काखाङ्‌पावा म़मुयाङ, खोक्‍कोसोओ अ़चुह़लाम्‍पा अ़चुभेराचिएनान अ़धुन्‌ओ य़ङ्‌छ़ङ्‌दा सेप्‍तायुङ्‌सा।