रोमि 4:18 - बान्‍तावा राई

¹⁸ “आम्‍छाचिछाङ ओवात्‍निङा ब़द्‍धे म़लि”निम्‍पाङ निनाम्‍हाङ म़य़ङावात्‍नि, अ़क्‍छेप्‍छाङ सोम्‍कुवा मात्‍द़ङ्‌याङ्‌ओ ग़रि अब्राहाम साकोङ्‌छ़ङ मुवा खोन्‍कि खो ब़द्‍धे रावाचिओ अ़चुसुन्‍तुम लिसा।

रोमि 4:18 ပူးပေါင်းရင်းမြစ်များ

लुका 1:18

जकरियाआ निनाम्‍हाङ काफा लो, “ओक्‍को दुम अ़नुछ्‍या लि निकिना अ़ङ्‌का देत्‍नि सिन्‍तुङ्‌ओ? अ़ङ्‌का ना खोक्‍पा लिसाङ्‌चिआङ खोन्‍कि अ़ङ्‌खिम्‍हाङ्‌माछाङ खोक्‍मा लिसाचिआ।”

छाम्‍माय़ङ 27:25

खोन्‌ओसा अ़ङ्‌यावाचि ओ, आम्‍नुओ राक पोइसानुम! देकिनालो अ़ङ्‌का निनाम्‍हाङ्‌एदा साकोङ्‌छ़ङ मुङा, निनाम्‍हाङ काफाआ अ़ङ्‌का ऩलोवाङ्‌वात्‍निङा लि।

रोमि 4:17

साम्‍कालिन्‌दा ओवात्‍नि छाप्‍तायुङ्‌सा, “अ़ङ्‌का खाना ब़द्‍धे रावाचिओ अ़चुसुन्‍तुम मुनायुङ्‌ना।” निनाम्‍हाङ्‌ओ अ़चुखाङ्‌मादा अब्राहाम आन्‍पा ओ, देकिनालो म़सुवादाओचि काखोन्‍लोन खोन्‍कि म़चेप्‌हिदाङा मात्‍द़ङ्‍ओदाङ्‌का सामाचि कामुन्‌एदा अब्राहाम साकोङ्‌छ़ङ मुवा।

रोमि 4:19

खोन्‍कि आप्‍फात अ़क सयेकादोङ बात्‍तुचिउओ अब्राहाम स़मादामा मुवाङाओ अ़पोक लिसाओ माङ्‌लो सारा छातोक्‍मा मान्‍ऱकादा लिसाओ सिन्‍तुकिछाङ अब्राहाम्‌आ साकोङ्‌छ़ङ मुमा छित्‍माइ मान्‍छित्‌दो।

रोमि 5:5

खोन्‍कि सोम्‍कुवाआ आन्‍कान लेजोदा म़पाक्‍निन, देकिनालो आन्‍कान म़पुवाओ सेङ्‌लावालाम्‍पा निनाम्‍हाङ्‌ओ अ़चुसोमातुक्‍मा आन्‍साकोङ्‌वाचिदा म़पाक्‍तापुवायुङ्‌सा।

रोमि 8:24

निनाम्‍हाङ्‌आ आन्‍कान म़लेइसादाङ्‌का ओ सोम्‍कुवा म़पुवा। मेन ओ आइमित्‌तारि आन्‍कान मान्‍तोक्‌युक्‍तुम्‌ओसा आन्‍कान आन्‍मिन्‍मादा मो हुङुम्‌योम। आन्‍कान तोक्‍तुम्‌ओखाङ्‌दे देकि हुङ्‌मादोराओ?

हिब्रु 6:19

ओ सोम्‍कुवा आन्‍लावाओ निम्‍पाङ अ़तुङ्‌निन्‌ओ क़क्‍खावाको मुयाङ। ओ सोम्‍कुवाआ आन्‍कान अ़चुथेम्‍खातित हुत्‌दाओ सेङ्‌याङ्‌ओदा म़तित।