रोमि 3:28 - बान्‍तावा राई

²⁸ खोन्‌ओसा य़ङ्‌हुप्‌आ लोमाय़ङ्‌वा मान्‍च़माङ साकोङ्‌छ़ङ्‌लाम्‍पाङा म़ना साम्‌योक्‍मि कान्‌नि आन्‍काओ मुलो अ़तुक्‌वा ओङा ओ।

रोमि 3:28 ပူးပေါင်းရင်းမြစ်များ

युहन्‍ना 5:24

अ़नुछ्‍याङा अ़ङ्‌का खानानिन लोनानिन, साङ्‌आ अ़ङ्‌य़ङ एनु खोन्‍कि अ़ङ्‌का काछुत साकोङ्‌छ़ङ मु, मोएदा अ़लुक्‍निन्‌ओ ह़ङ्‌म़ङ याक्‌याङ। मो लाहि अ़पाक्‍निन, मेन मो स़मादामादाङ्‌का ह़ङ्‌म़ङ्‌दा वाङायुङ्‌सा।

युहन्‍ना 6:40

अ़ङ्‌पापाओ अ़चुमित्‍चिऩङ ओङा ओ, झारा साङ-साङ्‌चिआ अ़चुओ छा अ़खाङ, खोन्‍कि खोक्‍कोएदा साकोङ्‌छ़ङ म़मु अ़धुन्‌ओ ह़ङ्‌म़ङ अ़तोक्‍ने। अ़ङ्‌का मो आदेङ्‌ओ लेन्‌दा अ़ह़ङ मुङ।”

रोमि 3:26

निनाम्‍हाङ आप्‍पि साम्‌योक्‍मि म़मुयाङ्‌ओ खाङ्‌मुमा खोन्‍कि येसुएदा साकोङ्‌छ़ङ कामुचि साम्‌योक्‍मि मुमा, निनाम्‍हाङ्‌आ अ़चुछा म़पुवा।

रोमि 4:5

साङ काचि अ़मुनिन, मेन मान्‍साम्‌योक्‍मि साम्‌योक्‍मि काकान निनाम्‍हाङ्‌एदा सोम्‍कुवा मुनालो मो सोम्‍कुवाआङा निनाम्‍हाङ्‌आ मो साम्‌योक्‍मि अ़कान।

रोमि 5:1

मोवात्‍नि साकोङ्‌छ़ङ्‌लाम्‍पा निनाम्‍हाङ्‌आ आन्‍कान साम्‌योक्‍मि म़काइसायुङ्‌सा। खोन्‌ओसा हान आन्‍हाङ्‌पा येसु ख्रिस्‍तलाम्‍पा निनाम्‍हाङ्‌एदा आन्‍कान सेवाङ्‌नि ह़ङिन।

रोमि 8:3

आन्‍को हेवामि आन्‍मित्‍माचि मान्‍ऱकादा म़लिसाओसा य़ङ्‌हुप्‌आ दि मुमा मान्‍ऱदो, मो निनाम्‍हाङ्‌आ अ़मुवा। निनाम्‍हाङ्‌आ आप्‍पिओ अ़चुछा अ़याङाकि आन्‍कान्‌वाको हेवामिचिओ आन्‍हेवाचिओ निम्‍पाङ हेन्‍खोक्‌वा अ़पुवाकि हेवाओ अ़क़म्‍मा आन्‍कान्‌एदाङ्‌का अ़लुक्‍ता।

१ कोरिन्‍थि 6:11

खा-खाक्‍को खानानिन्‌छाङ ओवाकोङा त़मुन्‌येन। मेन खानानिन वाऩस़न्‌युङ्‌सिन, खानानिन त़सेङिन्‌युङ्‌सिन, हाङ्‌पा येसु ख्रिस्‍तओ अ़चुऩङ्‌दा खोन्‍कि आन्‍निनाम्‍हाङ्‌ओ अ़चुलावालाम्‍पा खानानिन निनाम्‍हाङ्‌ओ अ़चुबुदा साम्‌योक्‍मि ऩकाइसिन्‌युङ्‌सिन।

