रोमि 3:12 - बान्‍तावा राई

¹² झारासा निनाम्‍हाङ अ़छिरायुङ्‌सा, मोचि झारा अ़चुकाचि मात्‍द़ङ्‌ओ म़लिसायुङ्‌सा। साङ्‌छाङ नुलोक अ़च़निन, नुलोक काच़ अ़क्‍छाछाङ मात्‍द़ङ।”

रोमि 3:12 ပူးပေါင်းရင်းမြစ်များ

मत्‍ति 25:30

मो अ़काचि मात्‍द़ङ्‌ओ हारुक बुङ्‌खायाओ कुन्‌यामादा वेइसालोइसानुम, मोदा खो खाप खोन्‍कि अ़क़ङ ऱउ।’

रोमि 3:11

कातुप साङ्‌छाङ मात्‍द़ङ, निनाम्‍हाङ कालाम साङ्‌छाङ मात्‍द़ङ।

रोमि 3:13

“मोचिओ अ़चुचानाम्‍पोत्‌चि होत्‌याङ्‍ओ एप्‍माचि ओ, मोचिओ अ़चुलेम्‌चिआ म़म़प्‍तुचि।” “प़ओ अ़छ़क मोचिओ अ़चुदोसिवाचिदा याक्‌याङ।”

एफिसि 2:3

अ़नुछ्‍या झारा आन्‍कान्‌छाङ मोचिओ अ़चुरादा अ़क्‍दु आन्‍पोक्‌ओ हेवामि च़माथाङ्‌मा च़क्‍ख़य़चिदा आन्‍ऩङानुवाङा, खोन्‍कि आप्‍पि आन्‍मित्‍माचि खोन्‍कि मिन्‍माचिवात्‍नि च़न्‌येन। नि म़नाचिवात्‍नि आन्‍कान च़माथाङ्‌माआ हेवामि लिसिन्‌ओसा आन्‍कान निनाम्‍हाङ्‌ओ अ़चुलोमा मान्‍काङ्‌दान्‌येन।

फिलेमोन 1:11

खोक्‍को बुया आम्‍को निकि काचि मात्‍द़ङ्‌ओ लिसाओ, मेन आइमित खाना खोन्‍कि अ़ङ्‌का ह़वाङ्‌माङ्‌सोओ निकि काचि मुमा काऱ लिसायुङ्‌सा।

१ पत्रुस 2:25

देकिनालो खानानिन म़थेमाखाराओ भेराचिवात्‍नि त़मुन्‌येन, मेन हान खानानिन आम्‍नुओ लावाचि काखाङ्‌पा खोन्‍कि कारात्‍पाएदा त़लासिन्‍तान्‌युङ्‌सिन।