रोमि 3:20 - बान्‍तावा राई

²⁰ खोन्‌ओसा य़ङ्‌हुप्‌ओ काचिआ खाक्‍को म़नाछाङ खोक्‍कोसोओ अ़चुबुदा साम्‌योक्‍मि अ़कान्‍निन, देकिनालो य़ङ्‌हुप्‌आङा आन्‍कान देम हेवामि मुन्‌येन्‌ओ खाङ्‌म़मु।

रोमि 3:20 ပူးပေါင်းရင်းမြစ်များ

छाम्‍माय़ङ 13:39

येसुएदा झारा साकोङ्‌छ़ङ कामुचि अ़चुहेवादाङ्‌का म़फोङ्‌सुचिकि निनाम्‍हाङ्‌आ साम्‌योक्‍मि म़काइसुचि। मेन मोसाओ अ़य़ङ्‌हुप्‌आ खानानिन मो हेवादाङ्‌का फोङ्‌मा मान्‍ऱत़दान्‌येन।

रोमि 2:13

देकिनालो य़ङ्‌हुप काएन्‌चि निनाम्‍हाङ्‌ओ अ़चुबुदा साम्‌योक्‍मि ऩकान्‍निन, मेन य़ङ्‌हुप्‌वा काच़चि अ़चुओ लिप्‍पादा साम्‌योक्‍मि म़काइसुचि।

रोमि 3:28

खोन्‌ओसा य़ङ्‌हुप्‌आ लोमाय़ङ्‌वा मान्‍च़माङ साकोङ्‌छ़ङ्‌लाम्‍पाङा म़ना साम्‌योक्‍मि कान्‌नि आन्‍काओ मुलो अ़तुक्‌वा ओङा ओ।

रोमि 4:13

हेन्‍खामादाओ पाङ्‌यि लिमाओ निम्‍पाङ अब्राहाम खोन्‍कि खोसोओ अ़भुङ्‌चि म़प़चिओ हिप्‍माय़ङ, य़ङ्‌हुप्‌लाम्‍पा ताओ माआङ, मेन साकोङ्‌छ़ङ्‌लाम्‍पा साम्‌योक्‍मि अ़काइसाओसा ताओ।

रोमि 4:15

देकिनालो म़ना य़ङ्‌हुप्‌वा च़मा अ़ऱनिन खोन्‌ओसा निनाम्‍हाङ्‌ओ अ़चुमाइसुङ ता। मेन य़ङ्‌हुप्‍ङा मात्‍द़ङ्‌नालो ना य़ङ्‌हुप फियाङ्‌सा हेवा मुमा काचिछाङ मान्‍लिओ।

रोमि 5:13

अ़नुछ्‍याङा, य़ङ्‌हुप प़मा बुया हेन्‍खामादा हेवा युङाङा। मेन हेवाओ अ़तुक्‌वादा य़ङ्‌हुप्‍ङा मात्‍द़ङ्‌याङ्‌ओ ग़रि हेवाओ दन्‍दाछाङ मात्‍द़ङ्‌याङ।

रोमि 5:20

झारा म़नाचिआ देम हेवा म़मुवायुङ्‌सा, मो अ़सिन्‍ने निकिना निनाम्‍हाङ्‌आ अ़चुय़ङ्‌हुप म़पुवा, मेन खादा हेवा पोया, मोदा सोमाम्‍तुक्‍माछाङ च़लोक पोया।

रोमि 7:11

देकिनालो हेवाआ लोमाय़ङ्‌लाम्‍पा अ़वाखाम तोक्‍तुकि अ़ङ्‌का अ़म़प्‍ताङ, खोन्‍कि मो लोमाय़ङ्‌लाम्‍पा अ़ङ्‌का अ़सेराङ।

रोमि 9:32

देकि? देकिनालो साम्‌योक्‍मि काचिचिदा याक्‌नि म़मिना खोन्‍कि मोचिआ साकोङ्‌छ़ङ्‌लाम्‍पा साम्‌योक्‍मि मान्‍लाम्‌अ़दा। ख्रिस्‍त खोचिओ निम्‍पाङ लुङ्‌छ़ङ्‌वात्‍नि म़लिसा मोदा मोचि म़धुङ्‌सा।

१ कोरिन्‍थि 15:56

स़माओ अ़केप्‍खा हेवा ओ, खोन्‍कि हेवाओ अ़सावा य़ङ्‌हुप ओ।

गलाति 2:16

खोन्‍नुछाङ आन्‍कान सिन्‍तुम्‌योम, य़ङ्‌हुप्‌ओ काचिलाम्‍पा म़ना साम्‌योक्‍मि अ़कान्‍निन, मेन येसु ख्रिस्‍तएदाओ साकोङ्‌छ़ङ्‌लाम्‍पा साम्‌योक्‍मि कान। खोन्‌ओसा आन्‍कान्‌छाङ आन्‍साकोङ्‌छ़ङ ख्रिस्‍त येसुएदा युङ्‌सुम, मोवात्‍नि आन्‍कान य़ङ्‌हुप्‌ओ काचिलाम्‍पा माआङ, मेन येसु ख्रिस्‍तएदाओ साकोङ्‌छ़ङ्‌लाम्‍पा साम्‌योक्‍मि कान्‍मा ऱन्‍चिन्‍ने। देकिनालो य़ङ्‌हुप्‌ओ काचिलाम्‍पा साङ्‌छाङ साम्‌योक्‍मि अ़कान्‍निन।

गलाति 2:19

निनाम्‍हाङ्‌ओ निम्‍पाङ अ़ङ्‌का ह़ङ्‌मा ऱङाने निकिना य़ङ्‌हुप्‌ओ अ़तुक्‌वादा, अ़ङ्‌का य़ङ्‌हुप छिरुङ्‌चिउङ।

गलाति 5:4

खानानिन य़ङ्‌हुप्‌लाम्‍पा साम्‌योक्‍मि कान्‍मा त़लामिन्‌येन्‌ओचि, ख्रिस्‍तएदाङ्‌का खानानिन त़लोइसिन्‍खाइसिन्‌युङ्‌सिन्‍चिन। खोन्‍कि खानानिन निनाम्‍हाङ्‌ओ अ़चुसोम्‍तुक्‍मादाङ्‌का त़धान्‍खारिन्‌युङ्‌सिन।

हिब्रु 7:19

देकिनालो मोसाओ अ़य़ङ्‌हुप्‌आ दित्‍छाङ मान्‍तालादो। मेन मोदाङ्‌का च़लोक तामित्‍मा आन्‍कान्‌एदा याक्‌याङ खोन्‍कि ओलाम्‍पा आन्‍कान निनाम्‍हाङ्‌ओ अ़चुच़क्‌दा तामालामा ऱन।