गलाति 2:16

खोन्‍नुछाङ आन्‍कान सिन्‍तुम्‌योम, य़ङ्‌हुप्‌ओ काचिलाम्‍पा म़ना साम्‌योक्‍मि अ़कान्‍निन, मेन येसु ख्रिस्‍तएदाओ साकोङ्‌छ़ङ्‌लाम्‍पा साम्‌योक्‍मि कान। खोन्‌ओसा आन्‍कान्‌छाङ आन्‍साकोङ्‌छ़ङ ख्रिस्‍त येसुएदा युङ्‌सुम, मोवात्‍नि आन्‍कान य़ङ्‌हुप्‌ओ काचिलाम्‍पा माआङ, मेन येसु ख्रिस्‍तएदाओ साकोङ्‌छ़ङ्‌लाम्‍पा साम्‌योक्‍मि कान्‍मा ऱन्‍चिन्‍ने। देकिनालो य़ङ्‌हुप्‌ओ काचिलाम्‍पा साङ्‌छाङ साम्‌योक्‍मि अ़कान्‍निन।

गलाति 3:24

साकोङ्‌छ़ङ्‌लाम्‍पा आन्‍कान साम्‌योक्‍मि कान्‍मान्‍चिन ऱन्‍ने निकिना य़ङ्‌हुप आन्‍कान कारात लिसाकि आन्‍कान ख्रिस्‍तएदातारि म़तित्‍ता।

गलाति 3:8

निनाम्‍हाङ्‌आ निरावाचि साकोङ्‌छ़ङ्‌लाम्‍पाङा साम्‌योक्‍मि म़काइसुचिनि साम्‍कालिन्‌आ बुया खाकिना अब्राहाम “खानालाम्‍पाङा झारा रावाचिआ आसिखा अ़तोक” नि बुयाङा नुय़ङ्‌खान खाअ़एत्‍ता।

एफिसि 2:9

आन्‍कान मुम्‌ओ अ़नुवाक काचिचिलाम्‍पा तोक्‍तुम्‌ओ माआङ्‌ओसाआ साङ्‌छाङ ओसोओ अ़तुक्‌वादा तोक्‍पो लिमा अ़ऱनिन।

फिलिप्‍पि 3:9

खोन्‌ओसा अ़ङ्‌का झारा खोक्‍कोएदा अ़क्‍नि मुमान्‍चिन ऱङाने। य़ङ्‌हुप मुयाङ्‌सा अ़ङ्‌का साम्‌योक्‍मि लिमा अ़ऱऩङ, मेन अ़ङ्‌साम्‌योक्‍मि ओङा ओ, मो ख्रिस्‍तएदा याक, मो साकोङ्‌छ़ङ्‌लाप्‍मा निनाम्‍हाङ्‌एदाङ्‌का ताओ साम्‌योक्‍मि ओ।

तितस 3:7

ओवात्‍नि निनाम्‍हाङ्‌ओ अ़चुसोम्‍तुक्‍माआ आन्‍कान खोक्‍कोसोओ अ़चुबुदा अ़नुवाक म़काइसायुङ्‌सा, खोन्‍किना अ़नुछ्‍याङा अ़लुक्‍निन्‌ओ ह़ङ्‌म़ङ तोक्‍तुम निकिना मित्‍चिऩङ कामु पाङ्‌कातोक लिसिन।

याकुब 2:18

मेन अ़क्‍छा म़ना य़ङ्‌मा ऱ, “खानाएदा साकोङ्‌छ़ङ याक्‌याङ, अ़ङ्‌काएदा काचिचि। काचि मात्‍द़ङ्‌ओ आम्‍साकोङ्‌छ़ङ अ़ङ्‌का खाङ्‌मेत्‍ताङ, खोन्‍कि काचि मुङाकि अ़ङ्‌साकोङ्‌छ़ङ खाना खाङ्‌मेत्‍ना।”

याकुब 2:20

खामान्‍सिन्‌चि ओ, काचि मात्‍द़ङ्‌ओ साकोङ्‌छ़ङ सोज्‍जेओ य़ङ्‌ओ निम्‍पाङ अ़सालुम्‍स़ङ खानानिन दोत्‌याङ?

याकुब 2:24

खानानिन्‌आ त़खाम, म़ना अ़काचिलाम्‍पा साम्‌योक्‍मि अ़काइसाओ, मेन साकोङ्‌छ़ङ्‌लाम्‍पा ओन्‍ङा माआङ।