रोमि 3:27 - बान्‍तावा राई

²⁷ खोन्‍नालो दिसोओ अ़तुक्‌वादा ऱक्‍भाक मुमा? ऱक्‍भाक मुमायु दित्‍छाङ मात्‍द़ङ! दि आन्‍कान य़ङ्‌हुप्‌वा च़न्‌ओसा ओ? माआङ! मेन ओ ना साकोङ्‌छ़ङ्‌ओ अ़तुक्‌वाआ ओ।

रोमि 3:27 ပူးပေါင်းရင်းမြစ်များ

मर्कुस 16:16

खा-खाक्‍को साकोङ्‌छ़ङ म़मुकि बप्‍तिस्‍मा म़लोक मोचि म़लेन, मेन खा-खाक्‍को साकोङ्‌छ़ङ ऩमुनिन मोचि निनाम्‍हाङ्‌आ म़ह़त्‍तुचि।

युहन्‍ना 3:36

साङ निनाम्‍हाङ्‌ओ अ़चुछाएदा साकोङ्‌छ़ङ मु, मोएदा अ़लुक्‍निन्‌ओ ह़ङ्‌म़ङ याक। साङ्‌आ निनाम्‍हाङ्‌ओ अ़चुछा ऩङाछिरु, मोसाआ ह़ङ्‌म़ङ अ़खान, मेन निनाम्‍हाङ्‌ओ अ़चुमाइसुङ मोएदा युङ्‌युङ।

रोमि 10:5

य़ङ्‌हुप्‌वात्‍नि च़माकि साम्‌योक्‍मि लिमाओ निम्‍पाङ निनाम्‍हाङ्‌य़ङ खाकालु मोसाआ छाप्‍तुङु, “खाक्‍को म़नाआ ओ काचिचि मुचि, खो मोचि लाम्‍पाङा ह़ङ।”

रोमि 11:6

मेन ओ सोम्‍तुक्‍मालाम्‍पाओ ओ, देम्‍खाछाङ काचिचिओ अ़तुक्‌वाआ माआङ। माङ्‌नालोना सोम्‍तुक्‍मा अ़नुछ्‍याओ सोम्‍तुक्‍माङा अ़लिनिन।

रोमि 2:17

मेन खानानिन यहुदिचिओनि य़ङ्‌सा य़ङ्‌हुप्‌दा सोम्‍कुवा त़मुन, खोन्‍कि निनाम्‍हाङ्‌एनान्‌ओ आम्‍नुओ तुम्‍मादा ऱक्‍भाक त़मुन्‌येन,

रोमि 2:23

खाना य़ङ्‌हुप्‌दा तोक्‍पो त़लि, मेन दि खानाङा य़ङ्‌हुप त़काक्‍तुकि निनाम्‍हाङ्‌ओ अ़चुसाया त़पेप्‍तुङु?

रोमि 3:19

हान आन्‍कान सिन्‍तुम्‌योम, देत्‍नि य़ङ्‌हुप य़ङ्‌याङ, ओसाआ य़ङ्‌हुप्‌दा कायुङ्‌चि लोचि, खोन्‌ओसा झारा दोचि वाइवेत म़युङ्‌ने खोन्‍कि हेन्‍खामादाओ झारा म़नाचि निनाम्‍हाङ्‌आ अ़चुछ़ङ म़छेन्‍तुचि।

रोमि 3:26

निनाम्‍हाङ आप्‍पि साम्‌योक्‍मि म़मुयाङ्‌ओ खाङ्‌मुमा खोन्‍कि येसुएदा साकोङ्‌छ़ङ कामुचि साम्‌योक्‍मि मुमा, निनाम्‍हाङ्‌आ अ़चुछा म़पुवा।

रोमि 4:2

अब्राहाम अ़काचिचिलाम्‍पा साम्‌योक्‍मि काइसाओदे खो ऱक्‍भाक मुमा कालाम लिसाओ, मेन निनाम्‍हाङ्‌ओ अ़चुबुदा ऱक्‍भाक मुखालाम मान्‍लि।

रोमि 7:21

ओवात्‍नि ओ अ़छ़ङ य़ङ्‌आ काचि मुङुओ अ़ङ्‌का धिरुङ। खाउग़रि अ़ङ्‌का नुलोक च़मा स़ङा, मोन्‍ग़रि अ़अ़त्‍पा अ़ङ्‌च़क्‌दा युङ।

