रोमि 3:24 - बान्‍तावा राई

²⁴ निनाम्‍हाङ्‌ओ अ़चुसोम्‍तुक्‍माओ आसिखाआ, ख्रिस्‍त येसुओ अ़चुलेन्‍मादाङ्‌का मोचि मोहा साम्‌योक्‍मि म़काइसायुङ्‌सा।

रोमि 3:24 ပူးပေါင်းရင်းမြစ်များ

मत्‍ति 20:28

मोवात्‍निङा म़नाओ अ़छाछाङ ब़त्‍लुसि माआङ, मेन ब़त्‍सि, खोन्‍कि ब़द्‍धेकापाङ फोङ्‌माओ अ़लुङ छोन्‍सि निकिना अ़ह़ङ्‌म़ङ प़सि ताओ।”

छाम्‍माय़ङ 15:11

आन्‍कान साकोङ्‌छ़ङ मुन्‌कि आन्‍हाङ्‌पा येसुओ अ़चुसोमातुक्‍मालाम्‍पा आन्‍कान लेरिन्‌युङ्‌सिन, मोवात्‍निङा निरावाचिछाङ म़लेरायुङ्‌सा।”

रोमि 4:16

खोन्‌ओसा हिप्‍माय़ङ साकोङ्‌छ़ङ्‌लाप्‍मा ता। ओ निनाम्‍हाङ्‌ओ अ़चुसोमातुक्‍मादा मोहा प़माय़ङ आसिखा ओ। ओसाआ अब्राहाम्‌ओ झारा अ़भुङ्‌चिओ निकि अ़छ़ङ मु। ओ हिप्‍माय़ङ य़ङ्‌हुप्‌वात्‍नि काच़चिओ निम्‍पाङ ओन्‍ङा माआङ, मेन अब्राहाम्‌वात्‍नि साकोङ्‌छ़ङ कामुचिओ निम्‍पाङ्‌छाङ ओ, देकिनालो अब्राहाम झारासोओ आन्‍लावामि आन्‍पा ओ।

रोमि 4:4

काचि कामुआ तोक्‍तुओ काचिलुङ मोहा प़माय़ङ माआङ, मेन मो खोसाआ तोक्‍मादोत्‌ओ अ़पाङ ओ।

रोमि 5:9

खोक्‍कोसोओ अ़चुह़लाम्‍पा आन्‍कान साम्‌योक्‍मि काइसिन्‌ओसाआ अ़नुछ्‍याङा निनाम्‍हाङ्‌ओ अ़चुच़ऱपादाङ्‌का खोक्‍कोसाआ आन्‍कान म़लेन!

१ कोरिन्‍थि 1:30

निनाम्‍हाङ्‌आ खानानिन ख्रिस्‍त येसुएनान अ़क्‌तात ऩमुन्‌युङ्‌सिन। खोक्‍कोङा आन्‍को निम्‍पाङ निनाम्‍हाङ्‌एदाङ्‌काओ ताया माङ्‌लो आन्‍कान साम्‌योक्‍मि काकान, आन्‍कान कासेङ खोन्‍कि आन्‍कान कालेन्‍पा म़लिसायुङ्‌सा।

१ कोरिन्‍थि 6:11

खा-खाक्‍को खानानिन्‌छाङ ओवाकोङा त़मुन्‌येन। मेन खानानिन वाऩस़न्‌युङ्‌सिन, खानानिन त़सेङिन्‌युङ्‌सिन, हाङ्‌पा येसु ख्रिस्‍तओ अ़चुऩङ्‌दा खोन्‍कि आन्‍निनाम्‍हाङ्‌ओ अ़चुलावालाम्‍पा खानानिन निनाम्‍हाङ्‌ओ अ़चुबुदा साम्‌योक्‍मि ऩकाइसिन्‌युङ्‌सिन।

कलस्‍सि 1:14

खोक्‍कोसाआ म़फोङ्‌सा खोन्‍कि आन्‍हेवाचि म़लेत्‍ता।

१ तिमोथि 2:6

झारा म़नाचि फोङ्‌माओ निम्‍पाङ खोक्‍को आप्‍पि म़पुवान्‍लावान्‍चिन, मो य़ङ्‍ओ सालुम्‍स़ङ तोङाङाओ ग़रिदा निनाम्‍हाङ्‌आ अ़पुवा।

तितस 2:14

झाराकापाराओ आन्‍हेवादाङ्‌का आन्‍कान फोङ्‌सि, आन्‍कान सेङ्‌सि, खोन्‍कि अ़नुवाक काचि मुमा कास़ आप्‍पिओ अ़चुम़ना मुसि येसु ख्रिस्‍तआ आन्‍को निकि अ़चुह़ङ्‌म़ङ म़पुवा।

खाङ्‌मुमा 5:9

मोचिआ अ़क्‌तात अ़ऩङ्‌वा छाम अ़लुवा। “खानानिन ओ छाप्‍लाखाओ अ़भोङ कालोक खोन्‍कि मोसोओ अ़सेप्‍खाचि फोङ्‌मा त़खान्‍तिन्‌ओ त़मुन्‌येन। देकिनालो खानानिन ऩसेरिन, खोन्‍कि आम्‍नुओ स़मा हेन्‍खोक्‌वाआ खानानिन निनाम्‍हाङ्‌ओ निम्‍पाङ झारा भुङ्‌चि, य़ङ्‌चि, म़नाचि खोन्‍कि रावाचि त़खिरुम्‍च़म।

खाङ्‌मुमा 7:14

खोन्‍कि अ़ङ्‌का मो लासुङ्‌लोङ, “उवा, खानानिन्‌ङा त़सिन्‍तिन।” खोन्‍कि खोसाआ अ़ङ्‌का अ़लोवाङ, “ओचि तोक्‍पो ल़क्‍माचिदा निनाम्‍हाङ्‌एदा सोम्‍कुवा कामु म़लिसाओ म़नाचि ओ। मोचिआ अ़चुतित्‌चि थुबाछाओ अ़चुह़दा वाअ़सुवाकि ओम्‍पुवाचिचिओ अ़मुवायुङ्‌सा।