रोमि 2:6 - बान्‍तावा राई

⁶ देकिनालो निनाम्‍हाङ्‌आ “झारा म़ना खोसाआ मुओ अ़काचिवा छ़ङ म़छेन्‍तुचि।”

रोमि 2:6 ပူးပေါင်းရင်းမြစ်များ

मत्‍ति 16:27

देकिनालो म़नाओ अ़छा अ़चुपापाओ अ़चुसाम्‌दा निनाम्‍हाङ काफाचिएनान य़, खोन्‍कि मोन्‍ग़रि खोसाआ झारा म़नाचिआ अ़मुवाओ अ़चुकाचिवाको सिरिफा म़प़चि।

रोमि 14:22

खाना साकोङ्‌छ़ङ त़मुओ मो य़ङ्‌चिओ अ़तुक्‌वादा निनाम्‍हाङ खोन्‍कि खाना आप्‍पिदा युङ्‌सु। आप्‍पि तोङ्‌नि काइसुओ य़ङ अ़त्‍लो मान्‍मित्‍कादा म़ना आसिखा कातोक ओ।

१ कोरिन्‍थि 3:8

विउ कालित खोन्‍कि चाक्‌वा कापाक्‌ओ अ़चुमित्‍चिऩङ अ़क्‌तात्‌ङा मु, खोन्‍कि निनाम्‍हाङ्‌आ अ़चुकाचिवा सिरिफा झारा म़प़चि।

१ कोरिन्‍थि 4:5

खोन्‌ओसा काइसाओ ग़रिदाङ्‌का बुया दित्‍छाङ छ़ङ्‌मान्‍छेन्‌दानिन। हाङ्‌पा म़तालो हुङानुम। दि कुइयामादा कुमायुङ्‌सा, खोक्‍कोसाआ साम्‌दा म़तारुचि खोन्‍कि म़नाचिओ अ़चुसाकोङ्‌वादाओ अ़चुमित्‍चिऩङ्‌चि खाङ्‌म़मुसुचि। मोन्‍ग़रि झारा म़नाचिआ निनाम्‍हाङ्‌एदाङ्‌का अ़चुचोन्‍मा अ़तोक।

२ कोरिन्‍थि 11:15

खोन्‌ओसा ओ म़दोम्‍दाओ य़ङ माआङ, मोसोओ अ़हारुक्‌चिआछाङ साम्‌योक्‍मि म़नाचिओ अ़चुकात्‍मावात्‍नि म़फान्‍नान्‍चिन। मोचिओ अ़चुलुक्‍मा मोचिओ अ़चुकाचिवात्‍निङा लि।

२ कोरिन्‍थि 5:10

देकिनालो आन्‍कान झारा ख्रिस्‍तओ अ़चुछ़ङ्‌छेन्‍खाओ अ़बुदा एप्‍माङादोत, ओवात्‍नि आन्‍पोक्‌दा युङिन्‌येन्‌हिदा आन्‍कान मुम्‌ओवा झारासाआ अ़नुवाक माङ्‌लो अ़अ़त्‍पाओ अ़सिवा तोक्‍तुम।

२ तिमोथि 4:14

ताबो कादुप्‍पा अलेक्‍जेन्‍दरआ अ़ङ्‌का ब़द्‍धे अ़त्‍लो अ़मुवाङ। निनाम्‍हाङ्‌आ खो खोसाआ मुओ अ़काचिवा दन्‍दा अ़प़।

खाङ्‌मुमा 2:23

अ़ङ्‌का मो कात़ङ्‌चि सेरुङ्‌च़ङ। खोन्‍कि झारा साम्‍भुङ्‌चिआ अ़सिन, अ़ङ्‌का खोङा ओ, झारासोओ अ़चुमिन्‍माचि खोन्‍कि अ़चुसाकोङ्‌वाचि लामुङ्‌च़ङ, खोन्‍कि खानानिन झारासा त़मुम्‌ओ आम्‍नुओ काचिचिओ सिरिफा अ़ङ्‌का लानाप़नानिन।

खाङ्‌मुमा 20:12

अ़धिवा अ़चुप्‍पा झारा म़सुवादाओचि हाङ्‌युङ्‌खाओ अ़बुदा म़एवाङाओ अ़ङ्‌का खाङ्‌च़ङ। खोन्‍कि छाप्‍लाखाचि म़होङ्‌सा, खोन्‍कि नि ह़ङ्‌म़ङ्‌ओ छाप्‍लाखाछाङ होङ्‌सा। मो छाप्‍लाखाचिदा म़छाप्‍ताङाओ य़ङ्‌चिवा मोचिआ अ़मुवाओ काचिवात्‍नि म़सुवादाओचिओ अ़चुछ़ङ म़छेन्‍तुचि।

खाङ्‌मुमा 22:12

येसु म़य़ङ्‌याङ “खानुम! अ़ङ्‌का च़क्‍निङा ताङाङा! झारा म़नाआ मुओवा प़मा सिरिफा अ़ङ्‌काएदा युङ्‌याङ।