रोमि 7:23

मेन अ़ङ्‌पोक्‍फुत्‌चिदा नितात य़ङ्‌हुप्‌आ अ़ङ्‌मिन्‍मादा याक्‌याङ्‍ओ निनाम्‍हाङ्‌ओ अ़चुय़ङ्‌हुप्‌ओ अ़देङ्‌सालाप्‍पादा ङेङ मु। खोन्‍कि अ़ङ्‌पोक्‍फुत्‌चिदा याक्‌याङ्‍ओ हेवाओ अ़य़ङ्‌हुप्‌आ अ़ङ्‌का अ़छुम्‍ङा।

रोमि 7:25

निनाम्‍हाङ आलाङ्‌ने! आन्‍हाङ्‌पा येसु ख्रिस्‍तलाम्‍पा खोक्‍कोसाआ अ़ङ्‌का ऩलेन्‍ङा! खोन्‌ओसा, आप्‍पि अ़ङ्‌मिन्‍माआ अ़नुछ्‍याङा निनाम्‍हाङ्‌ओ अ़चुय़ङ्‌हुप्‌वात्‍नि मुमा स़ङा, मेन पोक्‌दा अ़ङ्‌का हेवाओ अ़य़ङ्‌हुप्‌ओ अ़हारुक मुङाङा।

रोमि 8:2

देकिनालो ख्रिस्‍त येसुदाङ्‌का ताओ ह़ङ्‌म़ङ काप़ सेङ्‌लावाओ अ़य़ङ्‌हुप्‌आ हेवा खोन्‍कि स़माओ अ़सावादाङ्‌का खानानिन ऩफोङ्‌सिन।

रोमि 9:11

खोन्‍कि काप्‍छाले छाचि तोक्‍मा बुया, मोचिआ अ़नुवाक माङ्‌लो अ़अ़त्‍पा च़मा बुयाङा, काचिआ माआङ, मेन खोक्‍कोसाआ म़बुत्‍तुचिवा निनाम्‍हाङ्‌आ म़छेन्‍तुचिओ कान्‍ने निम्‍पाङ,

रोमि 9:31

मेन इस्राएल्‌आ, य़ङ्‌हुप्‌दाओ साम्‌योक्‍मि त़ङ्‌तुनुछाङ, मो मान्‍तोक्‌दो।

रोमि 9:32

देकि? देकिनालो साम्‌योक्‍मि काचिचिदा याक्‌नि म़मिना खोन्‍कि मोचिआ साकोङ्‌छ़ङ्‌लाम्‍पा साम्‌योक्‍मि मान्‍लाम्‌अ़दा। ख्रिस्‍त खोचिओ निम्‍पाङ लुङ्‌छ़ङ्‌वात्‍नि म़लिसा मोदा मोचि म़धुङ्‌सा।

१ कोरिन्‍थि 4:7

निचिदाङ्‌का खानानिन दिदा तोक्‍पो त़मुन्‌येन? खानानिन्‌आ मान्‍तोक्‍त़युक्‍तुम्‌ओ दि युङ्‌याङ? खोन्‍कि खानानिन मो निनाम्‍हाङ्‌दाङ्‌का त़तोक्‍तुम्‌युङ्‌सुम्‌नालो मो मोहा त़तोक्‍तुम्‌ओ माआङ्‌वा देकि खानानिन ऱक्‍भाक त़मुन्‌येन?

गलाति 2:16

खोन्‍नुछाङ आन्‍कान सिन्‍तुम्‌योम, य़ङ्‌हुप्‌ओ काचिलाम्‍पा म़ना साम्‌योक्‍मि अ़कान्‍निन, मेन येसु ख्रिस्‍तएदाओ साकोङ्‌छ़ङ्‌लाम्‍पा साम्‌योक्‍मि कान। खोन्‌ओसा आन्‍कान्‌छाङ आन्‍साकोङ्‌छ़ङ ख्रिस्‍त येसुएदा युङ्‌सुम, मोवात्‍नि आन्‍कान य़ङ्‌हुप्‌ओ काचिलाम्‍पा माआङ, मेन येसु ख्रिस्‍तएदाओ साकोङ्‌छ़ङ्‌लाम्‍पा साम्‌योक्‍मि कान्‍मा ऱन्‍चिन्‍ने। देकिनालो य़ङ्‌हुप्‌ओ काचिलाम्‍पा साङ्‌छाङ साम्‌योक्‍मि अ़कान्‍निन।

गलाति 3:22

मेन साम्‍कालिन्‌आ खालुसु, झारा हेन्‍खामा हेवाआ क़म्‍तुयुङ्‌सु, खोन्‌ओसा खाक्‍को हिप्‍माय़ङ येसु ख्रिस्‍तएदा साकोङ्‌छ़ङ्‌लाम्‍पा प़माय़ङ्‌ओ, मो साकोङ्‌छ़ङ कामुचि म़प़ने।