रोमि 4:16 - बान्‍तावा राई

¹⁶ खोन्‌ओसा हिप्‍माय़ङ साकोङ्‌छ़ङ्‌लाप्‍मा ता। ओ निनाम्‍हाङ्‌ओ अ़चुसोमातुक्‍मादा मोहा प़माय़ङ आसिखा ओ। ओसाआ अब्राहाम्‌ओ झारा अ़भुङ्‌चिओ निकि अ़छ़ङ मु। ओ हिप्‍माय़ङ य़ङ्‌हुप्‌वात्‍नि काच़चिओ निम्‍पाङ ओन्‍ङा माआङ, मेन अब्राहाम्‌वात्‍नि साकोङ्‌छ़ङ कामुचिओ निम्‍पाङ्‌छाङ ओ, देकिनालो अब्राहाम झारासोओ आन्‍लावामि आन्‍पा ओ।

रोमि 4:16 ပူးပေါင်းရင်းမြစ်များ

लुका 19:9

खोन्‍कि येसुआ मो अ़लोवा, “अब्राहाम साकोङ्‌छ़ङ मुवाओवात्‍निङा ओ म़नाआछाङ साकोङ्‌छ़ङ मुवाओसा आय़ ओ खिम्‌दा लेन्‍मा तायुङ्‌सा।

रोमि 15:8

अ़ङ्‌का खानानिन लोनानिन, ख्रिस्‍त देकि सिप्‍मायाम्‍बुन म़लिसाओचिओ अ़चुहारुक म़लिसाओनालो, आन्‍सुन्‍तुम्‌चिएदा खोक्‍कोसाआ अ़मुवाओ हिप्‍माय़ङ्‌चिदा निनाम्‍हाङ अ़छ़ङ म़मुयाङ निकिना खाङ्‌मुमा ख्रिस्‍त सिप्‍मायाम्‍बुन म़लिसाओ।

रोमि 3:22

येसु ख्रिस्‍तदा झारा साकोङ्‌छ़ङ कामुचिएदा निनाम्‍हाङ्‌दाङ्‌काओ साम्‌योक्‍मि साकोङ्‌छ़ङ्‌लाम्‍पा ता। देकिनालो निनाम्‍हाङ्‌आ यहुदि खोन्‍कि निरावाचिओ अ़चुरादा लिप्‍पा ऩवाङ्‌निन,

रोमि 3:30

देकिनालो निनाम्‍हाङ अ़क्‍छा ओन्‍ङा म़युङ्‌याङ। खोन्‍कि खोक्‍कोसाआ सिप्‍मायाम्‍बुन म़मुवाओचिनेकि सिप्‍मायाम्‍बुन मान्‍मुकादाचिने, मोचि मो अ़चुसाकोङ्‌छ़ङ्‌लाम्‍पाङा साम्‌योक्‍मि म़काइसुचि।

रोमि 4:11

सिप्‍मायाम्‍बुन्‍तात अब्राहाम्‌आ सिप्‍मायाम्‍बुन मुमादाङ्‌का बुयाङा साकोङ्‌छ़ङ मुवाओ, खोन्‍कि निनाम्‍हाङ्‌आ बुयाङा साम्‌योक्‍मि अ़काइसाओसोओ बुन ओ। मोवात्‍नि अब्राहाम सिप्‍मायाम्‍बुन मान्‍मुनुछाङ निनाम्‍हाङ्‌एदा साकोङ्‌छ़ङ कामु झारा म़नाचिओ अ़चुसुन्‍तुम लिसा। मोचिआ अ़मुवाओ साकोङ्‌छ़ङ्‌ओ अ़तुक्‌वाआ निनाम्‍हाङ्‌आ मोचि साम्‌योक्‍मि म़काइसुचि।

रोमि 5:1

मोवात्‍नि साकोङ्‌छ़ङ्‌लाम्‍पा निनाम्‍हाङ्‌आ आन्‍कान साम्‌योक्‍मि म़काइसायुङ्‌सा। खोन्‌ओसा हान आन्‍हाङ्‌पा येसु ख्रिस्‍तलाम्‍पा निनाम्‍हाङ्‌एदा आन्‍कान सेवाङ्‌नि ह़ङिन।

रोमि 9:8

ओसोओ अ़तुप्‍माय़ङ, पोक्‌दाङ्‌का म़लिसाओचि निनाम्‍हाङ्‌ओ अ़चुछाचि माआङ, मेन हिप्‍माय़ङ्‌दाङ्‌का म़लिसाओचि अब्राहाम्‌ओ अ़छाचि ओ।

गलाति 3:14

खोक्‍कोसाआ आन्‍को आन्‍लुङ अ़छोराकि म़लेइसा, खोन्‌ओसा अब्राहाम प़माय़ङ आसिखा ख्रिस्‍त येसुलाम्‍पा निरावाचिएदा ताने, मोवात्‍नि आन्‍कान सोम्‍कुवालाम्‍पा हिप्‍माय़ङ्‌ओ सेङ्‌लावा तोक्‍मा ऱम्‍ने।

गलाति 3:16

निनाम्‍हाङ्‌आ अब्राहाम खोन्‍कि अ़छाओ निम्‍पाङ हिप्‍माय़ङ्‌चि म़प़चिओ। साम्‍कालिन्‌आ “आम्‍छाचि”नि अ़य़ङ्‌निन, ओसाआ ना ब़द्‍धे म़नाचि खाङ्‌मुसुचि, मेन साम्‍कालिन्‌आ “आम्‍छा”नि य़ङ, ओसाआ अ़क्‍छा म़ना ओन्‍ङा खाङ्‌मुसु, खोक्‍को ख्रिस्‍त ओ।

गलाति 3:22

मेन साम्‍कालिन्‌आ खालुसु, झारा हेन्‍खामा हेवाआ क़म्‍तुयुङ्‌सु, खोन्‌ओसा खाक्‍को हिप्‍माय़ङ येसु ख्रिस्‍तएदा साकोङ्‌छ़ङ्‌लाम्‍पा प़माय़ङ्‌ओ, मो साकोङ्‌छ़ङ कामुचि म़प़ने।

एफिसि 2:5

खोन्‌ओसा आन्‍कान हेवादा स़न्‌दान्‌ओनुछाङ खोक्‍कोसाआ आन्‍कान ख्रिस्‍तएनान अ़क्‍नि अ़ह़ङ म़मुवा। निनाम्‍हाङ्‌ओ अ़चुसोमातुक्‍मालाम्‍पाङा खानानिन ऩलेइसिन्‌युङ्‌सिन।

एफिसि 2:8

देकिनालो सोमातुक्‍मादाङ्‌का साकोङ्‌छ़ङ्‌लाम्‍पा खानानिन त़लेरिन्‌युङ्‌सिन। खोन्‍कि ओ खानानिन आप्‍पिएदाङ्‌का माआङ, ओ ना निनाम्‍हाङ्‌आ मोहा प़माय़ङ ओ।

तितस 3:7

ओवात्‍नि निनाम्‍हाङ्‌ओ अ़चुसोम्‍तुक्‍माआ आन्‍कान खोक्‍कोसोओ अ़चुबुदा अ़नुवाक म़काइसायुङ्‌सा, खोन्‍किना अ़नुछ्‍याङा अ़लुक्‍निन्‌ओ ह़ङ्‌म़ङ तोक्‍तुम निकिना मित्‍चिऩङ कामु पाङ्‌कातोक लिसिन।

२ पत्रुस 1:10

खोन्‌ओसा, ब़ब़, नाना खोन्‍कि निछाचि ओ, खानानिन बुत्‍माय़ङ खोन्‍कि छेन्‍माय़ङ अ़छ़ङ मुमाओ निम्‍पाङ च़लोक राक मुवानिन, देकिनालो खानानिन मोवात्‍नि त़च़न्‌नालो खानानिन देम्‍खाछाङ त़धाम्‍सिमिन।